Jeremia 10:2 - MUKANDA USANDU WA ZAMBI 1975

² Yehova kanambe ngwenyi, Kanda nulilongesa ndako ja mavungu. Kanda nwivwa woma ha yilayi ya mwilu mumu mavungu kakuyivwila woma,

Mukanda Wa Zambi 1970

² Ngwenyi: “Kanda nwimbulula ndako ja mavungu akwo; kanda nuvwila woma ha kumona yilayi ya kwilu, chibwe yuma yize mavungu akwo akuvwila woma.

Jeremia 10:2 Iomraidhean Croise

Ubutukilo 1:14

Zambi yamba ngwenyi, Kupwe mapangu mwilu akahandunune mwalwa ni ufuku. Akapwe yilayi, ha tungonde, ni ha matangwa, ni ha miaka.

Jeremia 10:1

Enu akwa munyachi wa Izalele ivwenu liji Yehova kananwambe.

Ezekiel 20:32

Chize chili mu manyonga jenu kuchichi kwiza kupwa, ha kwamba ngwenu, Tukalifwe ni mavungu, ngwe minyachi ya yifuchi tukakombelele mitondo ni mawe.

Alevi 18:3

Kanda nulinga yize akulinga mu chifuchi cha Engitu kuze nwatwamine. Kanda nulinga yize akulinga mu chifuchi cha Kanana kuze ngunanutwala. Kanda nwenda mu yiyulo yo.

Alevi 20:23

Kanda nwenda mu ndako ja vungu lize ngunambila kumeso jenu. Mumu o alingile yino yuma yeswe kashika naavwilile lwaji.

Shimbi 18:9

Muze munuheta mu chifuchi ananwehecho Yehova Zambi yenu, kanda nulilongesa kwimbulula yizelwokeso ya mavungu.

Akwa Kuyula 6:10

Nanwambile ngwami, Yami Yehova Zambi yenu, kashika kanda nulemesa mazambi ja A-Amore nwatwama mu chifuchi cho. Alioze kunwapanjikile ku liji liami.