Jeremia 10:20 - MUKANDA USANDU WA ZAMBI 1975

²⁰ Mbalaka yami hanayenyeka ni mihipu yami yeswe hiyinapatuka. Ana jami eswe hanayi, keshiko. Kukushi yoze manguzazulwila mbalaka yami nawa, hanji kuzezeleka kurtina jami.

Mukanda Wa Zambi 1970

²⁰ Mazuwo jetu a makubu haabuzula; mihipu yo hiyabatwoka. Ana jetu eswe haamwangashana; niumwe hasala yoze mahasa kujika mazuwo jetu nawa; niumwe hasala yoze mazezejeka mo yikalakala yamo.”

Jeremia 10:20 Iomraidhean Croise

Jobe 7:8

Liso lia yoze kanangumona kechi kangutala nawa; shimbu muchingutala hinaya.

Yishima 12:7

Nunguna yingulungulu, hikeshiko; alioze zuwo lia mukwa ululi kumulikakola.

Izaya 51:16

Hinasa maliji jami mu makanwa jenu, hinanusweka mu Chizulie cha kwoko liami, nikuzazulula malilu, nikusa fundamentu ya hashi, nikwamba ku Zaione ngwami, Nuli atu jami.

Izaya 51:18

Hakachi ka ana eswe hasema kukushi niumwe kumusongwela; hakachi ka ana eswe halela kukushi niumwe kumukwata ku kwoko.

Izaya 54:2

Tohesa chihela cha mbalaka ye, zazulula mahina ja mazuwo je. Kanda ukokoloka; suhisa mihipu ye, kolesa mbambo je.

Jeremia 30:17

Mumu Yehova kanambe ngwenyi, Mungukwaha nawa kuhinduka che; munguwuka mbandu je, mumu hakwamba ngwe uli wa kumbila, ngwo, Mwe Zaione niumwe kanamuse mbunge.

Jeremia 31:15

Yehova kanambe ngwenyi, Liji limwe analivu mu Rama, kulila mbimbi; kulila chisasu. Rakele kanalilila ana jenyi. Katayile amulembejeke hali ana jenyi, mumu keshiko.

Jeremia 4:20

Kuji-ni-tomo linalihange ni kuji-ni-tomo; chifuchi cheswe chapwa cha kwenyeka. Susumuku honwona mbalaka jami, ni kurtina jami ni shimbu liakuhi.

Lungungu 1:5

Akwa kulimika nenyi hanapu kulutwe; akwa kole jenyi kanawaha ha milimo yo, mumu Yehova hamuvwisa yikola, ha mukunda wa kulumbama cha milonga yenyi. Anenyi hanayi funge kumeso ja akwa kulimika.

Mika 2:9

Mapwo ja atu jami nwakwahuma ku mazuwo jo apema. Nwakuchiza uhenya wami kuli ana jo akepe ndo ku miaka yeswe.