Jeremia 12:15 - MUKANDA USANDU WA ZAMBI 1975

¹⁵ Alioze muchikapwa muze te hinaatukula munguhiluka, mungwavwila keke. Mungwaneha nawa mutu mweswe ku chihinga chenyi, mutu mweswe ku chifuchi chenyi.

Mukanda Wa Zambi 1970

¹⁵ Alioze muze hinaatwala kusuku, mungukeevwila nawa keke; mungukahilwisa vungu lieswe ku chifuchi chenyi, ni ku chihinga chenyi mwene.

Jeremia 12:15 Iomraidhean Croise

Jeremia 16:15

alioze mamba ngwo, Ni mwono wa Yehova yoze wachijile A-Izalele ku chifuchi cha ku Norte ni ku yifuchi yeswe kuze haahumina. Mumu mungwahilwisa nawa ku chifuchi cho ene chize nahanyine kuli tulamba two.

Jeremia 24:6

Mungusa meso jami hali ayo ngukaalinge yipema. Mungwahilwisa nawa ku chifuchi chino, mungwatungisa, chichi kwapuzula nawa; mungwatumba chichi kwatukula.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Jeremia 3:12

Yako ukambe maliji ano nikutalikisa ku Norte ngwe, Yehova kanambe ngwenyi, Mukwa mafwefwe Izalele, hiluka. Chichi kukutala ni utenu mumu nguli mukwa keke. Yehova kanambe ngwenyi, Chichi kutenuka ndo ku miaka yeswe.

Jeremia 3:17

Ha miaka yize matongola Yerusaleme ngwo, Ngunja ya Yehova, ni mavungu eswe maswilako kumeso ja Yehova mu Yerusaleme mba kechi kasa nawa pami kukaula mbunge ja ayo ene jipi.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Jeremia 48:47

Hindu munguhilwisa nawa kuwaha cha Moape ha matangwa a kusula. Chocho kanambe Yehova. Ndo hano, we upatwilo wa Moape.

Jeremia 49:39

Hindu ha matangwa a kusula mungukahilwisa kuwaha cha Elame. Chocho kanambe Yehova.

Jeremia 49:6

Alioze kulutwe munguhilwisa nawa kuwaha cha A-Amone; chocho kanambe Yehova.

Daniel 11:4

Mba muze hatatuka, wanangana wenyi maumakuna ni kuupangila ku mafuji awana a mwilu alioze hi kuli ana jenyi ko; ni kuyula kechi kayula nikulita ni chiyulo chenyi, mumu wanangana wenyi mautukula akauhane kuli akwo nawa helu lia wano.

Amose 9:14

Mungukahilwisa kuwaha cha atu jami A-Izalele mba makatungulula yihunda yize hiyapuzuka, makatwamamo. Makalima minda ya uva nikunwa vinyu yayo; makalinga manaka nikulia mihuko yo.

Kwalula 32:18

Kutuchi kahiluka ku mazuwo jetu, ndo A-Izalele mutu mweswe makahinga chihinga chenyi.

Yilinga 15:16

Kulutwe lia yino yuma mungukahiluka, mungukatungulula mbalaka ya David yize hiyinapuzuka; mungukatungulula yikulu yayo, mungukayimika:

Shimbi 3:20

ndo Yehova mahana uhwimino kuli akwenu ngwe ahanyine kuli yenu, mba o nawa azuke chifuchi Yehova Zambi yenu anaahecho mu sali lia Yordau; henaho munuhiluka mutu ni mutu ku chihinga chenyi nanuhelecho.

Shimbi 30:3

Yehova Zambi yenu kumakalumuna ufunge wenu, makanuvwila keke, nikunukonga ku mavungu eswe kuze Yehova Zambi yenu wanumwanginyine.