Jeremia 11:17 - MUKANDA USANDU WA ZAMBI 1975

¹⁷ Yehova-wa-Tujita yoze wanutumbile hananwambe chipi mumu ha chipi chize munyachi wa Izalele ni munyachi wa Yunda hanalingi ni kungwihia ha kwochela insensu Mbale.

Mukanda Wa Zambi 1970

¹⁷ “Yami Mwene Zambi Mukwa Ndundo Jeswe, natumbile Aisraele ni Ayuda; alioze haliabwila mungwamwesa lamba. Haanalikokela lio ayo ene mumu ha chibi chize haanalingi; haananguvwisa ufwatulo ha kulambula Bale milambu.”

Jeremia 11:17 Iomraidhean Croise

2 Samuel 7:10

Atu jami A-Izalele mungwatongwela chifuchi, mungwatungisako akatwame mu chihela cho. Kechi kututujoka nawa; yingulungulu kechi kwahungumiona ngwe alingile kunyima,

2 Sango Ja Mianangana 28:25

Mu yihunda yeswe ya Yunda, chimwe ha chimwe, yatunga manangamo a kwochelaho insensu ku mazambi eka nikwihia Yehova, Zambi ya tulamba twenyi, atenuke.

Miaso (Masamu) 44:2

Yena ni kwoko lie wahumine akwa mavungu, alioze o waatumbile. Wapinjishile e mavungu alioze o waatuswile.

Miaso (Masamu) 80:15

chitondo chino kwolo lie lia chindume liatumbile; mutango uno watakamishine hali yena mwene.

Miaso (Masamu) 80:8

Wachijile chinjinda cha uva ku Engitu. Wahumine mavungu ukachitumbe.

Izaya 5:2

Yauchipa ni kuchizamo mawe eswe, yatumbamo mitondo yipema ya uva. Yatunga kaposhi wa kalayi ha muchima wawo, yafulamo ukamino wa uva. Yatalatala ukeme uva alioze wemine uva ja mu yambu wika.

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Jeremia 1:14

Yehova yamba kuli yami ngwenyi, Ku Norte chipi muchikatuka ni kuhulumukina hali akwa chifuchi eswe.

Jeremia 11:11

Kashika Yehova kanambe ngwenyi, Ngunaneha chipi hali ayo kechi kahasa kuliehacho. Chipwe mateta kuli yami chichi kaapanjika.

Jeremia 11:13

Mumu yenu A-Yunda, mazambi jenu hoka ngwe yihunda yenu, ni yilumbilo yize hinwamika ya kunukolesa sonyi, yilumbilo ya kwochelaho insensu kuli Mbale, yoka ngwe matapalo a mu Yerusaleme.

Jeremia 12:2

Yena wakwatumba mba masoka miji. Kakutatuka nikwima mihuko. Yena uli hakamwihi mu makanwa jo, alioze ku mbunge jo uli kusuku.

Jeremia 18:15

Alioze atu jami hananguvulama. Kakwochela insensu mazambi eka. Hanatalinga mu majila jo, mu matapalo akulu, hanakondoloka mu tumajila twa ku malumbu hi tapalo ko.

Jeremia 18:8

mba nyi munyachi uze ngunambe muwalumuka ku upi wawo, ni yami mungwalumuka ku chipi chize namba kuulinga.

Jeremia 19:15

Yehova-wa-Tujita Zambi ya Izalele kanambe ngwenyi, Ngunakokela ha limbo lino ni ha yihunda yalio yeswe yipi yize yeswe hinavulukaho mumu hanakalisa makota jo, kasolo kwivwa maliji jami.

Jeremia 2:21

Hindu nakutumbile mutondo wa uva ulemu, wa mbuto yipema pundu. Kuchi hiwalumuka wamokomoko, mutondo wa uva wa mu yambu?

Jeremia 24:6

Mungusa meso jami hali ayo ngukaalinge yipema. Mungwahilwisa nawa ku chifuchi chino, mungwatungisa, chichi kwapuzula nawa; mungwatumba chichi kwatukula.

Jeremia 26:13

Kashika pemesenu ndako jenu ni yitanga yenu, nukononoke ku liji lia Yehova Zambi yenu, mba Yehova malikonyeka ha chuma chino chikalu hamba kulimika ni yenu.

Jeremia 26:19

Te Hezekia mwanangana wa Yunda ni atu ja A-Yunda yamushiha nyi? Kevwile woma wa Yehova nikulembelela kuli Yehova, mba Yehova yalikonyeka ha kutwala ku yuma yikalu yize hahanjika hali ayo? Alioze yetu tunambe kulikokela yuma yikalu chikolo.

Jeremia 32:29

A-Kaletea wano anase jita ni chihunda chino meza ni kuchocheka kahia ni kuchocha hamwe ni mazuwo haze hanalambwila insensu ha mafulumba kuli Mbale, ni kuzuza milambu ya kunwa kuli mazambi eka akangwihie.

Jeremia 32:30

Mumu ana ja Izalele a malunga ni ana ja Yunda a malunga kalingile nichimwe shina chipi wika kumeso jami chize ku ukweze wo. Yehova kanambe ngwenyi, Ana ja Izalele a malunga kalingile nichimwe shina kungwihia ni yitanga ya moko jo.

Jeremia 35:17

Kashika Yehova, Zambi-ya-Tujita, Zambi ya Izalele kanambe ngwenyi, Ngunaneha hali A-Yunda ni akwa Yerusaleme eswe yuma yize yikalu hinatongola kuli ayo. Mumu hingunahanjika kuli ayo hindu kevwile; hingunaasanyika hindu katayile.

Jeremia 36:7

Hanji kulemba cho muchikaheta kumeso ja Yehova, mba mutu mweswe makatuka ku ndako jenyi jipi, mumu utenu ni ufwatulo Yehova hanavuluka kulimika ni wano atu, unene.

Jeremia 40:2

Kapitau ka tulayi yatambula Jeremia yamba kuli iye ngwenyi, Yehova Zambi yenu hatongola yuma yino yikalu ha chifuchi chino.

Jeremia 40:3

Yehova hachilinga, halinga chize wambile, Chino chuma chanuwana mumu nwavulumuna Yehova, kunwononokene ku liji lienyi.

Jeremia 42:10

Nyi munutwama mu chifuchi chino mba mungunutungisa, chichi kunupuzula; mungunutumba, chichi kunutukula, mumu ngunalikonyeka ha chuma chize chikalu nanulingile.

Jeremia 44:5

Alioze kapanjikile chipwe kutela matwi akakatuke ku ungulungulu wo, akalitwamine kwochela insensu mazambi eka.

Jeremia 44:8

Kuchi te nwakungwihia ni yitanga ya moko jenu ni kwochela insensu mazambi eka muno mu chifuchi cha Engitu hinweza kutwama? Ngukanutete, nukalumuke shingo ni luchoko hakachi ka mavungu eswe a hashi?

Jeremia 45:4

Amba kuli iye ngwe, Yehova kanambe ngwenyi, Ngunapuzula chize natungile; ngunatukula chize natumbile—ngwami, Chifuchi cheswe.

Jeremia 7:18

Ana kakucha kunyi, atato mawika kahia, mapwo machika wunga akalingile tumbolo mwanangana wa pwo wa malilu. Mba kakuzuza milambu ya kunwa kuli mazambi eka akangwihie.

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Ezekiel 17:5

Mba yanda yimwe mbuto ya ku chifuchi nikuyitumba mu mavu a chinuno kuze kwatwama meya a kulumbama. Yayilumba ngwe mwana wa mupote,

Hosea 10:1

Izalele kapwa ngwe mutondo wa uva wa tachi uze wakwima mihuko yawo. Ha kwoka mihuko yenyi yokesa yilumbilo yenyi. Ha kuwaha chifuchi chenyi chocho yapemesa manguji jenyi.