Jeremia 12:7 - MUKANDA USANDU WA ZAMBI 1975

⁷ Hinehuka zuwo liami, hinambila chihinga chami; hinakunjika mukwa zango lia mbunge yami mu moko ja akwa kole jenyi.

Mukanda Wa Zambi 1970

⁷ Mwene Zambi kanambe ngwenyi: “Hinehuka Aisraele; hinalituna vungu lize natongwele. Atu waze te nakuzanga hinaakunjika mu moko ja akwa kole jo.

Jeremia 12:7 Iomraidhean Croise

1 MIANANGANA 21:14

Mungumbila masalila ja chihinga chami nikwakunjika mu moko ja akwa kole jo. Kuli akwa kole jo eswe, kumakapwa ngwe mu yala ya tela; ngwe upite wa kupupa,

Miaso (Masamu) 106:40

Kashika ufwatulo wa Yehova wakasumukine wa kulimika ni atu jenyi. Wevwilile lwaji chihinga chenyi.

Miaso (Masamu) 78:62

Wahanyine atu jenyi ku katana. Wevwile ufwatulo ni chihinga chenyi.

Izaya 2:6

Mumu hiwalituna atu je, e akwa munyachi wa Yakomba, mumu hazala tò ni tahi ja ku Chivumbuko, ni akwa munanyi a kulifwa ni A-Filistea; kakukwata moko ni tundaka.

Jeremia 11:15

Mukwa zango liami kuchi mahasa kupwa mu zuwo liami muze halinga yitanga ya luchisa? Munuhasa kuchinda chize muchikanuwana ha kulinga yilakenyo ya shingo, hanji ha kulambula musunya wa yitapo? Te munuhasa kulikwiza?

Jeremia 14:19

Hiunalitunu Yunda liakulu? Mbunge ye kuyazangile nawa Zaione? Kuchi te hiunatulambe ni kuwuka chakuhi? Twataliletalile uhwimino alioze chipema nichimwe kuchejile. Twataliletalile mwaka wa kuwuka alioze mwongo wejile.

Jeremia 17:4

Kumunwecha kwoko lienu, ku chihinga chenu nanuhele, mba mungunutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 22:5

Alioze nyi kunwapanjikile maliji wano, Yehova kanambe ngwenyi, Ngunalishingi ni yami mwene ngwami, zuwo lino mulialumuka lia kwenyeka.

Jeremia 23:33

Muze umwe wa wano atu, hanji profeta, hanji sasendote makuhula ngwenyi, Chiteli cha Yehova chika? Muwamba kuli ayo ngwe, Yena mwene uli chiteli, mba Yehova kanambe ngwenyi, Ngunambe kukumbila.

Jeremia 23:39

kashika mungunuzundula ni kunumbila kumeso jami, ni yena ni chihunda chino nanuhele ni tulamba twenu.

Jeremia 51:5

Mumu A-Izalele ni A-Yunda kaehukile kuli Zambi yo Yehova-wa-Tujita; alioze chifuchi cha A-Kaletea chazala ni uhie kuli mwe Musandu wa Izalele.

Jeremia 7:14

kashika zuwo lino hanaliluku jina liami, ni yenu nunafulielamo, ni kuma kuno nanuhele yenu ni tulamba twenu, mungulilinga chize nalingile ku Shilo.

Jeremia 7:29

Tewula kambu je ujimbile; imba lungungu ha milundu ya hululu, mumu Yehova hambila chisemuko cha utenu wenyi; halitunacho.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Hosea 11:1

Muze Izalele wapwile mwana namuzangile. Ku Engitu nasanyikine mwanami wa lunga.

Hosea 9:15

Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

Joele 2:15

Humunenu chitavwi mu Zaione. Liselenu tangwa lisandu lia kulitwamina kulia. Tambikenu chikungulwila chilemu.

Joele 3:2

mungukakungulula mavungu eswe, mungukaapalumwisa ku chana cha Yehosofate. Kuze mungukasopa no hali atu jami ni ha chihinga chami Izalele, waze hanaamwange hakachi ka mavungu nikulitetiela chifuchi chami.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Shimbi 33:12

Ha kutwala kuli Mbenjamine yamba ngwenyi, Iye kamuzanga kuli Yehova, hakamwihi nenyi makatwama kawape. Makamufuka tangwa lieswe nganganga. Iye makatwama hakachi ka yipaya yenyi.