Jeremia 11:20 - MUKANDA USANDU WA ZAMBI 1975

²⁰ Alioze, Yehova-wa-Tujita yena wakupatula ni ululi, ni kweseka mbunge ni manyonga, ngumone kama chize mwafwetesa mumu hinakunjika chikuma chami kuli vena.

Mukanda Wa Zambi 1970

²⁰ Mba yinguliumba ngwami: “Mwene Zambi Mukwa Ndundo Jeswe, yena uli ngaji wa ululi; wakweseka manyonga ja atu ni mbunge jo. Hinakunjika milimo yami mu moko je; kashika ngutayize kama ngumone chize muungukala kuli atu wano.”

Jeremia 11:20 Iomraidhean Croise

Ubutukilo 18:25

Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

1 MIANANGANA 19:14

Hezekia yatambula mukanda ku moko ja tunganda; yautanga. Mba Hezekia yakanduka ku zuwo lia Yehova; yauzazulula kumeso ja Yehova.

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

1 Sango Ja Mianangana 29:17

Zambi yami, ngunanyingika yena kuwakweseka mbunge, kuwakuwahilila ni ululi. Ha kutwala kuli yami mu kutuwika cha mbunge yami hinahana yino yuma yeswe nikulikomonona. Mba hinamona ni chiseke atu je wano anasu kuno kanakulambula ni mbunge.

Jobe 5:8

Nyi yami, kachi mungufupa Zambi, kuli Zambi mungukunjika chikuma chami.

Miaso (Masamu) 139:23

Zambi, hengula muli yami unyingike mbunge yami. Ungweseke, unyingike manyonga jami.

Miaso (Masamu) 35:2

Kwata ku lukepwe ni lukepwe munene, mana ungukwase.

Miaso (Masamu) 43:1

Zambi ungupatwile kama yena; unguhakwilile chikuma chami ku vungu lia utanganyanyi; ngupulule kama kuli chilembese ni chihenge.

Miaso (Masamu) 57:1

Nguvwile kama vumbi, Zambi, nguvwile kama vumbi, mumu mbunge yami kuyaswama muli yena. Ewa, mu Chizulie cha mapulwa je munguswama ndo luyinda yono hahwa.

Miaso (Masamu) 58:10

Mukwa ululi mawahilila muze mamona che kukala. Masanyisa yiliato yenyi mu manyinga a yingulungulu.

Miaso (Masamu) 7:10

Lukepwe wami wa kuli Zambi, yoze wakulamwina waze analulama mu mbunge.

Miaso (Masamu) 7:8

Yehova kumapatwila e atu. Ngupatwile kama Yehova nikulita ni ululi wami, nikulita ni kutuwika chami chize chili muli yami.

Miaso (Masamu) 7:9

We ungulungulu wa yingulungulu ukahwe lume, alioze jikijisa mwe mukwa ululi; mumu mwe Zambi ya ululi kakweseka kunyonga cheswe cha mbunge.

Miaso (Masamu) 98:9

kumeso ja Yehova, mumu kaneza mukupatwila hashi. Kumakapatwila muno-muze ni ululi. Kumakapatwila mavungu ja atu nikulita.

Jeremia 12:1

Ena Yehova uli mukwa ululi, muze nakunenganyana kuli yena, hindu ngunazange kulumbununa chikuma chami kumeso je. Kuchi te jila ya chingulungulu yakuwaha? Kuchi te akwa mafwefwe eswe kakutatuka?

Jeremia 12:3

Alioze yena Yehova unangunymgika. Unangumono, nikweseka manyonga jami ha kutwala kuli yena. Watukule ngwe mapanga a kuya ku chishihilo, ukaatulike ha tangwa lia kushiha.

Jeremia 15:15

Yehova, ena unanyingika. Ungwiwuluke Ungunangise. Ungukalile hali akwa kunguhungumiona. Mu kulihumikiza che kanda unguchiza. Nyingika kanawa ha mukunda wa yena nakulikoleza ni luchoko.

Jeremia 17:10

Yami Yehova kunakupolongoza mu manyonga ni kweseka mbunge, hanga ngukahane kuli mutu mweswe nikulita ni ndako jenyi, nikulita ni mihuko ya yitanga yenyi.

Jeremia 17:18

Akakolese sonyi waze akunguhungumiona, alioze yami kanda ngwivwa sonyi. Akalishimwoke ayo, alioze kanda ngulishimwoka yami. Koka hali ayo tangwa lipi, Ukaonwone kaali.

Jeremia 20:12

Yehova-wa-Tujita, yena wakweseka akwa ululi, Wakumona mbunge ni manyonga. Ngumone kama chize mwafwetesa, mumu hanakunjika chikuma chami kuli yena.

Lungungu 3:58

Mwene, hiwakwata ku chikuma chami; hiwakula mwono wami.

Lungungu 3:59

Yehova, hiwamona chipi chize angulingile; Ungupatwile chikuma chami.

Lungungu 3:64

Yena Yehova muwafwetesa nikulita ni yitanga ya moko jo.

Ezekiel 11:5

Mba Spiritu ya Yehova yahulumuka hali yami. Yangwamba ngwenyi, Amba ngwe, Yehova kanambe ngwenyi, Enu akwa munyachi wa Izalele, kumanyi nunanyongo chocho. Mumu yami ngunanyingika yuma yize yapalika mu manyonga jenu.

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.

2 Timoteu 4:14

Alezandre fuli-unengu, wangulingile yipi yinji: Mwene makamwaha nikulita ni yitanga yenyi

1 Petulu 2:23

Muze amutukile, katukanyine; muze evwile lamba, komishine; aiioze walikunjikile ku moko ja yoze wakupatula ni ululi.

Usolwelo 18:20

Ivwa chiseke, yena lilu, ni yenu asandu, ni yenu apostolo, ni yenu aprofeta; mumu Zambi hanapatula upatwilo wenu hali iye.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.

1 Samuel 16:7

Alioze Yehova yamba kuli Samuel ngwenyi, Kanda utala ku meso jenyi, hanji ku Chizundamo chenyi, mumu hinalitunaye. Yehova kamwene ngwe atu akumona. Mumu atu kakutala ku kusoloka cha haze, alioze Yehova kakutala ku mbunge.

1 Samuel 24:15

Kashika Yehova apatule akatwehe upatwilo hakachi ka yami ni yenu, achimone, anguhakwile, angupulule kuli yenu.