Jeremia 10:10 - MUKANDA USANDU WA ZAMBI 1975

¹⁰ Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Mukanda Wa Zambi 1970

¹⁰ Alioze yena Mwene Zambi uli Zambi yamwenemwene, Zambi ya mwono, mwanangana wa miaka yeswe. Muze yena wakutenuka, hashi kuhakuchikima. Mavungu keeshi kuhasa kulihumikiza ni ufwatulo we.

Jeremia 10:10 Iomraidhean Croise

Ubutukilo 21:33

Apalahama yatumba mutondo ku Mbia-shipa, yatambika Yehova ha jina lienyi, mwe Zambi wa mutolo.

1 Yitanga Ya Mianangana 18:39

Muze atu eswe achimwene yafulamana ha meso jo, yamba ngwo, Yehova iye Zambi! Yehova iye Zambi!

1 Yitanga Ya Mianangana 8:60

hanga mavungu eswe a hashi akanyingike ngwo, Yehova iye Zambi, kukushi mukwo.

1 Sango Ja Mianangana 29:11

Unene weswe wa mbala wa yena Yehova, ni ndundo, ni uhenya, ni kukumba, ni wanangana. Mumu cheswe chili mwilu ni hashi niche. We wanangana wa yena Yehova, ni yena kuwatunda ngwe mutwe helu lia yuma yeswe.

2 Sango Ja Mianangana 15:3

Ha shimbu linene A-Izalele hahona mwe Zambi wamwenemwene, chipwe sasendote mukwa kulongesa, chipwe shimbi.

Jobe 9:6

Manyikisa hashi ndo hihalisekula ni manguji jaho machikima.

Miaso (Masamu) 10:16

Yehova iye mwanangana ndo ku miaka ya mutolo. Mavungu hanakuwu mu chifuchi chenyi.

Miaso (Masamu) 100:3

Nyingikenu ngwenu, Yehova iye Zambi, iye watutangile, tuli ninyenyi. Tuli atu jenyi; tuli mapanga a ku kelo jenyi.

Miaso (Masamu) 100:5

Mumu Yehova iye mupema, utu wa zango lienyi wa mutolo. Umwenemwene wenyi walinduluka ku yisemuko yeswe.

Miaso (Masamu) 104:32

Iye muze matala hashi, muhanyika. Muze masunga ku milundu muyifwinjisa mwishi.

Miaso (Masamu) 114:7

Ena hashi, chikima kumeso ja Mwene; kumeso ja Zambi ya Yakomba,

Miaso (Masamu) 145:13

Wanangana we wapwa wa mutolo. Chiyulo che chalinduluka ku yisemuko yeswe.

Miaso (Masamu) 146:6

Yoze watangile lilu ni hashi, ni kalunga-lwiji, ni yize yeswe yilimo. Yoze wakufunga umwenemwene ku miaka ya mutolo.

Miaso (Masamu) 18:7

Haze hene hashi hanyikine nikuchikima, fundamentu ja milundu nawa jachikimine, janyikine mumu iye hanatenuka.

Miaso (Masamu) 29:10

Ku sanga lia meya Yehova Watwamine ngwe mwanangana. Ewa, katwama ngwe mwanangana wa mutolo.

Miaso (Masamu) 31:5

Mu kwoko lie ngunakunjika Spiritu yami. Yehova, yena hiwangukula, uli Zambi ya umwenemwene.

Miaso (Masamu) 42:2

Mbunge yami kuyakwivwa pwila ya Zambi, mwe Zambi ya mwono. Tangwa lika munguheta ngukasoloke kumeso ja Zambi?

Miaso (Masamu) 68:11

Mwanangana kakuhana liji, alioze mapwo aze mambulula sango, chihuji chinene.

Miaso (Masamu) 68:8

Hashi hanyikine, vula nawa anokene kwilu kumeso ja Zambi. Chipwe Sinai yachikimine kumeso ja Zambi, mwe Zambi ya Izalele.

Miaso (Masamu) 74:12

Hindu Zambi iye mwanangana wami wa shakulu; kakulinga ulamwino hano hashi.

Miaso (Masamu) 76:7

Yena, yena mwene chatamba kukuvwila woma. Iya mamana kumeso je nyi hiwatenuka?

Miaso (Masamu) 76:8

Wavwishile upatwilo wa kukatuka kwilu. Hashi hevwile woma; liaholele kulu,

Miaso (Masamu) 77:18

Liji lia kukulunguza che liapwile mu chijimbi. Mihenyo ye yapangulwishile hashi. Mavu achikimine ni kulinyika.

Miaso (Masamu) 84:2

Mbunge yami kuyakuvwila usona yize ya Yehova, chipwe kulezumuka kuyakulezumuka. Ni mbunge yami ni musunya wami kuyakuteta kuli mwe Zambi ya mwono.

Miaso (Masamu) 9:8

Iye kumakasopesa akwa hashi ni ululi; kumakapatwila akwa mavungu nikulita.

Miaso (Masamu) 90:11

Iya manyingika ndundo ja utenu we ni ufwatulo we nikulita ni woma uze makuvwila?

Miaso (Masamu) 90:2

Shimbu milundu kanda yichisemuka. Shimbu kanda uchitomba mavu ni hashi. Chize ku miaka ya mutolo ndo ku miaka ya mutolo, yena uli Zambi.

Miaso (Masamu) 93:2

Ngunja ye hanayikolesa ku shakulu. Yena uli wa ku miaka ya mutolo.

Miaso (Masamu) 97:4

Mihenyo yenyi yapangulwishile yifuchi yeswe. Hashi hachimwene nikuchikima.

Izaya 37:17

Panjika kama Yehova wivwe. Tala ni meso je, Yehova, umone. Ivwa maliji eswe a Senakeribe, wano hatuma kuchoka no mwe Zambi ya mwono.

Izaya 37:4

Hanji muchipwa Yehova Zambi ye mevwa maliji a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji aze Yehova Zambi ye hevwa. Kashika uchilembele kama waze asala.

Izaya 40:15

Kumanyi mavungu kapwa ngwe soto limuwika mu swaha, kakwamona ngwe fufuta ha mbalansa; kakukwata matungu a mu kalunga-lwiji ngwe fufuta yafufunuka.

Izaya 40:28

Te kunwanyingikine? Kunwevwile? Yehova iye Zambi ya mutolo. Mwe Tangi wa masongo a hashi. Keshi kulezumuka hanji kwivwa yikatalo. Yinyingi yenyi niumwe mahasa kuyijimbula

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Izaya 65:16

Kashika yoze maliwahisa mu chifuchi, maliwahisa ni jina lia Zambi ya umwenemwene, yoze malishinga mu chifuchi malishinga ni Zambi ya umwenemwene, mumu lamba lia kushi hanalivulama, hiliaswamina kumeso jami.

Jeremia 23:36

Alioze chiteli cha Yehova kunuchi kuchamba nawa, mumu chiteli hichapwa liji lia mutu mweswe mwene, mba nunahengesa maliji a mwe Zambi ya mwono, Yehova-wa-Tujita Zambi yetu.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Jeremia 4:24

Natalile ku milundu, yinachikima, mindundena yeswe yinalihiji.

Jeremia 50:46

Ha Chizungozungo cha kufwa cha Babilonia hashi muhanyika, ni liji lia muteto wenyi malivwa hakachi ka mavungu.

Jeremia 51:29

Chifuchi chinachikima nikulifwita ni yikola, mumu chize Yehova hanalulika kulimika ni Babilonia chinakolo, akapwise chifuchi cha Babilonia cha hululu ni akwa kutwamamo akuhi.

Daniel 4:3

Yilayi yenyi yinene, yikomokeso yenyi ya ndundo. Wanangana wenyi wa mutolo; chiyulo chenyi chakola chize ku chisemuko ndo ku chisemuko.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Daniel 6:27

Kakupulula, kakulamwina, kakulinga yilayi ni yikomokeso mwilu ni hashi, yono mwene hanalamwina Daniel, ku tachi ja ndumba.

Daniel 7:14

Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Joele 2:11

Mba Yehova kakuhanjika lundunjila kulutwe lia tujita twenyi. Mumu chizavu chenyi cha tujita chinene, ni waze mamanununa shimbi jenyi akwa tachi. Mumu tangwa lia Yehova linene; kole ni mwongo! Iya malihasa?

Mika 1:4

Milundu muyikasangunuka kushi lia yiliato yenyi, ni yikulo muyikapulika ngwe sera kumeso ja kahia, ngwe meya akuzujila homa ha kupalumuka.

Nahume 1:5

Milundu kuyakuchikima kumeso jenyi ni mindundena yakusangunuka. Hashi kuhakwalumuka ha hululu kumeso jenyi; ni muno-muze ni enyamo eswe.

Nahume 1:6

Iya mahasa kulikoleza ku ufwatulo wenyi? Iya mahasa kujikiza mu chivukuminya cha utenu wenyi? Kakuzukula ufwatulo wenyi ngwe kahia; kakupula ndusu yimawe.

Habakuke 3:10

Milundu yakumwene, yevwile woma. Meya a tachi apukumukine; kalunga-lwiji watetele nikuzundula moko jenyi kwilu.

Habakuke 3:6

Yamana; yeseka hashi; yatala; yasakumuna mavungu. Mba milundu ya mutolo yiyimwangana; mindundena ya miaka yahuwa. Majila jenyi apwile ngwe ku shakulu.

Malaki 3:2

Alioze iya mahasa kumana ha tangwa lia kwiza chenyi? Iya mahasa kujikiza ha kusoloka chenyi? Mumu iye kapwa ngwe kahia ka mukwa kupemesa oru; ngwe sabau ya kutomesa.

Mateu 16:16

Semone Petulu wamukumbulwile ngwenyi, Yena uli mwe Kristu, mwe Mwana wa Zambi ya mwono.

Mateu 26:63

Alioze Yesu waholele. Sasendote wambile kuli iye ngwenyi, Shingo ngunakwehe mu jina lia Zambi ya mwono, Utwambulwile kachi yena uli mwe Kristu, mwe Mwana Zambi.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yilinga 14:15

Malunga, kuchi te nunalingi yino yuma? Yetu tuli atu chimuwika ngwe yenu, tunanwambulwila sango lipema, ngwetu, Chanutamba kwehuka yuma yino ya kuseka, nukatewulukile kuli Zambi ya mwono, yoze watangile lilu ni hashi ni kalunga-lwiji, ni yuma yize yeswe yilimo:

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Shimbi 5:26

Iya uliko kuli eswe evwile liji lia Zambi ya mwono anahanjika ni liji Unatuhuka mukachi ka ke kahia, ngwe yetu hitwevwa, hindu achili ni mwono?

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

1 Timoteu 1:17

Haliapwila kuli Mwanangana wa mutolo, keshi kuhasa kupola, keshi kumoneka, mwe Zambi umuwika, ulemu ni uhenya ukapwe ndo ku miaka yeswe ya mutolo. Amene.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.

Hebreu 10:31

Kuholokela mu moko ja Zambi ya mwono, chuma cha kukolesa woma.

Yoshua 3:10

Yoshua yamba ngwenyi, Ha chikuma chino mununyingika ngwenu, Zambi ya mwono hwali hakachi ka yetu, mba iye kechi kuhona kuhuma A-Kanana, ni A-Hete, ni A-Hevwe, ni A-Perize, ni A-Ngikashe, ni A-Amore, ni A-Yepushe kumeso jetu.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.

Usolwelo 20:11

Namwene ngunja yinene yitoma, ni yoze watwamineho, kumeso jenyi lilu ni hashi yachinyine; kuyawanyine chihela.

Akwa Kuyula 5:4

Yehova muze yena wakatukile ku Sere, Muze waputukile kwenda ku chifuchi cha Endome hashi hanyikine, malilu asotokele, ewa malelwa asotokele vula.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.

1 Samuel 17:36

Yami kavumbi kenu nashihile ndumba ni ursu, eswe aali, mba yono chilima cha Ka-Filistea mapwa ngwe umwe hakachi ko se hatomba chizavu cha tujita twa Zambi ya mwono.