Jeremia 10:19 - MUKANDA USANDU WA ZAMBI 1975

¹⁹ Lamba liami mumu ha yikola yami! Mbandu yami yipi. Alioze nambile ngwami, Pundu lino lamba liami, mba changutamba kulikoleza nalio.

Mukanda Wa Zambi 1970

¹⁹ Akwa Yerusaleme yaateta ngwo: “Mama yami, lamba kuliatuwana! Yilonda yetu kaahashile kuyiwuka. Twanyongene ngwetu, chino chili Chuma chize mutuhasa kulihumikiza nacho.

Jeremia 10:19 Iomraidhean Croise

Miaso (Masamu) 39:9

Napwile kamama, chapakwile kanwa liami mumu yena wachilingile.

Miaso (Masamu) 77:10

Mba nambile ngwami, Uno musongo wami, alioze mungwiwuluka miaka ya kwoko lia chindume lia mwe Chitunda.

Izaya 8:17

Mungutwaminyina Yehova, yoze unaswekela meso jenyi munyachi wa Yakomba. Muli iye mungutalatala.

Jeremia 14:17

Amba kuli ayo liji lino ngwe, Masoji akasulumioke ku meso jami ufuku ni mwalwa, kanda apatuka, mumu *virgem atu jami hanamutu mbandu yinene, hanamulambe chipi.

Jeremia 14:7

Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Jeremia 17:13

Yehova, yena uli kutalatala cha Izalele. Akwa kukwehuka eswe mevwa sonyi. Waze eswe makakatuka kuli yena maasoneka hashi, mumu hanehuka Yehova, lie fuji lia meya a mwono.

Jeremia 4:19

Mbunge yamie—mbunge yamie— ngunalifwichi ni yikola. Mama yami—mbungeie— Mbunge yami yinalipupula; Chahashile kuhwima mumu ngunevu liji lia chitavwi, we mutambi wa jita.

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 8:21

Mbunge yami yili ni chilonda mumu ha chilonda cha mwana wa pwo atu jami. Ngunalishimwoka; mwongo wangukwata.

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Lungungu 1:2

Kanalili chikolo ha ufuku, masoji kumeso jenyi. Hakachi ka akwa zango lienyi eswe kawanyine niumwe kumuwumbijeka. Masepa jenyi eswe halinga nenyi ni mafwefwe, hanalumuka akwa kole kuli iye.

Lungungu 3:48

Meso jami kanalili mihwiji ya masoji mumu mwana wa pwo atu jami hanamwonwona.

Mika 7:9

Mungutambula utenu wa Yehova mumu hinamuvulumuna; ndo manguhakwila ni chikuma chami, ndo mangupatwila. Kumangutuhwishila mu pangu; kumungumona ululi wenyi.