Jeremia 11:21 - MUKANDA USANDU WA ZAMBI 1975

²¹ Kashika Yehova kanambe ha kutwala kuli malunga a Anatote, waze anafupu kukushiha, nikwamba ngwo, Kanda uprofeteza ni jina lia Yehova, kumuofwa ku kwoko lietu—

Mukanda Wa Zambi 1970

²¹ Malunga a ku chihunda cha Anatote azangile kungushiha. Yaangulweza ngwo, nyi muunyongonona kulongesa maliji a Zambi, mutukushiha.

Jeremia 11:21 Iomraidhean Croise

Izaya 30:10

Kuli akwa kumona kakwamba ngwo, Kanda numona! Ni kuli aprofeta kakwamba ngwo, Kanda nuprofeteza kuli yetu chize Chinapeme. Hanjikenu kuli yetu yuma ya kupepieka, profetezenu yuma ya kulitambila.

Jeremia 1:1

Maliji a Jeremia, mwana Hilekia, wa hakachi ka asasendote, waze apwile mu Anatote mu chifuchi cha Mbenjamine.

Jeremia 1:19

Kumakasa jita ni yena; alioze kechi kakukumba, mumu yami nguli hamwe ni yena kukupulula. Chocho kanambe Yehova.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Jeremia 26:8

Mba muze Jeremia hamana kuhanjika yize yeswe Yehova hamutuma kuhanjika ni atu eswe, henaho asasendote, ni aprofeta ni atu eswe yamukwata ngwo, Kumuofwa!

Jeremia 32:7

Hanamele mwana wa nokotu Shalume meza kuli yena ngwenyi, Landa munda wami mu Anatote mumu yena uli ni chiyulo cha kulanda ni kukula.

Jeremia 34:20

mungwakunjika kuli akwa kole jo ni kuli waze anazange kwashiha. Mijimba yo muyipwa kulia kuli tujila a mu tetela ni kuli tushitu a mu yambu.

Amose 2:12

Alioze nwanwishine Anazireu vinyu; nwambile aprofeta ngwenu, Kanda nuprofeteza.

Mika 7:6

Mumu mwana wa lunga kakulelesa tato, ni mwana wa pwo kakukatukila naye; tembwa-mwanenyi malimika ni tato-pwo. Akwa kole ja mutu e akwa usoko wenyi.

Mateu 10:21

Alioze mukulwana makakunjika mwanakwo ku kufwa, ni tato makunjika mwanenyi: ni ana makakatukila yisemi jo akaashihe.

Mateu 21:35

Ahoze njimi akwachile ndungo jenyi, umwe amulambile, mukwo amushihile, ni mukwo amwashile mawe.

Mateu 22:6

Akwo akwachile ndungo, nikwalinga chipi, nikwashiha.

Luka 4:24

Iye ngwenyi, Pundu ngunambe kuli yenu ngwami, Profeta niumwe mapemena akwa chijima chenyi mwene.