Jeremia 12:2 - MUKANDA USANDU WA ZAMBI 1975

² Yena wakwatumba mba masoka miji. Kakutatuka nikwima mihuko. Yena uli hakamwihi mu makanwa jo, alioze ku mbunge jo uli kusuku.

Mukanda Wa Zambi 1970

² Yena wakwatumba, no kaakutanda miji; kaakutatuka ni kwima mihuko. Kaakukuchichimieka shina ni kanwa; alioze mu mbunge keeshi kukuzanga.

Jeremia 12:2 Iomraidhean Croise

Jobe 24:12

Ku chihunda akwa chonono kakutwa mikuma, yoze hamulemeka kakutambika ni mbunge yenyi amukwase; hindu Zambi kapanjikile kulemba cho.

Jobe 5:3

Ami hinamona chihepuke kutanda miji alioze henaho nashingile zuwo lienyi.

Miaso (Masamu) 37:35

Hingunamono yingulungulu ni ndundo jinene nikutanda ngwe mutondo wa wisu mu mavu jawo.

Izaya 29:13

Mwene wambile ngwenyi, Wano atu kanakundama kuli yami ni makanwa jo ni kungulemesa ni mivumbo yo, alioze mbunge jo kusuku jili ni yami, ni woma akunguvwila wapwa shimbi yimwe ya atu lianalilongesa kupalikila;

Jeremia 11:17

Yehova-wa-Tujita yoze wanutumbile hananwambe chipi mumu ha chipi chize munyachi wa Izalele ni munyachi wa Yunda hanalingi ni kungwihia ha kwochela insensu Mbale.

Jeremia 3:10

Alioze chipwe ni yino yuma yeswe hindu yayo wa mahuza Yunda kahilukile kuli yami ni mbunge yeswe alioze yalionga. Chocho kanambe Yehova.

Jeremia 45:4

Amba kuli iye ngwe, Yehova kanambe ngwenyi, Ngunapuzula chize natungile; ngunatukula chize natumbile—ngwami, Chifuchi cheswe.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Hosea 7:14

Katambikile kuli yami ni mbunge, alioze ha mihela yo kakulila mbimbi. Kakukungulukila mbuto ni vinyu; kakungukatukila.

Habakuke 1:13

Meso je apema naye, kahashile kumona yipi; kwahashile kutala uhenge. Kuchi te wakutala malunga a mafwefwe? Kuchi te wakuhola muze chingulungulu mamina mutu yoze wamuhiana ni ululi?

Mateu 15:8

Wano atu kakungulemesa ni mivumbo yo; Alioze mbunge jo jili kusuku ni yami.

Marku 7:6

Iye wambile kuli ayo ngwenyi, Izaia waprofetezele kanawa ha kutwala kuli yenu yilembese, ngwe chinasonewa ngwo, Wano atu kakungulemesa ni mivumbo yo, alioze mbunge jo jili kusuku ni yami.

Titu 1:16

Kakwamba ngwo, Tunanyingika Zambi; aiioze ni yitanga kakulikata iye, akwa kuzelwokesa, yihulia; ha kutwala ku yitanga yeswe yipema yisáshili amokomoko.