Jeremia 12:4 - MUKANDA USANDU WA ZAMBI 1975

⁴ Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Mukanda Wa Zambi 1970

⁴ Chifuchi chetu ndoo tangwa lika muchuma? Mwambu wa mu minda yeswe ndoo tangwa lika muukoma? Tushitu ni tujila kaakufwafwa mumu ha ungulungulu wa atu jetu, e atu kaakwamba ngwo: “Zambi kechi kumona yize twakulinga.”

Jeremia 12:4 Iomraidhean Croise

Miaso (Masamu) 107:34

Chifuchi cha kwima mihuko kakuchalumuna puya ya mungwa mumu ha ungulungulu wa waze atwamamo.

Miaso (Masamu) 50:21

Yuma yino walinga hindu yami naholele. Wangumwene ngwe nguli mukwenu, alioze mungukakwamba, munguyalula kumeso je.

Izaya 24:4

Hashi kuhanalili ni kulela, muno-muze munahongo ni kulela; ni malilu kanahongo hamwe ni hashi.

Izaya 24:6

Kashika shingo linawumbula he hashi, ni akwa hashi kanamono lamba mumu ha uhie wo. Kashika akwa hashi kanapapiwa ni malunga akehe wika asala.

Jeremia 12:11

Hanachipwisa cha kwenyeka; chakulinyenga kuli yami se chapwa cha kwenyeka. Chifuchi cheswe chapwa cha kwenyeka, alioze niumwe kanachise mbunge.

Jeremia 14:2

Yunda kanalishimwoka ni yikolo yenyi yinahongo. Atu jenyi kanalili mbimbi hashi, ni muteto wa Yerusaleme unahiohio.

Jeremia 23:10

Mumu chifuchi hichazala ni yitanji. Mumu chifuchi chinalinyenge ha mukunda wa shingo; kelo ja ku puya hijoma. Jila yo yipi; ngolo jo kujalulamine.

Jeremia 4:25

Natalile alioze kukwapwile mutu, ni tujila eswe a mu tetela hachina.

Jeremia 4:28

Ha chikuma chino hashi muhalishimwoka ni malilu malá pwi; mumu hinamba, hinapala, chalikonyekene, chichi kahiluka kunyima.

Jeremia 5:13

Aprofeta malumuka ngwe fuji; lie liji kulishimo muli ayo. Chocho muchipwa kuli ayo.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Jeremia 9:9

Yehova kanambe ngwenyi, Te chichi kwaaha kastigu mumu ha yino yuma? Chichi kukala milonga ha vungu limwe liapwa ngwe lino nyi?

Hosea 4:3

Kashika chifuchi chinalinyenge, ni waze eswe atwamamo kanahongo, ni tushitu a mu yambu nawa, ni tujila a mu tetela, ni chipwe yishi a mu kalunga-lwiji kanaachiza.

Joele 1:18

Yimuna anatu mikuma Chichize! Matanga a yimuna kanapinji mumu kelo jakuhi. Chipwe yendo ya mapanga kanamono lamba.

Amose 1:2

Yamba ngwenyi, Yehova kanakulunguza ku Zaione, kanahiohesa liji lienyi ku Yerusaleme. Ulilo wa tufunga unalili; helu lia mulundu wa Karmela hanalele.

Habakuke 3:17

Chipwe mukuyu kuuchi kutemuna; chipwe miuva kuyishi mihuko; chipwe mihuko ya mitondo ya olevwe muyihona; chipwe minda kuyishi kupwa ni kulia; chipwe pembe ni panga masutuka ku limba ni ngombe akuhi mu matanga,

Zakaria 1:12

Henaho mungelo wa Yehova yamba ngwenyi, Yehova-wa-Tujita, ndo mwiji muka kuchi kapwa ni keke ha Yerusaleme ni ha yihunda ya Yunda hiwapwa ni ufwatulo wa kulimika nayo miaka yino makumi shimbiali?

A-ROMA 8:22

Mumu tunanyingika yuma yeswe ya kutanga kuyakutwa mikuma ni yikola hamuwika ndo haliapwila.