Jeremia 10:14 - MUKANDA USANDU WA ZAMBI 1975

¹⁴ Mutu mweswe kapwa chelo, keshi mana; fuli-oru mweswe mamukolesa sonyi ku mahamba jenyi. Mumu tuponya twenyi a kwonga, mwiku wakuhi muli ayo.

Mukanda Wa Zambi 1970

¹⁴ Ha kumona yuma yino, atu kaakunyonga ngwo, kaali yelo kanda yihepuke. Waze akulinga mahamba kaakwivwa sonyi, mumu mazambi waze akulinga kaali amokomoko, keeshi mwono.

Jeremia 10:14 Iomraidhean Croise

Miaso (Masamu) 14:2

Zambi mwilu kakutala hali ana ja atu, akamone nyi kachi kwali amwe akulinga ni mana, hanji amwe akufupa Zambi.

Miaso (Masamu) 92:6

Mutu yoze walifwa ni kashitu keshi kuchinyingika. Kuchichi kulumbunuka kuli chihepuke.

Miaso (Masamu) 94:8

Nyongenu yenu hakachi ka atu nunapu ngwe tushitu. Enu yihepuke, tangwa lika mununyonga mana?

Miaso (Masamu) 97:7

Waze eswe akulingila tuponya twa kwola ni waze eswe akulisamba ni mahamba akevwe sonyi. Muwayilenu, enu mazambi eswe.

Yishima 30:2

Chamwenemwene kunapwa chizuzali kuhiana atu eswe; chishi ni malinjekela a mutu.

Izaya 42:17

Waze anafuliela tuponya twa kwola, waze akwamba ku tuponya twa kuzuzulula ngwo, Nuli mazambi jetu, o maahilwisa kunyima ni kwakolesa sonyi.

Izaya 44:11

Atu jenyi eswe mevwa sonyi. Yilangaji, no nawa atu tuhu. Alikungulule, amane; eswe mevwa mwongo, eswe maakolesa sonyi hamuwika.

Izaya 45:16

Atu akwo eswe kakwivwa sonyi ni kutatajala, ni akwa kulinga tuponya kakutatajala hamuwika.

Izaya 57:12

Mungwambulula ululi we ni yitanga ye alioze kuyichi kukukwasa.

Jeremia 10:5

Tuponya two kapwa ngwe mutondo wa kwola kahashile kuhanjika. Chatamba kwambata mumu kahashile kwenda. Kanda nwavwila woma, mumu kahashile kulinga chipi, chipwe kulinga chipema keshi nacho.

Jeremia 10:8

O yelo, kanda yihepuke; longeso lia tuponya ngwami mutondo.

A-ROMA 1:25

Waze asumbakenyene umwenemwene wa Zambi ni mahuza, nikuwayila, nikulingila chuma cha kutanga, hi mwe Tangi ko, mwenawo kafumana ndo ku miaka ya mutolo. Amene.

1 Samuel 5:4

Muze hikwacha nawa yalimeneka, kumanyi Ndagone hanaholoka ha meso jenyi hashi kulutwe lia mushete wa Yehova, ni mutwe wa Ndagone ni moko jenyi aali hanamakuka te kanapombo he ha chikukulu cha pito. Chivuvu chenyi wika chasala.