Jeremia 10:13 - MUKANDA USANDU WA ZAMBI 1975

¹³ Muze mahiohiesa liji lienyi kwapwa lundunjila wa meya mu malilu. Kakwandula mbundu ku masongo a hashi. Kakutanga njaji ja vula; kakuchiza fuji ku machila jenyi.

Mukanda Wa Zambi 1970

¹³ Ku liji lienyi meya kaakulundumuka kwilu; kakumwisa malelwa ku masongo a hashi. Kakuhenyesa njaji mu vula, kakutuma fuji kuma liayo.

Jeremia 10:13 Iomraidhean Croise

Ubutukilo 2:5

Ni mitondo yeswe ya mu mavu shimbu kanda yipwa hashi, ni yiputa yeswe ya mu mavu shimbu kanda yisoka, mumu Yehova Zambi kanda anokesa vula hashi, chipwe mutu keshiko yoze machipa mavu.

1 Yitanga Ya Mianangana 18:41

Eliya yamba kuli Ahabe ngwenyi, Katuka ulie, unwe mumu chinumo chiliko cha vula munji.

Jobe 38:22

Ena hiwanjila kuze akutulikila neve? Hiwamona kuze akutulikila chiwe,

Miaso (Masamu) 104:13

Ku yipatulo ya mwilu kakuhinjila meya ha milundu; hashi kuhakuyuka ni yitanga ye.

Miaso (Masamu) 135:17

Matwi akwete, alioze keshi kwivwa. Mu makanwa jo kumushi mwiku.

Miaso (Masamu) 135:7

Kakwandula chishichishi ku masongo a hashi. Katutanga mihenyo ya vula. Kakuchiza fuji ku upite wenyi.

Miaso (Masamu) 147:8

Yoze wakufuka mwilu ni malelwa. Yoze wakululikila vula hashi. Yoze wakusokesa mwambu ha milundu.

Miaso (Masamu) 18:13

Yehova wakulungujile nawa mwilu, Mwe Chitunda wahanjikile liji lienyi; chiwe ni makala a kahia.

Miaso (Masamu) 68:33

Kuli yoze unende helu lia malilu a malilu aze atwama chize ku shakulu, ivwenu, kanahanjika liji lienyi, lie liji lia ndundo.

Kutuhuka 9:23

Mose yazundula kwilu mulumbu wenyi, mba Yehova yatuma kukulunguza ni chiwe. Kahia yikahulumukina hashi. Yehova yanokesa chiwe ha chifuchi cheswe cha Engitu.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Jeremia 19:12

Yehova kanambe ngwenyi, Chocho mungulinga ni kuma kuno ni wano atu. Mungupwisa chihunda chino ngwe Tofete.

Jeremia 5:24

Kambile mu mbunge jo ngwo, Tuvwilenu woma Yehova Zambi yetu, yoze wakutwaha vula ha kangonde kenyi, vula wa samakwasa ni vula musazu, ni kakutufungila semana ja kufunjika ja kucha.

Jeremia 51:16

Muze matuhwisa liji lienyi kwakupwa kunuma cha meya mwilu, kakwandula mbundu ndo ku masongo a hashi. Kakutuma njaji ja vula, kakuchiza fuji mu mazuwo jenyi a kuswekela.

Amose 4:13

Mumu nyingikenu; yoze wakuwumba milundu, ni kutanga fuji; yoze wakusolola manyonga jenyi kuli atu; yoze wakwalumuna chimene chikapwe milima; yoze wakuliata ha milundu ya hashi— jina lienyi Yehova, Zambi-ya-Tujita.

Zakaria 10:1

Etenu vula kuli Yehova ha kakweji wa vula musazu. Etenu kuli Yehova mukwa kutanga njaji mukwa kuhana vula wa samakwasa, mukwa kuhana mwambu mu chifuchi.