Jeremia 12:1 - MUKANDA USANDU WA ZAMBI 1975

¹ Ena Yehova uli mukwa ululi, muze nakunenganyana kuli yena, hindu ngunazange kulumbununa chikuma chami kumeso je. Kuchi te jila ya chingulungulu yakuwaha? Kuchi te akwa mafwefwe eswe kakutatuka?

Mukanda Wa Zambi 1970

¹ Mwene Zambi, nyi munguhamika ni yena, kachi yena muungukununa. Chibwe chocho ngunakuhula yihula hakutwala ku ululi. Mumu yika yingulungulu akuwaha? Mumu yika akwa uhenge akuyuka?

Jeremia 12:1 Iomraidhean Croise

Ubutukilo 18:25

Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

Ezra 9:15

Yehova, Zambi ya Izalele! Uli mukwa ululi! mumu hitwasala ngwe atu a piliwiji a kwomboka—chize twapwa kumeso je musono. Tala, tuli kumeso je ni uhie wetu, mumu niumwe mahasa kumana kumeso je mumu ha chino chuma.

Nehemia 9:33

Alioze mu yuma yino yeswe hiyatushata uli mukwa ululi mumu hiwalinga ni umwenemwene; yetu hitwalinga ni ungulungulu.

Jobe 12:6

Mazuwo ja yingumba kali kanawa; akwa kwihia Zambi kanajikiza; kakupwisa tachi jo ngwe Zambi.

Jobe 13:3

Alioze ngunazange kuhanjika ni Mukwa-Ndundo-Jeswe; ngunafupu kusopa chikuma chami ni Zambi.

Jobe 24:12

Ku chihunda akwa chonono kakutwa mikuma, yoze hamulemeka kakutambika ni mbunge yenyi amukwase; hindu Zambi kapanjikile kulemba cho.

Jobe 24:23

Iye kakwakolesa, kakwajikijisa; meso jenyi hwali ha majila jo.

Jobe 8:17

Miji yenyi kuyakutanda ndo ku milumba ya mawe; kuyakutwama kwe ku yimawe.

Miaso (Masamu) 116:5

Yehova mukwa vumbi ni ululi; ewa, Zambi yetu mukwa keke.

Miaso (Masamu) 119:137

Yena Yehova uli mukwa ululi, ni upatwilo we nawa kuwalulama.

Miaso (Masamu) 119:75

Yehova, ngunanyingika ngwami, Upatwilo we wapwa wa ululi, chikwo nawa mu umwenemwene we wanguyindamishine.

Miaso (Masamu) 145:17

Yehova kapwa mukwa ululi mu majila jenyi eswe. Mu yitanga yenyi yeswe vumbi akwete.

Miaso (Masamu) 37:1

Kanda ulifwita mumu hali akwa kulinga yipi. Chipwe waze akulinga ungulungulu kanda wavwila ukwa.

Miaso (Masamu) 37:35

Hingunamono yingulungulu ni ndundo jinene nikutanda ngwe mutondo wa wisu mu mavu jawo.

Miaso (Masamu) 51:4

Yena, yena wika, nakuvulumwine, nikulinga chuma chino chipi kumeso je. Hanga ukasambe muze muhanjika; ukatome muze mupatula.

Miaso (Masamu) 51:6

Pundu yena wakuzanga umwenemwene mu michima. Mukangulongesa mana muze mwahengama.

Miaso (Masamu) 92:7

Muze yingulungulu masoka ngwe mwambu ni akwa kulinga uhenge mawaha, muchipwa chocho hanga akaonwone cha mutolo.

Yishima 1:32

Mumu yizuzuke kakufwa mumu ha kumba nyima; yihepuke kakulionwona ni kusehejela cho.

Longeshi 8:14

Chimwe chuma chamokomoko chakulingiwa hano hashi; kwali akwa ululi amwe mba yize yatamba kachi kuwana yingulungulu muyiawana ayo; ni kwali amwe yingulungulu mba yize yatamba kachi kuwana akwa ululi muyiawana ayo. Yingwamba ngwami chino nawa chapwa chamokomoko.

Izaya 41:21

Lumbununenu chikuma chenu, chocho kanambe Yehova. Mwanangana wa Yakomba kanambe ngwenyi, Nehenu uchela wenu.

Izaya 48:8

Kunwachivwile, kunwachinyingikine nilimwe tangwa, chize ku shakulu kajikwile matwi jenu. Mumu nanyingikine ngwami, Munulinga ni mafwefwe anji. Chize ku kusemuka chenu nuli akwa kukolema.

Jeremia 11:20

Alioze, Yehova-wa-Tujita yena wakupatula ni ululi, ni kweseka mbunge ni manyonga, ngumone kama chize mwafwetesa mumu hinakunjika chikuma chami kuli vena.

Jeremia 12:6

Mumu chipwe ayayenu ni munyachi wa tatenu, chipwe o halinga ni yena ni mafwefwe, kanakuhange ni kukolojoka. Chipwe mahanjika ni yena maliji apema kanda uafuliela.

Jeremia 3:20

Pundu, ngwe pwo mukwa mafwefwe mahichika lunga lienyi, chocho yenu hinwapwa ni mafwefweni yami enu munyachi wa Izalele. Chocho kanambe Yehova.

Jeremia 3:7

Hindu nanyonga ngwami, Muze halinga chino cheswe mahiluka kuli yami. Alioze kahilukile, ni yayo wa mahuza Yunda yachimona.

Jeremia 32:16

Muze hinahana we mukanda wa kulanda kuli Baruke mwana Neria yingulemba kuli Yehova ngwami,

Jeremia 5:11

Mumu Yehova kanambe ngwenyi, Munyachi wa Izalele nimunyachi wa Yunda hapwa ni mafwefwe kuli yami pundu.

Jeremia 9:2

Nyi kachi napwa ni kamwe kazuwo ka ngeji mu puya, hanga ngukahichike atu jami ngukaye kusuku no! Mumu eswe anapu akwa utanji, mbunga ya malunga a mafwefwe.

Lungungu 1:18

Yehova kanasambe, mumu nakolemene liji lienyi; alioze ivwenu enu mavungu eswe nukamone yikola yami. Anami a mapwo ni akweze jami hanayi funge.

Ezekiel 18:25

Hindu nwakwamba ngwenu, Ndako ja Mwene hi ja ululi ko. Ivwenu haliapwila enu akwa munyachi wa Izalele. Kumanyi ndako jami hi ja ululi ko? Nyi ja yenu kujalulamine?

Daniel 9:14

Kashika Yehova hanatufungila kuji-ni-tomo lino, hatukokelalio; mumu Yehova Zambi yetu iye mukwa ululi mu yitanga yeswe yize halinga, ni yetu kutwononokene ku liji lienyi.

Daniel 9:7

Mwene, ululi unalite ni yena, alioze chize chinatute yetu, sonyi ku meso, chize tunamono musono, kuli malunga ja Yunda, ni kuli akwa Yerusaleme, ni kuli A-Izalele eswe, waze ali hakamwihi ni waze ali kusuku mu yifuchi yeswe kuze hiwaahumina mumu ha mafwefwe aze halinga ni yena.

Hosea 6:7

O hanatangula usendo chizechene ngwe Alama; hanalingi ni mafwefwe kuli yami.

Habakuke 1:4

Chocho shimbi yakokoloka ni upatwilo wa kulita kuushi kumoneka. Mumu yingulungulu kanaseleka akwa ululi; kashika kakuhengesa upatwilo.

Zefania 3:5

Yehova muchima lienyi mukwa ululi, kalingile nichimwe chipi. Tangwa ha tangwa chimene upatwilo wenyi wa kulita unasoloka; ha kucha cha tangwa keshi kuhona, alioze akwa uhenge keshi sonyi.

Malaki 2:17

Hinwakatalisa Yehova ni maliji jenu. Hindu nwakwamba ngwenu, Twamukatalisa kuchi? Ha kwamba ngwenu, Mweswe kanalingi chipi, kanapeme kumeso ja Yehova, aye kakuwahilila no. Hanji ha kuhula ngwenu, Zambi ya upatwilo wa kulita kuli ali?

Malaki 3:15

Haliapwila mutumona ngwe kawaha akwa kulizata. Akwa kulinga chipi kakuwaha, ni chikwo nawa muze meseka Zambi kakulilamwina.

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.