Jeremia 10:7 - MUKANDA USANDU WA ZAMBI 1975

⁷ Iya kechi kukuvwila woma, ena Mwanangana wa mavungu? Chino chinakute mumu hakachi ka akwa mana a mavungu ni mu yifuchi yo kukushi umwe walita ni yena.

Mukanda Wa Zambi 1970

⁷ Yena mwanangana wa mavungu eswe, iya kechi kukulemesa? Yena kuwatela ulemu. Kukushi niumwe walifwa ni yena mukachi ka akwa mana eswe ja mavungu, hanji mukachi ka mianangana jo.

Jeremia 10:7 Iomraidhean Croise

1 MIANANGANA 17:39

Alioze Yehova Zambi yenu muvwilenu woma, mba iye kumanupulula ku moko ja akwa kole jenu eswe.

1 Sango Ja Mianangana 16:25

Mumu Yehova munene, chatamba kumuhalisa chikolo. Chatamba kumuvwila woma kuhiana mazambi akwo eswe.

Estere 1:13

Henaho mwanangana yamba kuli akwa mana waze anyingikine tungonde ni miaka (mumu chocho mwanangana walingile ni waze eswe anyingikine shimbi ni upatwilo;

Miaso (Masamu) 147:5

Mwene wetu iye munene; katakama mu ndundo. Mana jenyi keshi ni haze anasulila.

Miaso (Masamu) 22:28

Mumu wanganana wa mbala wa Yehova; iye mukwa kuyula helu lia mavungu.

Miaso (Masamu) 47:3

Kakuzeyesa atu eka ni eka kuli yetu. Kakupwisa mavungu kushi lia yiliato yetu.

Miaso (Masamu) 72:11

Ewa, mianangana eswe kumakafulamana kumeso jenyi. Mavungu eswe kumakamulingila.

Miaso (Masamu) 76:7

Yena, yena mwene chatamba kukuvwila woma. Iya mamana kumeso je nyi hiwatenuka?

Miaso (Masamu) 86:8

Hakachi ka mazambi niumwe wapwa ngwe yena mwe Mwene. Niyimwe yitanga yinalifu ni yitanga ye.

Miaso (Masamu) 86:9

Mavungu aze eswe watangile kumeza akawayile kumeso ja yena mwe Mwene, akachichimieke jina lie.

Miaso (Masamu) 89:6

Helu lia malelwa iya malitesa ni Yehova? Iya hakachi ka akwa ndundo malifwa ni Yehova?

Kutuhuka 8:10

Yamba ngwenyi, Hamene. Mose yamba ngwenyi, Chocho chilite ni liji lie hanga ukanyingike ngwe, Wakuhi niumwe wa kulifwa ni Yehova Zambi yetu, ka.

Kutuhuka 9:14

Chisuho chino kumungutuma misongo yami yeswe ku mbunge ye, ni kuli ngamba je, ni kuli atu je, ukanyingike ngwe, Hashi heswe wakuhi niumwe walifwa ni yami, ka.

Izaya 2:4

Iye makapatwila mavungu, makasela yiyulo hali minyachi yinji. O makalumuna tutana two akapwe yikungo ya sharua, makalumuna makunga jo akapwe poko ja kululika mitondo ya mihuko. Akwa vungu limwe kechi kasa jita ya katana ni akwa vungu likwo; kechi kalilongesa nawa kwasa jita.

Jeremia 10:6

Kukushi niumwe walita ni yena Yehova, uli munene, ni jina lie linene ni ndundo.

Jeremia 5:22

Yehova kanambe ngwenyi, Kunwanguvwilile woma nyi? Kunwachikimine kumeso jami nyi? Nasele masekeseke akapwe njiza ya kalunga-lwiji, chikwiko cha miaka yeswe kahashile kupalika. Chipwe mikanya muyilifwita hindu kuyahashile kukumba, chipwe muyichungula hindu kuyichi kupalika helu.

Daniel 2:27

Daniel yakumbulula kuli mwanangana ngwenyi, Niamwe akwa mana, hanji tahi, hanji yimbanda, hanji aprofeta mahasa kulweza kuli mwanangana chuma chino hanechi.

Daniel 2:28

Alioze umwe Zambi mwilu mwali mukwa kujimbula yijimbikilo, mba iye hasolola kuli mwanangana Nabukanezore yuma yize muyikapwa ha matangwa a kusula. Chilota chenu ni usolwelo wa mutwe wenu shimbu nuli ha muhela wenu, yino:

Habakuke 3:2

Yehova, hinevwa lufuma we; ngunavwila woma chitanga che! Yehova, huzulula milimo ye hakachi ka miaka. Hakachi ka miaka uyisolole. Hakachi ka ufwatulo iwuluka keke.

Zakaria 2:11

Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

Luka 12:5

Alioze mungunutoweza yoze nukamuvwile woma, muvwilenu woma, yoze kulutwe lia kushiha, akwete chiyulo cha kumbila mu Ngehena; ewa, ngunambe kuli yenu ngwami, muvwilenu woma yoze!

1 Korintu 8:6

Hindu kuli yetu, kwali Zambi umuwika, mwe Tata, yuma yeswe yinakatuka kuli iye, ni yetu tuli hali iye; ni Mwene umuwika, Yesu Kristu, kuli iye yuma yeswe yinakatuka, ni yetu kuli iye.

Yoshua 4:24

Hanga mavungu eswe a hashi akanyingike ngwo, Kwoko lia Yehova ndundo Ukwete. Ni yenu nawa nukavwile woma Yehova Zambi yenu ndo ku miaka ya mutolo.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.