Jeremia 11:11 - MUKANDA USANDU WA ZAMBI 1975

¹¹ Kashika Yehova kanambe ngwenyi, Ngunaneha chipi hali ayo kechi kahasa kuliehacho. Chipwe mateta kuli yami chichi kaapanjika.

Mukanda Wa Zambi 1970

¹¹ Kashika haliabwila, yami Mwene Zambi, ngunaatoweza ngwami mungukaamwesa lamba, keechi kachina. Mba muze maakateta kuli yami hanga ngwakwase chichi kubanjika.

Jeremia 11:11 Iomraidhean Croise

1 MIANANGANA 22:16

Yehova kanambe ngwenyi, Munguneha chipi homa hano, ni hali atu jaho, chipwe maliji eswe a mu mukanda mwanangana wa Yunda hatanga.

2 Sango Ja Mianangana 34:24

Yehova kanambe ngwenyi, Mungukoka chipi ha chifuchi chino ni hali atu jamo, chipwe mashingo eswe anasonewa mu mukanda hatanga kuli mwanangana wa Yunda.

Jobe 35:13

Zambi kechi kwivwa muteto wamokomoko wate; Mukwa-Ndundo-Jeswe kechi kuchisa mbunge.

Miaso (Masamu) 18:41

Atetele alioze wakuhi chilamwina niumwe. Chipwe kuli Yehova atetele alioze kaakumbulwile.

Miaso (Masamu) 66:18

Nyi mungunyonga uhenge mu mbunge yami, Mwene kechi kungwivwa.

Yishima 1:28

Mba makangusanyika, alioze yami chichi kukumbulula; mukangufupa chimenemene alioze kuchi kanguwana.

Yishima 29:1

Yoze makwata pami ha kumukanjisa kanjikanji, mamwonwona susumuku ni ulamwino wakuhi.

Izaya 1:15

Muze munuzoza moko jenu, mungunuswekela meso jami; chipwe munulemba lembie-e-e, chichi kunwivwa. Moko jenu hazala ni manyinga.

Izaya 24:17

Enu akwa hashi, mwongo hiwanuwana, ni wumbu, ni kambwila!

Jeremia 11:14

Kashika kanda ulembela vungu lino chipwe kwatetela hanji kwahakwila mumu chichi kapanjika muze mangusanyika ha tangwa lia lamba lio.

Jeremia 11:17

Yehova-wa-Tujita yoze wanutumbile hananwambe chipi mumu ha chipi chize munyachi wa Izalele ni munyachi wa Yunda hanalingi ni kungwihia ha kwochela insensu Mbale.

Jeremia 14:12

Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Jeremia 14:2

Yunda kanalishimwoka ni yikolo yenyi yinahongo. Atu jenyi kanalili mbimbi hashi, ni muteto wa Yerusaleme unahiohio.

Jeremia 15:2

Mba muze makuhula ngwo, Kulihi mutuya? Amba kuli ayo ngwe, Yehova kanambe ngwenyi, Waze hanaasela chilungo, aye ku chilungo, ni waze hanaasela katana, aye ku katana. Waze hanaasela kapunga, aye ku kapunga, ni waze hanaasela ufunge, aye ku ufunge

Jeremia 18:11

Kashika amba kuli A-Yunda ni waze atwama mu Yerusaleme ngwe, Yehova kanambe ngwenyi, Ngunawumbu chuma chipi kulimika ni yenu. Ngunanyongo chuma cha kulimika ni yenu. Hilukenu mutu mweswe ku ndako jenyi jipi, lulikenu ndako jenu ni yitanga yenu.

Jeremia 19:15

Yehova-wa-Tujita Zambi ya Izalele kanambe ngwenyi, Ngunakokela ha limbo lino ni ha yihunda yalio yeswe yipi yize yeswe hinavulukaho mumu hanakalisa makota jo, kasolo kwivwa maliji jami.

Jeremia 19:3

Muwamba ngwe, Ivwenu liji lia Yehova, yenu mianangana ja Yunda ni akwa Yerusaleme. Yehova-wa-Tujita mwe Zambi ya Izalele kanambe ngwenyi, Ngunaneha chipi chimwe chikalu ha chifuchi chino matwi ja waze machivwa makapwa ni chimbangwinya.

Jeremia 23:12

Kashika jila yo muyipwa kuli ayo ngwe majila asenena mu milima kuze maahumina akalimbuke. Mumu mungwakokela chipi ha mwaka wa kastigu yo. Chocho kanambe Yehova.

Jeremia 25:35

Chiswamino cha tufunga kuchichi kusoloka, chipwe jila ya kwomboka kuli miata ja mapanga.

Jeremia 35:17

Kashika Yehova, Zambi-ya-Tujita, Zambi ya Izalele kanambe ngwenyi, Ngunaneha hali A-Yunda ni akwa Yerusaleme eswe yuma yize yikalu hinatongola kuli ayo. Mumu hingunahanjika kuli ayo hindu kevwile; hingunaasanyika hindu katayile.

Jeremia 36:31

Mungumwaha kastigu, iye ni waze masemuka kuli iye ni tuvumbi twenyi mumu ha uhenge wo. Mungukokela hali ayo, ni hali akwa Yerusaleme, ni hali malunga ja Yunda, yikalu yize yeswe hinatongola hali ayo alioze kapanjikile.

Jeremia 6:19

Ena hashi panjika ngwami, Ngunaneha chipi hali wano atu, ye mihuko ya kutaka cho. Mumu kapanjikile ku maliji jami, ni shimbi yami hanalitunuyo.

Lungungu 2:22

Walakenyene mwongo wami wa jita sali ni sali ngwe ku tangwa lia chiwanyino cha kufunjika, mba ha tangwa lia utenu wa Yehova niumwe wombokele, niumwe walisalile. Te waze nakangayikine, waze nalelele mukwa kole yami waonwene.

Ezekiel 14:3

Mwana mutu, wano atu hanjisa mahamba jo mu mbunge jo, ni kusa chitalingiso cha uhenge wo kumeso jo. Te changutamba kwatayiza, chipwe hakehe, eze nikuhula kuli yami nyi?

Ezekiel 7:5

Mwene Yehova kanambe ngwenyi, Lamba ha lamba! Kulineza!

Ezekiel 8:18

Kashika mungulinga ni ufwatulo. Liso liami kulichi kwavwila vumbi; chichi kaavwila keke. Chipwe mateta ni tachi mu matwi jami, chichi kaapanjika.

Amose 5:19

ngwe kachi mutu machina ndumba mba matakana ni ursu. Hanji manjila mu zuwo mba ha kujamina ni kwoko ha yishimi kapela mamusuma.

Mika 3:4

Mba kumakateta kuli Yehova alioze aye kechi kaakumbulula. Kumakaaswekela meso jenyi ha mwaka uze mumu yitanga yize halinga yipi.

Zakaria 7:13

Yehova-wa-Tujita kanambe ngwenyi, Yami naasanyikine, o katayile kupanjika; chocho nawa o asanyikine ni yami chatayile kupanjika.

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.