Jeremia 12:11 - MUKANDA USANDU WA ZAMBI 1975

¹¹ Hanachipwisa cha kwenyeka; chakulinyenga kuli yami se chapwa cha kwenyeka. Chifuchi cheswe chapwa cha kwenyeka, alioze niumwe kanachise mbunge.

Mukanda Wa Zambi 1970

¹¹ Haachenyeka; hichabwa chahululu ku meso jami. Chifuchi cheswe hichabwa puya, wakuhi niumwe yoze unachivwila chinyengo.

Jeremia 12:11 Iomraidhean Croise

Longeshi 7:2

Hapwa kuya ku zuwo lia masoji, hi zuwo lia muzumbu ko. Mumu kufwa, songo lia atu eswe, ni akwa mwono machisa ku mbunge.

Izaya 42:25

Kashika wazukwile hali iye kusasaminya cha utenu wenyi, hamwe ni ndundo jenyi ja jita. Wamuchochekele kahia kwa kujingilika, alioze kuchamulumbunukine. Wamwochele alioze kachisele mbunge.

Izaya 57:1

Mukwa ululi kakukuwa, alioze niumwe kanachise mbunge. Akwa kulemesa Zambi kakwachiza, alioze niumwe kuchamulumbunukine. Mumu mukwa ululi kakumuchiza ku kuji-ni-tomo,

Jeremia 10:22

Ivwenu lufuma umwe! Kuchineza! Chizungozungo cha ku chifuchi cha Norte, yihunda ya Yunda yikalumuke ya hululu, yipombelo ya mikuza.

Jeremia 10:25

Zukula ufwatulo we ha mavungu aze kakunyingikine, hali minyachi aze katambikile ha jina lie. Mumu anongesene Yakomba, amunongesene ni kumukuwisa, ni kupwisa kuma kwenyi kwa kutwama kwa hululu.

Jeremia 14:2

Yunda kanalishimwoka ni yikolo yenyi yinahongo. Atu jenyi kanalili mbimbi hashi, ni muteto wa Yerusaleme unahiohio.

Jeremia 19:8

Mungupwisa chihunda chino chuma cha mwongo, chuma cha kuyunga. Mweswe mapalikako mevwa lwaji, mayunga mumu ha kuji-ni-tomo liako lieswe.

Jeremia 23:10

Mumu chifuchi hichazala ni yitanji. Mumu chifuchi chinalinyenge ha mukunda wa shingo; kelo ja ku puya hijoma. Jila yo yipi; ngolo jo kujalulamine.

Jeremia 25:11

Chifuchi chino cheswe muchalumuka cha kwenyeka ni cha mwongo, ni minyachi yino muyilingila mwanangana wa Babilonia makumi shimbiali a miaka.

Jeremia 4:20

Kuji-ni-tomo linalihange ni kuji-ni-tomo; chifuchi cheswe chapwa cha kwenyeka. Susumuku honwona mbalaka jami, ni kurtina jami ni shimbu liakuhi.

Jeremia 4:27

Mumu Yehova kanambe ngwenyi, Chifuchi cheswe muchipwa cha kwonwona, hindu chichi kamanununa lu.

Jeremia 4:28

Ha chikuma chino hashi muhalishimwoka ni malilu malá pwi; mumu hinamba, hinapala, chalikonyekene, chichi kahiluka kunyima.

Jeremia 6:8

Ivwa kutoweza chino, ena Yerusaleme kuchina mungukuchiza mbunge; kuchina mungukupwisa chihunda cha hululu, chifuchi kuchishi atu.

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Jeremia 9:11

Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Jeremia 9:9

Yehova kanambe ngwenyi, Te chichi kwaaha kastigu mumu ha yino yuma? Chichi kukala milonga ha vungu limwe liapwa ngwe lino nyi?

Joele 1:10

Minda hanayenyeka. Chifuchi chinalili, mumu mbuto hanayenyeka. Vinyu yaha hiyinomu, ni maji hanatepuluka.

Alevi 26:32

Mungwenyeka chifuchi, chocho chipwe akwa kole jenu aze meza kutwamamo malishimwoka.

Zakaria 7:5

Amba kuli atu eswe a mu chifuchi hamwe ni asasendote ngwenu, Ha kulitwamina kulia ni kulinyenga ha kakweji wamuchitano ni wamuchishimbiali, miaka yino makumi shimbiali, te yami nunachilingila?

Malaki 2:2

Yehova-wa-Tujita kanambe ngwenyi, Nyi kunuchi kupanjika ni kuchisa mu mbunge kuchichimieka jina liami mungutuma shingo hali yenu. Yiwape yenu munguyishinga, chipwe haliapwila hinayishinga kulu mumu chino chuma kunwachisele mbunge.

A-ROMA 8:22

Mumu tunanyingika yuma yeswe ya kutanga kuyakutwa mikuma ni yikola hamuwika ndo haliapwila.