Jeremia 11:19 - MUKANDA USANDU WA ZAMBI 1975

¹⁹ Alioze napwile ngwe mwana-panga chimbovu wa kutwala ku chishihilo. Chanyingikine ngwami, Yami anatakila yuma ngwo, Tukenyeke we mutondo ni mihuko yawo; tukamuteteko ku chifuchi cha amwono, hanga akavulame jina lienyi ndo ku miaka.

Mukanda Wa Zambi 1970

¹⁹ Yami nabwile ngwe mwana panga chimbovu yoze anatwala ku chishihilo, te Chanyingikine ngwami yami analingi yuma yino. Yaamba ngwo: “Tunungunenu we mutondo shimbu unachilineke ni mihuko; tumushihenu hanga niumwe kechi kamwiwuluka nawa.”

Jeremia 11:19 Iomraidhean Croise

Jobe 28:13

Mutu kanyingikine jila ya kuhetako; kechi kaawana mu yifuchi ya akwa mwono.

Miaso (Masamu) 109:13

Ana jenyi akapatuke. Mu chisemuko chize muchizaho jina lio likajimuke.

Miaso (Masamu) 112:6

Iye kechi kakokoloka nilimwe tangwa. Mukwa ululi kumakamwiwuluka ku miaka ya mutolo.

Miaso (Masamu) 116:9

Mungwenda kumeso ja Yehova mu chifuchi cha akwa mwono.

Miaso (Masamu) 142:5

Natambikile kuli yena Yehova. Nambile ngwami, Yena uli uchinyino wami kanda uli chihinga chami mu chifuchi cha akwa mwono.

Miaso (Masamu) 27:13

Nyi kachi chafulielele kumona utu wa Yehova mu chifuchi cha akwa mwono, mba?

Miaso (Masamu) 31:13

Mumu hinevwa kulamikiza cha anji, ni woma sali ni sali, shimbu mangutwama punga. Alitesele kuchiza mwono wami.

Miaso (Masamu) 35:15

Alioze o akungulukile nikuwahilila ha kutalinga chami. Yilamikiji angukungulukilile, ami chachinyingikine. Angupapulwile, kalitwaminyineko.

Miaso (Masamu) 52:5

Alioze Zambi makakwonwona ndo ku miaka ya mutolo. Kumakakupindumuna, kumakakumbuluniuna ku mbalaka ye. Kumakakutukula ku chifuchi cha akwa mwono.(Litulike.)

Miaso (Masamu) 83:4

Hamba ngwo, Tatuyenu tukaatete munyachi wo, hanga jina lia Izalele kanda akaliwuluka nawa.

Yishima 10:7

Kwiwuluka mukwa ululi kuwahacho, alioze jina lia chingulungulu kumulikapola.

Yishima 24:15

Ena chingulungulu kanda ujikinyina zuwo lia mukwa ululi; kanda upupa muma mwenyi mwa kuhwimina.

Yishima 7:22

Lunga yakaula washiwashi ngwe ngombe maya ku chishihilo; ngwe chihepuke maya kumufumba mu kúli.

Izaya 32:7

Ukanyame wa chikanyame upi, kakutaka yuma ya ungulungulu akalumbule yiswale ni maliji a mahuza, chipwe chikuma cha mukwa kuhona chinate.

Izaya 38:11

Yingwamba ngwami, Chichi kumona Yehova mu chifuchi cha amwono; chichi kumona atu hakachi ka waze atwama hashi.

Jeremia 1:19

Kumakasa jita ni yena; alioze kechi kakukumba, mumu yami nguli hamwe ni yena kukupulula. Chocho kanambe Yehova.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Jeremia 26:8

Mba muze Jeremia hamana kuhanjika yize yeswe Yehova hamutuma kuhanjika ni atu eswe, henaho asasendote, ni aprofeta ni atu eswe yamukwata ngwo, Kumuofwa!

Lungungu 3:60

Hiwamona wuli wo weswe ni yuma yize yeswe angutakilile.

Ezekiel 32:24

Elame kokwali ni mbunga yenyi ya kujingilika fuka lienyi; eswe a kufwa, a kushiha ni katana, waze apalumukine ni ulima wo muma mushi lia muno-muze, waze te akolesele mwongo mu chifuchi cha akwa mwono, mba haliapwila sonyi anevu hamwe ni waze akuya ku jondo.

Daniel 9:26

Kulutwe lia makumi asambano a semana ni semana jiali yoze amuwayishile ni maji mamutetaho, keshi nichimwe, mba atu ja mukwa kuyula yoze meza kwiza kumakonwona chihunda ni zuwo lisandu. Songo liayo mulikeza ngwe sanga; ndo ku songo kumukukapwa jita—hanaafunjikila kwenyeka wika.

Hosea 9:8

Profeta aye kalayi ka Eframe e atu ja Zambi yami, hindu kambwila lia mukwa kutela tujila mu majila jenyi eswe mulili, ni kole mu zuwo lia Zambi yenyi.

Kwalula 1:14

wa kuli Ngate, Eliasafe mwana Duele;