Jeremia 10:16 - MUKANDA USANDU WA ZAMBI 1975

¹⁶ Yoze wapwa chihinga cha Yakomba kapwile ngwe ayo, mumu iye mwe mukwa kuwumba yuma yeswe. Mba Izalele lie vungu lia chihinga chenyi; jina lienyi Yehova-wa-Tujita.

Mukanda Wa Zambi 1970

¹⁶ Zambi wa Yakoba keshi ngwe ayo; iye mwe watangile yuma yeswe, yatongola Aisraele kubwa atu jenyi. Mwene Mukwa Ndundo Jeswe lie jina lienyi.

Jeremia 10:16 Iomraidhean Croise

Miaso (Masamu) 119:57

Yehova iye chihanda chami. Hingunambe ngwami, Mungufunga maliji je.

Miaso (Masamu) 135:4

Mumu Yehova hanatongola Yakomba akapwe niwenyi. Hanatongola Izalele akapwe upite wa iye mwene wika.

Miaso (Masamu) 142:5

Natambikile kuli yena Yehova. Nambile ngwami, Yena uli uchinyino wami kanda uli chihinga chami mu chifuchi cha akwa mwono.

Miaso (Masamu) 33:6

Atangile malilu ku liji lia Yehova; chizavu chamo cheswe wachitangile ni mwiku wa mu kanwa lienyi.

Miaso (Masamu) 73:26

Musunya wami ni mbunge yami yakulezumuka, alioze Zambi iye tachi ja mbunge yami. Iye chihanda chami ku miaka ya mutolo.

Miaso (Masamu) 74:2

Iwuluka chikungulwila che chize walanjile ha shakulu; chize wakulile chikapwe vungu lia chihinga che; iwuluka mulundu wa Zaione kuze watwamine.

Kutuhuka 19:5

Kashika haliapwila, nyi munuzeya chamwenemwene ku liji liami nikufunga usendo wami, mba kumunukapwa kuli yami upite wami wa kutongola hakachi ka mavungu eswe, mumu hashi heswe ha mbala ha yami.

Kutuhuka 34:9

Ngwenyi, Mwene kachi haliapwila hinawana vumbi kumeso je, ngunakulembe, Mwene ukaye hakachi ketu, mumu o kapwa akwa pami. Utukonekene uhenge ni shili yetu. Utuzuke kama tukapwe chihinga che.

Yishima 16:4

Yuma yeswe Yehova hayitengela milimo yayo; ewa chipwe yingulungulu haasela tangwa lia yipi.

Izaya 19:25

waze Yehova-wa-Tujita hawahisa ngwenyi, Akawahe atu jami A-Engitu, ni A-Asuria, chitanga cha moko jami, ni A-Izalele chihinga chami.

Izaya 45:7

Nakulinga pangu, nakutanga milima, nakulinga yipema, nakutanga lamba, yami nakulinga yuma yino yeswe, mwe Yehova.

Izaya 47:4

Mukwa-Kutukula—iye mwe Musandu wa Izalele, jina lienyi Yehova-wa-Tujita.

Izaya 47:6

Natenukine ni atu jami, najilwile chihinga chami, naakunjikile mu kwoko lie, ni yena kwaavwilile keke. Chipwe hali tushinakaji walemesene kanga ye kuhiana.

Izaya 51:15

Mumu yami nguli Yehova Zambi yenu, mukwa kuvundula kalunga-lwiji ndo mikanya yenyi muyikachungula— jina lienyi Yehova-wa-Tujita.

Izaya 54:5

Mumu Tangi ye iye lunga lie, jina lienyi Yehova-wa-Tujita. Musandu wa Izalele iye Mukwa-Kukukula, kakumutongola ngwo, Zambi ya hashi heswe.

Jeremia 10:12

Iye watangile hashi ni ndundo jenyi, wakolesele muno-muze ni mana jenyi, wazazulwile malilu ni yinyingi yenyi.

Jeremia 10:6

Kukushi niumwe walita ni yena Yehova, uli munene, ni jina lie linene ni ndundo.

Jeremia 31:35

Mwe Yehova yoze wahanyine tangwa likapwe pangu ha mwalwa, ni jila ya kufunjika ya kakweji ni matongonoshi akahane pangu ha ufuku; yoze wakuvundula kalunga-lwiji ndo mikanya yenyi muyihanjika lundunjila— jina lienyi, Yehova-wa-Tujita,

Jeremia 32:18

Kuwakulweza utu wa zango lie kuli tununu, alioze kuwakufwetesa uhie wa atato kuli ana jo waze anaakaula. Yena Zambi munene wa ndundo, uli ni jina lia Yehova-wa-Tujita.

Jeremia 33:2

Chino kanambe Yehova Tangi ya hashi, Yehova mukwa kuwumba hashi akakoleseho—jina lienyi Yehova, ngwenyi,

Jeremia 46:18

Mwe Mwanangana jina lienyi Yehova-wa-Tujita kanambe ngwenyi, Ni mwono wami, chizechene ngwe Tabore hakachi ka milundu, ngwe Karmela ku kalunga-lwiji chocho meza.

Jeremia 50:34

Alioze Mukwa-Kwakula tachi ali najo; jina lienyi Yehova-wa-Tujita. Kumakaahakwila hanga akahwimise hashi alioze akapinjise waze atwama mu Babilonia.

Jeremia 51:19

Yoze wapwa chihinga cha Yakomba kapwile ngwe wano, mumu iye wawumbile yuma yeswe, Izalele lie vungu lia chihinga chenyi, jina lienyi Yehova-wa-Tujita.

Lungungu 3:24

Mbunge yami kuyakwamba ngwo, Yehova iye chihanda chami kashika muli iye mungutalatala.

Amose 4:13

Mumu nyingikenu; yoze wakuwumba milundu, ni kutanga fuji; yoze wakusolola manyonga jenyi kuli atu; yoze wakwalumuna chimene chikapwe milima; yoze wakuliata ha milundu ya hashi— jina lienyi Yehova, Zambi-ya-Tujita.

Zakaria 2:12

Mba Yehova mahinga Yunda ngwe chihinga chenyi mu chifuchi chisandu, matongola Yerusaleme nawa.

Shimbi 32:9

Mumu chihanda cha Yehova chapwa atu jenyi. Yakomba yapwa chihinga chenyi cha kutongola.