Jeremia 10:9 - MUKANDA USANDU WA ZAMBI 1975

⁹ Prata ya kutatula mayineha ku Tashi, oru mayineha ku Ufaze. O kapwa milimo ya yilangaji, ni ya moko ja fuli-oru. Mazalo jo alauluka ni a ufungo, eswe milimo ya akwa utotombo.

Mukanda Wa Zambi 1970

⁹ Mahamba jo kaali akutatula ni prata ya ku chifuchi cha Espanya, ni oru ya ku Ufaze; yeswe yili milimo ya akwa utotombo. Mahina jo alauluka ni aufungo, yeswe yili milimo ya akwa utotombo.

Jeremia 10:9 Iomraidhean Croise

1 Yitanga Ya Mianangana 10:22

Mumu mwanangana wapwile ni mato a Tashi ha kalunga-lwiji hamwe ni mato a Hirame. Kamuwika ha miaka yitatu, kamuwika ha miaka yitatu mato a Tashi ejile ni kuneha oru, ni prata, ni mazo a njamba, ni mahundu, ni pavao.

2 Sango Ja Mianangana 9:21

Mumu mwanangana wapwile ni mato a kuya ku Tashi hamwe ni ngamba ja Hurame. Kamuwika ha miaka yitatu, kamuwika ha miaka yitatu kwejile mato a ku Tashi nikuneha oru, ni prata, ni mazo a njamba, ni mahundu, ni pavao.

Miaso (Masamu) 115:4

Mahamba jo apwa a prata ni oru, chitanga cha moko ja atu.

Miaso (Masamu) 72:10

Mianangana a Tashi ni a ku matungu kumakamulambula. Mianangana a ku Shipa ni a ku Sepa makahana yawana.

Izaya 23:6

Enu akwa mbaka, palikenu ku Tashi nukalile mbimbi.

Izaya 40:19

Chilangaji kakuzuzulula kaponya, fuli ya oru kakulamikaho oru, ni kuzuzulula malenge a prata a kusaho.

Ezekiel 27:12

Akwa Tashi asepele ni yena mumu ha upite we unene wa milali yeka ni yeka. Yuma ye ya kutalika ayilanjile ni prata, ni utale, ni estanyu, ni shumbu.

Ezekiel 27:7

Hina lia kwendesa liapwile lia linyu lipema lia ku Engitu lia mbordado; liapwile nawa lia mbandeira. Hina lie lia chifuko liapwile lilauluka ni lia ufungo lia ku mbaka ja Elisha.

Daniel 10:5

yinguhetula meso jami kutala, kumanyi, umwe lunga kanazala mahina a linyu, mu zalilo yenyi yalijichika ni muya wa oru ya Ufaze.

Hosea 8:6

Mu Izalele umwe chilangaji wamulingile alioze iye hi Zambi ko. Makafwenyona mwana-ngombe wa Samaria.

Yona 1:3

Alioze Yona yakatuka akachine kumeso ja Yehova, akaye ku Tashi. Yaya ku Yopa, yawana wato unayi ku Tashi. Chocho yafweta ndando ya kwendelamo, yanjilamo akaye hamuwika no ku Tashi akachine kumeso ja Yehova.

Habakuke 2:19

Lamba kuli yoze akwamba ku chuma cha mutondo ngwenyi, Laula! Hanji mamba ku liwe kulishi kuhanjika ngwenyi, Katuka! Ayo muyimulongesa chimwe? Kumanyi cha kulamikaho oru ni prata; mwiku wakuhimo niumwe.