Jeremia 12:14 - MUKANDA USANDU WA ZAMBI 1975

¹⁴ Yehova kanambe ha kutwala kuli enyembo jami api, waze akukwata ku chihinga chize hinahana kuli atu jami A-Izalele ngwenyi, Mungwatukula ku chifuchi cho; mungutukula munyachi wa A-Yunda hakachi ko.

Mukanda Wa Zambi 1970

¹⁴ Mwene Zambi kanambe ngwenyi: “Nguli ni maliji hakutwala kuli enyembo abi waze heenyeka chifuchi chize nahele atu jami Aisraele. Yingulungulu waze mungukaatwala kusuku ni yifuchi yo, ngwe chize akutukula chibuta, mungukalamwina Ayuda ku moko jo.

Jeremia 12:14 Iomraidhean Croise

Miaso (Masamu) 105:15

ngwenyi, Kanda nusunga waze naawayishile ni maji. Aprofeta jami kanda nwalinga nichimwe chipi.

Miaso (Masamu) 106:47

Yehova Zambi yetu, utulamwine kama utuchize hakachi ka mavungu nikutukungulula, hanga tukasakwile ku jina lie lisandu, tukakumbe mu uhaliso we.

Jeremia 2:3

Izalele wapwile musandu kuli Yehova, mbuto yitangu ya kucha. Eswe alileko ahile; chipi chaawanyine. Chocho kanambe Yehova.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 3:18

Ha matangwa aze munyachi wa Yunda muulinunga ni munyachi wa Izalele mba hamuwika makatuka ku chifuchi cha Norte ni kwiza ku chifuchi chino nahanyine chihinga kuli tulamba twenu.

Jeremia 32:37

mungwakonga ku yifuchi yeswe kuze naahuminyine mu utenu wami ni ufwatulo wami, ni matoto anji. Mungwaneha cheka nawa ku chifuchi chino nikwatwamisa ni sambukila.

Jeremia 48:1

Ha kutwala kuli A-Moape. Yehova-wa-Tujita, Zambi ya Izalele kanambe ngwenyi, Lamba lia Nebo mumu hanenyekako! Kiriataime hanayikolesa sonyi, hanayitambula; mbongo yako hanayikolesa sonyi; hanayipuzula,

Jeremia 48:47

Hindu munguhilwisa nawa kuwaha cha Moape ha matangwa a kusula. Chocho kanambe Yehova. Ndo hano, we upatwilo wa Moape.

Jeremia 49:1

Ha kutwala kuli A-Amone. Yehova kanambe ngwenyi, Izalele te keshi ni ana a malunga? Swana keshi nenyi niumwe? Nyi chocho kuchi te Milikome hasalakana Ngate, ni atu jenyi hatwama mu yihunda yako?

Jeremia 49:7

Ha kutwala kuli Endome Yehova-wa-Tujita kanambe ngwenyi, Mana hahwa mu Temane? Yiyulo hiyajimuka kuli yikanyame? Mana jo hachina?

Ezekiel 28:25

Mwene Yehova kanambe ngwenyi, Muze mungukakonga munyachi wa Izalele hakachi ka mavungu kuze anamwanganyina, ni kusolola usandu wami muli ayo kumeso ja mavungu, mba makatwama mu chifuchi cho ene chize nahanyine kuli kavumbi kami Yakomba.

Ezekiel 28:26

Kumakatwamamo ni chipi chakuhi, ni kutunga mazuwo, ni kutumba minda ya uva. Kumakatwama ni chipi chakuhi, muze hinalinga upatwilo wami hali waze eswe anaajingilika waze te hanaalelesa. Henaho makanyingika yami nguli Yehova, Zambi yo.

Ezekiel 36:24

Mumu mungukanuchiza ku mavungu, mungukanukonga ku yifuchi yeswe ngukanunehe ku chifuchi cha yenwene.

Ezekiel 36:5

kashika Mwene Yehova kanambe ngwenyi, Ngunahanjika ni ukwa wami usasu kulimika ni mavungu akwo, ni kulimika ni A-Endome eswe, waze ahanyine chifuchi chami kuli ayo ene achipite ni uwahililo wunji ni kaleleso mweswe akachipite ni kuchipupa.

Ezekiel 37:21

hi amba kuli ayo ngwe, Mwene Yehova kanambe ngwenyi, Munguchiza A-Izalele ku mavungu kuze hanayi; mungwakonga sali ni sali ngukaanehe mu chifuchi cha ayo ene.

Hosea 1:11

Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.

Zakaria 1:15

Ngunatenuka ni mavungu aze anatwama nikuhwima mumu natenukine hakehe wika alioze o awezele ku luyinda.

Zakaria 2:8

Mumu Yehova-wa-Tujita wambile muze te uhenya wenyi wangutumine ku mavungu aze anupupile, (mumu yoze manusunga chapwa ngwe kunguchoka mu katumba ka liso),

Shimbi 28:63

Chizechene ngwe Yehova wawahililile hali yenu mukunulinga yipema, mukunwokesa, chocho Yehova makawahilila hali yenu mukunukuwisa, mukunwonwona, makanuchangumuna ku chifuchi nunayi kuzuka.

Shimbi 30:3

Yehova Zambi yenu kumakalumuna ufunge wenu, makanuvwila keke, nikunukonga ku mavungu eswe kuze Yehova Zambi yenu wanumwanginyine.