Jeremia 11:4 - MUKANDA USANDU WA ZAMBI 1975

⁴ natumine tulamba twenu muze naachijile mu chifuchi cha Engitu, mwe mu lutengo wa utale ngwami, Panjikenu ku liji liami, lingenu yeswe ngunanutumina. Chocho munukapwa atu jami ni yami mungukapwa Zambi yenu

Mukanda Wa Zambi 1970

⁴ Uno we Usendo uze nakolesele ni tushakulu two muze naatuhwishile mu chifuchi cha Egiptu, chize chabwile ngwe lutemo kuli ayo. Yingwalweza hanga ononoke kuli yami ni kulinga yuma yeswe yize naalwezele. Yingwalweza ngwami, nyi maangwononokena, kumaabwa atu jami ni yami mungubwa Zambi yo.

Jeremia 11:4 Iomraidhean Croise

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

1 Yitanga Ya Mianangana 8:51

Mumu o atu je, ni chihinga che waze wachijile ku Engitu mwe muchima Ha lutengo wa utale.

1 MIANANGANA 18:6

Mumu walalaminyine kuli Yehova; kalitwaminyine kumukaula; yafunga shimbi jenyi jize Yehova watumine kuli Mose.

Kutuhuka 20:6

nikulweza utu wa zango kuli tununu twa waze akunguzanga, kuli waze akufunga shimbi jami.

Izaya 30:6

Liji lia kutwala kuli ngongo ja ku Negeve. Ndusu mu chifuchi cha lamba ni kupinda, kuze kwakatuka ndumba a chihwo ni kuji, ni yenge ni toto, kakumbata upite wo ha manyima ja yimbulu, ni yikumba yo ya ndando ha kunda ja tumelu, kuli atu aze kechi kuhasa kwakwasa.

Izaya 48:10

Hinanupemesa, alioze hi ngwe prata ko, hinanweseka mu lutengo wa luyinda.

Jeremia 11:7

Mumu natowezele tulamba twenu ni tachi muze naachijile ku chifuchi cha Engitu, nikwatoweza tangwa ha tangwa ndo musono uno ngwami, Ononokenu ku liji liami.

Jeremia 24:7

Mungwaha mbunge ya kunyingika ngwo, Iye Yehova; mba o kumakapwa atu jami ni yami kumungukapwa Zambi yo mumu mahilukila kuli yami ni mbunge jo jeswe.

Jeremia 26:13

Kashika pemesenu ndako jenu ni yitanga yenu, nukononoke ku liji lia Yehova Zambi yenu, mba Yehova malikonyeka ha chuma chino chikalu hamba kulimika ni yenu.

Jeremia 30:22

Mba munupwa atu jami ni yami mungupwa Zambi yenu.

Jeremia 32:28

Kashika Yehova kanambe ngwenyi, Ngunakunjika chihunda chino kuli A-Kaletea ni kuli Nabukanezore mwanangana wa Babilonia mba kumakachitambula.

Jeremia 38:20

Jeremia yamba ngwenyi, Kechi kunukunjika kuli ayo. Ononokenu haliapwila ku liji lia Yehova ha chuma chino ngunambe kuli yenu mba muchiwaha ni yenu, ni kechi kunushiha.

Ezekiel 11:20

hanga akende mu yiyulo yami, ni kufunga shimbi jami, nikujononokena. O kumakapwa atu jami, ni yami mungukapwa Zambi yo.

Ezekiel 14:11

hanga akwa munyachi wa Izalele kanda apianguka nikunguhichika, chipwe kulichisa nawa ni Utanguko wo weswe, alioze akapwe atu jami ni yami ngukapwe Zambi yo. Chocho kanambe Mwene Yehova.

Ezekiel 36:28

Munukatwama mu chifuchi chize nahanyine kuli tulamba twenu; mba kumunukapwa atu jami, ni yami mungukapwa Zambi yenu.

Ezekiel 37:23

Kechi kalichisa nawa ni mahamba jo ni yuma yo ya kuvwisa kupiha, hanji Utanguko wo weswawo, alioze mungukaalamwina ku kukokoloka cho kuze havulumuna. Mungukaapemesa, mba kumakapwa atu jami, ni yami mungukapwa Zambi yo.

Ezekiel 37:27

Zuwo liami lisandu mulikatwama hamwe no, mba mungukapwa Zambi yo, no makapwa atu jami.

Daniel 3:26

Nabukanezore yakundama ku chikolo cha lutengo wa kahia ka kulengenya, yamba ngwenyi, Shadrake, ni Meshake, ni Abedenego, tuvumbi twa Zambi Chitunda, tuhukenu, nwize kuno! Mba Shadrake, ni Meshake, ni Abedenego yatuhuka mu kahia.

Alevi 26:12

Mungwenda hakachi kenu. Mungupwa Zambi yenu, ni yenu munupwa atu jami.

Alevi 26:3

Nyi munwenda nikulita ni yiyulo yami ni kufunga shimbi jami kujilinga,

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Zakaria 6:15

Waze ali kusuku makeza akakwase kutunga tembele ya Yehova, mba mununyingika Yehova-wa-Tujita wangutumine kuli yenu. Chino muchiza kupwa nyi munwononoka ku liji lia Yehova Zambi yenu ni mbunge yeswe.

Zakaria 8:8

Mungukaaneha akatwame mu Yerusaleme. O kumakapwa atu jami, ni yami mungukapwa Zambi yo, ni umwenemwene ni ululi.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

Shimbi 11:27

Chiwape, nyi munupanjika ku maliji a shimbi a Yehova Zambi yenu ngunanwambe musono.

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

Shimbi 5:6

Zambi yamba ngwenyi, Nakuchijile mu chifuchi cha Engitu, ku zuwo lia upinji, yami Yehova Zambi ye.

Hebreu 5:9

Mba se hanamupwisa mungunu iye kapwa mwe Kaputu ka ulamwino wa mutolo kuli waze eswe akumwononokena.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.