Jeremia 11:22 - MUKANDA USANDU WA ZAMBI 1975

²² kashika Yehova-wa-Tujita kanambe ngwenyi, Mungwaaha kastigu. Akweze jo kumafwa ni katana, ni ana jo a malunga ni a mapwo kumafwa ni kapunga;

Mukanda Wa Zambi 1970

²² Mba Mwene Zambi Mukwa Ndundo Jeswe yangwamba ngwenyi: “Mungwamwesa lamba! Akweze jo maakafwila mu jita ni ana jo maakafwa ni zala.

Jeremia 11:22 Iomraidhean Croise

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Jeremia 18:21

Kashika kunjika ana jo ku kapunga; wakunjike ku chiyulo cha katana. Mapwo jo apwe ndumba ni tuliwa. Malunga jo akafwe ni chilungo, ni akweze jo akaashihe ni katana mu jita.

Jeremia 21:14

Yehova kanambe ngwenyi, Mungunwaha kastigu nikulita ni mihuko ya yitanga yenu. Munguwika kahia mu usaki wako mba mukalalisa chize cheswe chinamujingilika.

Jeremia 44:13

Munguhana kastigu kuli waze anatwama mu chifuchi cha Engitu chizechene ngwe nalambile Yerusaleme ni katana, ni kapunga, ni chilungo,

Jeremia 49:26

Kashika akweze jenyi makalimbuka ha malindalinda ja matapalo jenyi, ni maswalale jenyi eswe makanonga ha tangwa lize. Chocho kanambe Yehova-wa-Tujita.

Jeremia 9:21

Mumu kufwa hichakanduka kwe ku njanela jetu, hichanjila mu palasiu jetu, ni kusutula ana ha tapalo, ni akweze ku malindalinda.

Lungungu 2:21

Akweze ni makulwana kanapombo mu fufuta ya mu matapalo. Ana jami a mapwo ni akweze jami hanafu ni katana. Ha tangwa lia utenu we hiwaashihisa; Hiwaaliana ni keke yakuhi.

Amose 4:10

Natumine hakachi kenu chilungo ngwe chize cha Engitu; nashihile akweze jenu ni katana; nambachile tuvwalu twenu; napwishile yilombo yenu ya kukupuka vumba lipi mu mazulu jenu. Hindu kunwahilukile kuli yami. Chocho kanambe Yehova.