Jeremia 10:5 - MUKANDA USANDU WA ZAMBI 1975

⁵ Tuponya two kapwa ngwe mutondo wa kwola kahashile kuhanjika. Chatamba kwambata mumu kahashile kwenda. Kanda nwavwila woma, mumu kahashile kulinga chipi, chipwe kulinga chipema keshi nacho.

Mukanda Wa Zambi 1970

⁵ Mahamba ngwe wano kaali ngwe yuma yize akuzezejeka mu munda, ha kuhanga tujila. Keeshi kuhasa kuhanjika, chatamba kwambata mumu keeshi kuhasa kwenda. Kanda nweevwila woma, mumu kaahashile kukulinga nichimwe, chibwe kuhasa kukulingila Chuma chibema.”

Jeremia 10:5 Iomraidhean Croise

1 Yitanga Ya Mianangana 18:26

O yatambula kuji yoze yaaha, yamululika, yasanyika ha jina lia Mbale chize ku chimene ndo tangwa ha muchima ngwo, Mbale! Twivwe kama. Alioze kukwapwile liji chipwe kumbululo. Yatumbwoka kweswe kwa kujingilika chilumbilo chize halinga.

2 Sango Ja Mianangana 25:15

Kashika utenu wa Yehova yiukasumukina hali Amazia. Yamutuma umwe profeta akambe kuli iye ngwenyi, Mazambi ja e mavungu kaapulwile ku moko je, mba kuchi te yena hiwaakaula?

Izaya 16:12

Chikwo nawa muze A-Moape masoloka, muze malikatalisa ha nangamo, muze meza kuma kwenyi kwajila akalembe, hindu kechi hakumba.

Izaya 45:20

Kungulukenu nwize; kundamenu hamuwika, enu kunwafwile hakachi ka akwa mavungu. Waze akumbatambata tuponya twa mitondo, nikulemba kuli umwe zambi kahashile kulamwina, o keshi yinyingi.

Izaya 46:1

Mbele kanafukama, Nebo kanahetama. Tuponya two hali tushitu ni yimuna ali; yuma nunambata ya kutwika ngwe yiteli hali tushitu a yikatalo.

Izaya 46:7

Kakumuzundula ha yipaya yo nikumumbata; kakumumika homa henyi, mba hahene makamana, kahashile kukatukako. Chipwe umwe mateta kuli iye kechi kakumbulula, hanji kumulamwina ku lamba lienyi.

Jeremia 10:14

Mutu mweswe kapwa chelo, keshi mana; fuli-oru mweswe mamukolesa sonyi ku mahamba jenyi. Mumu tuponya twenyi a kwonga, mwiku wakuhi muli ayo.

Habakuke 2:19

Lamba kuli yoze akwamba ku chuma cha mutondo ngwenyi, Laula! Hanji mamba ku liwe kulishi kuhanjika ngwenyi, Katuka! Ayo muyimulongesa chimwe? Kumanyi cha kulamikaho oru ni prata; mwiku wakuhimo niumwe.

1 Korintu 12:2

Nunanyingika muze nwapwile akwa mavungu, anutwalile ku mahamba tumama mu jila yeswayo anutwalile.

1 Korintu 8:4

Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

Shimbi 4:28

Munukavumbikako tuzambi, yitanga ya moko ja atu, twa mitondo ni twa mawe, keshi kumona, chipwe kwivwa, chipwe kulia, chipwe kuhumbika.