Jeremia 11:14 - MUKANDA USANDU WA ZAMBI 1975

¹⁴ Kashika kanda ulembela vungu lino chipwe kwatetela hanji kwahakwila mumu chichi kapanjika muze mangusanyika ha tangwa lia lamba lio.

Mukanda Wa Zambi 1970

¹⁴ Jeremia, kanda uliumba kuli yami hanji kungulembejeka hakutwala kuli atu wano. Muze maabwa ni kungutambika hanga ngwakwase, chichi kwabanjika.”

Jeremia 11:14 Iomraidhean Croise

Miaso (Masamu) 66:18

Nyi mungunyonga uhenge mu mbunge yami, Mwene kechi kungwivwa.

Kutuhuka 32:10

Kashika, haliapwila, Ungweche hanga utenu wami usasaminye hali ayo, ngwaonwone mba mungukapwisa yena vungu linene.

Jeremia 11:11

Kashika Yehova kanambe ngwenyi, Ngunaneha chipi hali ayo kechi kahasa kuliehacho. Chipwe mateta kuli yami chichi kaapanjika.

Jeremia 14:11

Yehova yamba kuli yami ngwenyi, Kanda ulembela wano atu akawahe.

Jeremia 14:12

Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 7:16

Ni yena, kanda ulembela vungu lino; kanda usaho muteto hanji kulemba hali ayo; kanda uahakwila kumeso jami, mumu chakupanjikile.

Hosea 5:6

Makaya kufupa Yehova ni mapanga jo ni ngombe jo, alioze kechi kamuwana; mumu hanakatuka kuli ayo.

Zakaria 7:13

Yehova-wa-Tujita kanambe ngwenyi, Yami naasanyikine, o katayile kupanjika; chocho nawa o asanyikine ni yami chatayile kupanjika.

Malaki 2:13

Ni chikwo nawa nwakulinga. Nwakufuka chilumbilo cha Yehova ni masoji, ni kulila, ni mikuma mumu katalile nawa mulambu chipwe kuutambula ni vumbi ku moko jenu.

1 Yoano 5:16

Kachi umwe mamona ndumbwenyi kanavulumuna mulonga, hi wa kufwa ko, kachi akete, iye makamwaha mwono hali waze keshi kuvulumuna mulonga wa kufwa. Kuuli mulonga wa kufwa; chambile nukalembele uno.