Jeremia 11:7 - MUKANDA USANDU WA ZAMBI 1975

⁷ Mumu natowezele tulamba twenu ni tachi muze naachijile ku chifuchi cha Engitu, nikwatoweza tangwa ha tangwa ndo musono uno ngwami, Ononokenu ku liji liami.

Mukanda Wa Zambi 1970

⁷ Muze watuhwishile tushakulu two mu Egiptu yingwakanyamisa hanga angwononokene, nakwakanyamisa ndoo ni musono.

Jeremia 11:7 Iomraidhean Croise

1 MIANANGANA 17:13

Alioze Yehova washindakenyene kuli A-Izalele ni kuli A-Yunda kuli profeta mweswe ni kuli mukwa kumona mweswe ngwenyi, Alumukenu ku ndako jenu jipi nukafunge shimbi jami ni yiyulo yami nikulita ni shimbi jami jeswe jize natuminyine tulamba twenu, te jize nanutumine kuli tuvumbi twami aprofeta.

2 Sango Ja Mianangana 36:15

Yehova Zambi ya tulamba two yaatuma tunganda twenyi, che kulimeneka ni kutumatuma mumu keke ya atu jenyi ni zuwo lienyi.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Jeremia 11:4

natumine tulamba twenu muze naachijile mu chifuchi cha Engitu, mwe mu lutengo wa utale ngwami, Panjikenu ku liji liami, lingenu yeswe ngunanutumina. Chocho munukapwa atu jami ni yami mungukapwa Zambi yenu

Jeremia 25:3

Makumi aali a miaka ni miaka yitatu (chize ku mwaka kumi ni tatu wa Josia mwana Amone mwanangana wa Yunda ndo musono) liji lia Yehova liakwizaza kuli yami, ni yami hinahanjika kuli yenu nikulimenyeka nikuhanjeka, hindu kunwapanjikile.

Jeremia 25:4

Kunwapanjikile chipwe kutela matwi jenu, chipwe Yehova hatumatuma kuli yenu tuvumbi twenyi aprofeta eswe ngwenyi,

Jeremia 31:32

Yehova kanambe ngwenyi, Chichi kulinga usendo ngwe uze nalingile ni tulamba two muze naakwachile ku kwoko ngukaachize ku chifuchi cha Engitu. Usendo wami autangwile chipwe napwile mukwolunga.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 34:14

Ha mwaka wamuchishimbiali munutusula Ka-Hepreu ni mukwenu mweswe hinwalanda mba hanulingila miaka yisambano. Chanutamba kumutusula ku milimo yenu. Alioze tulamba twenu kapanjikile chipwe kutela matwi.

Jeremia 35:14

Shimbi yize Jonadabe mwana Rekabe hahana kuli ana jenyi kanda akanwa vinyu, hanayifungu kayinwine ndo musono, mumu hononoka ku shimbi ya kalamba ko. Ni yami hinahanjeka kuli yenu alioze kunwangupanjikile.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 7:13

Kashika haliapwila Yehova kanambe ngwenyi, Mumu hinwalinga yuma yino yeswe mba muze nahanjikile kuli yenu nikutumatuma kunwapanjikile, muze nasanyikine kunwakumbulwile,

Hosea 4:1

Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Hosea 5:1

Enu asasendote, ivwenu chino! Enu munyachi wa Izalele, panjikenu! Enu munyachi wa mwanangana, halakanenu! Upatwilo unatwala kuli yenu, mumu hinwapwa kambwila ku Mizepa, hinwapwa wanda wa kuta ku Tabore.

Zakaria 1:4

Kanda nupwa ngwe tulamba twenu, kuli ayo aprofeta a kushi akololokele ngwo, Yehova-wa-Tujita kanambe ngwenyi, Katukenu ku majila jenu api ni yitanga yenu yipi. Alioze kevwile; kangupanjikile; chocho kanambe Yehova.

Efesu 4:17

Kashika chino ngunambe, ngunashindakenya muli Mwene ngwami, Kanda nukenda nawa ngwe mavungu akwenda mu kunyonga cho chamokomoko,

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Shimbi 4:6

Nuyifunge, nuyilinge; mumu yino kuyapwa mana jenu ni yinyingi yenu kumeso ja mavungu makevwa yiyulo yino. O mamba ngwo, Chamwenemwene munyachi uno kuwapwa atu a mana ni yinyingi.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Shimbi 6:2

Nukavwile woma Yehova Zambi yenu, mukufunga yiyulo yenyi yeswe ni shimbi jenyi ngunanwambeyo, ni yenu, ni ana jenu, ni ajikulu jenu, matangwa eswe a mwono wenu, hanga matangwa jenu akapwe anji.

Shimbi 8:6

Nufunge maliji a shimbi a Yehova Zambi yenu, mukwenda mu majila jenyi, mukumuvwila woma.

2 A-TESALONIKA 3:12

Achi wano, shimbi tunaahe, tunaashinjila muli Mwene Yesu Kristu, akahole, akalinge milimo, akalie mbolo yo ene.

1 Samuel 8:9

Kashika panjika ku liji lio, hindu muatoweza ni tachi nikwalweza chize mapwa mwe mwanangana yoze maayula.