Jeremia 10:6 - MUKANDA USANDU WA ZAMBI 1975

⁶ Kukushi niumwe walita ni yena Yehova, uli munene, ni jina lie linene ni ndundo.

Mukanda Wa Zambi 1970

⁶ Mwene Zambi kukushi niumwe walifwa ni yena; mumu yena uli mukwa ndundo, jina lie lili lia lufuma.

Jeremia 10:6 Iomraidhean Croise

2 Samuel 7:22

Kashika Yehova Zambi, uli munene. Kukushi umwe walita ni yena. Kukushi umwe Zambi mukwo shina yena wika, nikulita ni yuma yize yeswe hitunevu ni matwi jetu.

1 Sango Ja Mianangana 16:25

Mumu Yehova munene, chatamba kumuhalisa chikolo. Chatamba kumuvwila woma kuhiana mazambi akwo eswe.

Nehemia 4:14

Natalile, mba yingukatuka yingwamba kuli alemu, ni kuli akwa kuyula, ni kuli atu akwo, ngwami, Kanda nwavwila woma. Iwulukenu Mwene, mwe munene kole ni woma, nukase jita hali akwenu, ni ana jenu a malunga ni a mapwo, ni mapwo jenu, ni mazuwo jenu.

Nehemia 9:32

Kashika Zambi yetu, mwe Zambi munene, mukwa ndundo kole ni woma, mukwa kufunga usendo ni utu wa zango, kanda umona kukeha lamba lino lieswe hiliatushata, ni mianangana jetu, ni alemu jetu, ni asasendote jetu, ni aprofeta jetu, ni tulamba twetu, ni atu je eswe, chize ku miaka ya mianangana ja Asuria ndo musono.

Miaso (Masamu) 145:3

Yehova iye munene; chatamba kumuhalisa chinji. Unene wenyi keshi kuhasa kuunyingikisa.

Miaso (Masamu) 147:5

Mwene wetu iye munene; katakama mu ndundo. Mana jenyi keshi ni haze anasulila.

Miaso (Masamu) 35:10

Yifwaha yami yeswe muyamba ngwo, Iya walifwa ni yena Yehova? Yena wakupulula mukwa lamba kuli yoze wamuhiana ni tachi, ewa mukwa lamba ni mukwa kuhona wakwapulula kuli mukwa kupupa.

Miaso (Masamu) 48:1

Yehova iye munene, amuhalise mwimbo lia Zambi yetu, ha mulundu wenyi usandu.

Miaso (Masamu) 96:4

Mumu Yehova munene, chatamba kumuhalisa chikolo. Chatamba kumuvwila woma kuhiana mazambi akwo eswe.

Kutuhuka 15:11

Yehova—hakachi ka tuzambi walita ni yena iya? Walita ni yena iya? Mulemu ni musandu—yena. Ha kukuhalisa, kole ni woma yena. Kuwakulinga yikomokeso.

Kutuhuka 8:10

Yamba ngwenyi, Hamene. Mose yamba ngwenyi, Chocho chilite ni liji lie hanga ukanyingike ngwe, Wakuhi niumwe wa kulifwa ni Yehova Zambi yetu, ka.

Kutuhuka 9:14

Chisuho chino kumungutuma misongo yami yeswe ku mbunge ye, ni kuli ngamba je, ni kuli atu je, ukanyingike ngwe, Hashi heswe wakuhi niumwe walifwa ni yami, ka.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 40:18

Nyi chocho neka munutesa Zambi? Kulifwa chenyi kuchi munuchipwisa?

Izaya 40:25

Mba yoze munungutesa nenyi iya hanga ngulifwe nenyi? Chocho kanahula mwe Musandu.

Izaya 46:5

Neya munungupwisa tukapwe chimuwika? Neya munungutesa tukalifwe?

Izaya 46:9

iwulukenu yuma yize hiyapalika kushi; mumu yami Zambi, kukushi mukwo; yami Zambi, kukushi umwe wa kulifwa.

Jeremia 10:16

Yoze wapwa chihinga cha Yakomba kapwile ngwe ayo, mumu iye mwe mukwa kuwumba yuma yeswe. Mba Izalele lie vungu lia chihinga chenyi; jina lienyi Yehova-wa-Tujita.

Jeremia 32:18

Kuwakulweza utu wa zango lie kuli tununu, alioze kuwakufwetesa uhie wa atato kuli ana jo waze anaakaula. Yena Zambi munene wa ndundo, uli ni jina lia Yehova-wa-Tujita.

Daniel 4:3

Yilayi yenyi yinene, yikomokeso yenyi ya ndundo. Wanangana wenyi wa mutolo; chiyulo chenyi chakola chize ku chisemuko ndo ku chisemuko.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

1 Korintu 8:6

Hindu kuli yetu, kwali Zambi umuwika, mwe Tata, yuma yeswe yinakatuka kuli iye, ni yetu tuli hali iye; ni Mwene umuwika, Yesu Kristu, kuli iye yuma yeswe yinakatuka, ni yetu kuli iye.

Shimbi 32:31

Mumu liwe lio kuliapwile ngwe Liwe lietu. Chipwe akwa kole jetu chocho anambe.

Shimbi 33:26

Niumwe walifwa ni Zambi ya Yeshurene yoze kakuzomboka ha malilu mukukukwasa, kakuzomboka mu tetela ni wanangana.