Jeremia 11:15 - MUKANDA USANDU WA ZAMBI 1975

¹⁵ Mukwa zango liami kuchi mahasa kupwa mu zuwo liami muze halinga yitanga ya luchisa? Munuhasa kuchinda chize muchikanuwana ha kulinga yilakenyo ya shingo, hanji ha kulambula musunya wa yitapo? Te munuhasa kulikwiza?

Mukanda Wa Zambi 1970

¹⁵ Mwene Zambi kanambe ngwenyi: “Atu waze nakuzanga haanalingi yuma yibi. Ngwe kuchi maahasa kunjila mu zuwo liami? Kuma kaananyongo ngwo, maahasa kukinda kwonona ha kulakenya ni kulambula milambu ya yimuna, nyi?

Jeremia 11:15 Iomraidhean Croise

Miaso (Masamu) 50:16

Alioze kuli yingulungulu Zambi ngwenyi, Kuchi unambe kulinga kwambulula yiyulo yami? Chikwo nawa, kuchi unavuluka usendo wami mu kanwa lie?

Miaso (Masamu) 60:5

Utukumbulule, utulamwine ni kwoko lie lia chindume, hanga yoze unamuzange akapuluke.

Yishima 10:23

Kuli chihepuke ungulungulu wapwa ngwe kuheha; chocho nawa kuli mukwa malinjekela.

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Yishima 2:14

O te kakuwahilila mukulinga yipi, kakusehejela mu kupiya cha yuma yipi,

Yishima 21:27

Chitapo cha yingulungulu chapwa chizelwokeso; alioze muze machineha ni manyonga a ungulungulu mba chahiana kupiha.

Yishima 26:18

Ngwe chizaluke yoze makonga kahia, ni mivi, ni kufwa,

Yishima 28:9

Yoze matewulula twitwi lienyi ku shimbi, chipwe kulemba chenyi kuchakuzelwokesa.

Izaya 50:1

Yehova kanambe ngwenyi, Mukanda wa noko, wa kumulakula ulihiwo, uze namulakwile nawo? Nanuhanyine tombo kuli iya hakachi ka akwa mikuli yami? Nwalanjiwile mumu ha uhenge wenu; ha Utanguko wenu ahumine noko.

Jeremia 12:7

Hinehuka zuwo liami, hinambila chihinga chami; hinakunjika mukwa zango lia mbunge yami mu moko ja akwa kole jenyi.

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 2:2

Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Jeremia 23:11

Ni profeta ni sasendote eswe ni aali yitanganyanyi. Chipwe mu zuwo liami hinawana ungulungulu wo. Chocho kanambe Yehova.

Jeremia 3:14

Yehova kanambe ngwenyi, Hilukenu enu ana a mafwefwe, mumu yami nguli mukwa kunuyula. Mungunwandanda umuwika ku chihunda aku hanji aali ku munyachi umwe, ni kununeha ku Zaione.

Jeremia 3:8

Aye yamona ngwe ha utanji weswe wa yono mukwa mafwefwe Izalele hinamuhuma ni mukanda wa kulakula. Hindu yayo wa mahuza Yunda kevwile woma alioze iye nawa yaya nikulinga ukoi.

Hosea 3:1

Yehova wambile kuli yami ngwenyi, Yako nawa uzange pwo yoze kanamuzange kuli mukwa kumulumbula, aye chitanji nawa, chizechene ngwe Yehova kakuzanga A-Izalele, chipwe o kakutala kuli mazambi eka, nikuzanga tumbolo twa uva.

Mateu 22:11

Alioze muze mwanangana anjilile mukutala ngeji, wamwenemo mutu kazalile uzalo wa ulungi:

Luka 8:28

Muze amwene Yesu wakololokele nikufulamana kumeso jenyi, iye ni liji linene wambile ngwenyi, Kuchi yami ni yena, Yesu mwe Mwana wa Zambi Chitunda? Ngunaliumbu kuli yena ngwami, Kanda ungupinjisa kama.

A-ROMA 11:28

Ha kutwala ku sango lipema, kanapu akwa kole mumu hali yenu: alioze ha kutwala ku kutongola cha Zambi, kanaazange chikolo mumu hali tulamba.

1 Korintu 13:6

kulishi kuwahilila mu uhenge, alioze kuliakuwahilila mu umwenemwene;

Titu 1:15

Kuli akwa kupema, yuma yeswe yipema; aiioze kuli akwa luchisa, ni waze keshi kufuliela, chuma chipema chakuhi nichimwe; aiioze ni kunyonga cho ni mbunge jo kujalichisa.

Tiangu (Jake) 4:16

Alioze haliapwila nwakulisamba ha kulizata chenu: kulisamba chino cheswe chipi.