Jeremia 12:12 - MUKANDA USANDU WA ZAMBI 1975

¹² Akwa kupunda haneza ha milundu yeswe ya hululu mu puya, mumu katana ka Yehova kakuwumbula, chize ku songo limwe lia chifuchi ndo ku songo likwo lia chifuchi; niumwe mutu kali ni sambukila.

Mukanda Wa Zambi 1970

¹² Akwa kwonona kaanabalika ha milundu ya mu puya, akwa kuchonona heeza. Hinatuma jita ya kwenyeka chifuchi cheswe; niumwe mahasa kutwama mu uhwimino.

Jeremia 12:12 Iomraidhean Croise

Izaya 34:6

Yehova kali ni katana, hakuta ni manyinga, halia nawa maji, hamwe ni manyinga a ana-mapanga ni pembe, ni maji a ku njiso ja kuji a mapanga. Mumu Yehova kali ni yitapo mu Mbozera, kushiha chinene mu chifuchi cha Endome.

Izaya 57:21

Zambi yami kanambe ngwenyi, Uhwimino wakuhi kuli yingulungulu.

Jeremia 15:2

Mba muze makuhula ngwo, Kulihi mutuya? Amba kuli ayo ngwe, Yehova kanambe ngwenyi, Waze hanaasela chilungo, aye ku chilungo, ni waze hanaasela katana, aye ku katana. Waze hanaasela kapunga, aye ku kapunga, ni waze hanaasela ufunge, aye ku ufunge

Jeremia 16:5

Mumu Yehova kanambe ngwenyi, Kanda unjila mu zuwo lia kulilila, kanda uya ukalite mbimbi hanji kwatwila mikuma mumu yami hinachiza sambukila yami ku vungu lino, hamwe ni utu wa zango liami ni keke. Chocho kanambe Yehova.

Jeremia 25:11

Chifuchi chino cheswe muchalumuka cha kwenyeka ni cha mwongo, ni minyachi yino muyilingila mwanangana wa Babilonia makumi shimbiali a miaka.

Jeremia 3:2

Hetula meso je ku milundu kuyishi mitondo utale! Halihi kapombele ni yena? Kwe ku masesa a majila hiwatwaminyina akwa kukuzanga, ngwe Ka-Arabe mu puya. Hiwapihisa chifuchi ni ukoi we upi.

Jeremia 3:21

Liji limwe kanalivu ha milundu kuyishi mitondo, ana ja Izalele a malunga kulila ni kulembelela mumu hanahengesa majila jo, ni kuvulama Yehova Zambi yo.

Jeremia 30:5

Yehova kanambe ngwenyi, Hitwevwa muteto wa mwongo, wa woma, ni sambukila ka.

Jeremia 34:17

Kashika Yehova kanambe ngwenyi, Kunwononokene kuli yami kwambujola utuswilo, mutu mweswe kuli usoko wenyi ni kuli mwenyembo wenyi. Kashika yami mungutusula hali yenu katana, ni chilungo, ni kapunga. Chocho kanambe Yehova. Kumunukapwa chuma cha lwaji ku mavungu eswe a hashi.

Jeremia 4:27

Mumu Yehova kanambe ngwenyi, Chifuchi cheswe muchipwa cha kwonwona, hindu chichi kamanununa lu.

Jeremia 46:10

Tangwa lize, tangwa lia Mwene Yehova-wa-Tujita, tangwa lia kukala milonga; akakale milonga hali akwa kole jenyi. Katana makonwona ndo kukuta; makanwa ni kukuta ni manyinga jo. Mumu Mwene Yehova-wa-Tujita kanalingi yitapo mu chifuchi cha ku Norte, kwe ku lwiji Ufrateze.

Jeremia 47:6

Ena katana wa Yehova, ndo shimbu lika mukahola? Njila mu chindalo che! Hwima; kanda ulisunga!

Jeremia 48:2

lufuma wa Moape hajimuka. Ku Heshebone atakile yipi ya kulimika nenyi ngwo, Tuyenu tukaateteko, alitwamine kupwa vungu nawa. Alioze yena nawa chizaluke kumakakuholesa; katana kumakakukaula.

Jeremia 8:15

Twafupile sambukila, alioze nichimwe chipema kuchejile. Twafupile matangwa a kuwuka, alioze mwongo wika wejile.

Lungungu 3:17

Hachiza sambukila mu mbunge yami; hinavulama uwahililo chize wapwa,

Ezekiel 14:17

Chipwe munguneha katana ha chifuchi ni kwamba ngwami, Katana apalike ndusu mu chifuchi, mba mungusutulaho atu ni tushitu,

Ezekiel 21:28

Ni yena mwana mutu, profeteza wambe ngwe, Mwene Yehova kanambe ha kutwala kuli A-Amone ni ha kutwala ku sau lio ngwenyi, Katana, katana hanamutomona akahane, wa kucheka hanga akahenye ni kulejima—

Ezekiel 21:4

Mumu ha kutetaho kuli yenu ni mukwa ululi ni chingulungulu, kashika katana kami makatuhuka mu chindalo chenyi kulimika ni atu eswe chize ku Sule ndo ku Norte.

Ezekiel 21:8

Liji lia Yehova yiliza kuli yami ngwenyi,

Ezekiel 21:9

Mwana mutu, profeteza ukambe ngwe, Yehova kanambe ngwenyi, Amba ngwe, Umwe katana, umwe katana hanamuhele ni kumucheka nawa.

Ezekiel 5:2

Chihanda chamuchitatu muwocha ha jiko hakachi ka chihunda muze matangwa a kuseleka hahwa; chihanda chikwo chamuchitatu muwanda nikuchilambalamba ni katana kweswe kwa kujingilika chihunda; chihanda chikwo chamuchitatu mumwangina mu fuji, mba mungutomona katana kujihanga.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Amose 9:4

Chipwe maya ufunge kuli akwa kole jo, kwenako mungukatuma katana mba makaashiha. Mungwahulikila meso jami kwalinga chipi hi chipema ko.

Zefania 2:12

Ni yenu nawa A-Etiopia kumunukafwa ni katana kami.

Shimbi 32:42

Munguzengewesa mivi yami ni manyinga. Katana kami malia yifwo hamwe ni manyinga a afu ni funge, ni mutwe wa mianangana ja akwa kole.

Usolwelo 6:4

Ni kavwalu mukwo muchila watuhukile: ahanyine kuli yoze watwamineho mukuchiza sambukila hashi, hanga akalishihe umwe ni mukwo ni mukwo; mba amuhele katana munene.