Jeremia 11:13 - MUKANDA USANDU WA ZAMBI 1975

¹³ Mumu yenu A-Yunda, mazambi jenu hoka ngwe yihunda yenu, ni yilumbilo yize hinwamika ya kunukolesa sonyi, yilumbilo ya kwochelaho insensu kuli Mbale, yoka ngwe matapalo a mu Yerusaleme.

Mukanda Wa Zambi 1970

¹³ Ayuda akwo haabwa ni mazambi anji ngwe membo jo, ni akwa Yerusaleme hookesa yilumbilo yakulambwila milambu ya sonyi kuli hamba lio Bale ngwe kwoka cha majila a mu limbo lio.

Jeremia 11:13 Iomraidhean Croise

1 MIANANGANA 23:13

Manangamo aze apwile kulutwe lia Yerusaleme, aze apwile ha sali lia chindume lia mulundu wa luchisa, te Solomone mwanangana wa Izalele waatungile hali Asatarote chizelwokeso cha A-Sendone, ni hali Chemoshe chizelwokeso cha A-Moape, ni hali Milikome chizelwokeso cha A-Amone, o nawa mwanangana yachisa.

2 Sango Ja Mianangana 28:25

Mu yihunda yeswe ya Yunda, chimwe ha chimwe, yatunga manangamo a kwochelaho insensu ku mazambi eka nikwihia Yehova, Zambi ya tulamba twenyi, atenuke.

Izaya 2:8

Chifuchi cho chazala tò ni tuponya; kakuhetamina hashi ku yitanga ya moko jo, yize minwe yo hiyalinga.

Jeremia 11:17

Yehova-wa-Tujita yoze wanutumbile hananwambe chipi mumu ha chipi chize munyachi wa Izalele ni munyachi wa Yunda hanalingi ni kungwihia ha kwochela insensu Mbale.

Jeremia 17:1

Shili ya A-Yunda hanayisoneka ni chisonekeso cha utale. Hanayolo ni songo lia diamante ha mbunge jo, ni ha mbinga ja yilumbilo yo,

Jeremia 18:15

Alioze atu jami hananguvulama. Kakwochela insensu mazambi eka. Hanatalinga mu majila jo, mu matapalo akulu, hanakondoloka mu tumajila twa ku malumbu hi tapalo ko.

Jeremia 19:4

Mumu atu hanangwehuka nikuchisa kuma kuno ha kwochelako insensu ku mazambi eka chipwe ayo, chipwe tulamba two, chipwe mianangana ja Yunda kaanyingikine, ni mumu hazalisako ni manyinga ja waze keshi chitela.

Jeremia 19:5

Hatunga manangamo kuli Mbale akalumbe ana jo a malunga mu kahia apwe milambu ya kulumba kuli Mbale. Chuma chino chachitumine, chipwe kuchamba, chipwe mu mbunge yami kuchanjilile.

Jeremia 2:28

Alioze mazambi jenu kuli ali waze nwalilingilile yenwene? Nyi mahasa kunulamwina ha mwaka wa lamba lienu, akatuke! Mumu yena Yunda mazambi je hoka ngwe yihunda ye.

Jeremia 3:24

Chize ku ukweze wetu che chuma cha sonyi hichalia yuma yize yeswe tulamba twetu ahondanganyinyine ni mapanga jo, ni ngombe jo, ni ana jo a malunga ni a mapwo.

Jeremia 3:25

Tupombenu mu sonyi jetu, ulelu wetu utufuke mumu hitwavulumuna Yehova Zambi yetu, ni yetu ni tulamba twetu chize ku ukweze wetu ndo musono. Kutwononokene ku liji lia Yehova Zambi yetu.

Jeremia 32:35

Atungile manangamo a Mbale mu mungulunga wa mwana Hinome akalambule ana jo a malunga ni a mapwo kuli Moleke, chuma yami chaatuminecho chipwe kuchinyonga akalinge chuma chino cha kuzelwokesa akavulumwise Yunda.

Jeremia 44:21

Ha kutwala ku insensu yize nwochele mu yihunda ya Yunda ni mu matapalo ja Yerusaleme, yenu ni tulamba twenu, ni mianangana jenu ni alemu jenu, ni akwa chifuchi, te Yehova wayivulamine? Kayewulukile nyi?

Jeremia 44:5

Alioze kapanjikile chipwe kutela matwi akakatuke ku ungulungulu wo, akalitwamine kwochela insensu mazambi eka.

Jeremia 48:35

Yehova kanambe ngwenyi, Mu Moape mungusulisa yoze wakulambula yitapo ha nangamo ni kwocha insensu ku zambi yenyi.

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Ezekiel 16:24

walitungilile zuwo ha foro nikulilingila zuwo lisuku ha lwaza mweswe.

Hosea 10:1

Izalele kapwa ngwe mutondo wa uva wa tachi uze wakwima mihuko yawo. Ha kwoka mihuko yenyi yokesa yilumbilo yenyi. Ha kuwaha chifuchi chenyi chocho yapemesa manguji jenyi.

Hosea 12:11

Nyi uhenge muuli mu Ngiliate kumakalumuka amokomoko. Nyi malambula kuji a ngombe mu Ngilingali makapwisa yilumbilo yo ngwe milumba ya mawe ha mihanga mu minda.

Hosea 9:10

Nawanyine Izalele ngwe uva ja mu puya. Namwene tulamba twenu ngwe mihuko yitangu ya mikuyu ha mwaka wayo litangu. Alioze ejile ku Mbale-Peore ni kulitumbikila kuli Mbale, ni kwalumuka a kuvwisa lwaji chizechene ngwe che chuma chize azangile.