Jeremia 1:9 - MUKANDA USANDU WA ZAMBI 1975

⁹ Mba Yehova yazoza kwoko lienyi yalisa ku kanwa liami; Yehova yamba kuli yami ngwenyi, Tala, hinasa maliji jami mu kanwa lie.

Mukanda Wa Zambi 1970

⁹ Mba Mwene Zambi yazoza kwoko lienyi, yangukwata ku kanwa, yangwamba ngwenyi: “Banjika, hinakwaha maliji waze Chakutamba kuhanjika.

Jeremia 1:9 Iomraidhean Croise

Izaya 49:2

Wapwishile kanwa liami ngwe katana wa kuhela, mu Chizulie cha kwoko lienyi wanguswekele, wangupwishile ngwe mwivu wa kucheka, wanguswekele mu chindalo chenyi.

Izaya 50:4

Mwene Yehova hanangwehe limi lia mukwa kulongoloka, hanga ngukanyingike kukolesa mukwa yikatalo ni liji. Tangwa ha tangwa ha chimene kakulawisa; kakulawisa twitwi liami ngwivwe ngwe akwa kulongoloka.

Izaya 51:16

Hinasa maliji jami mu makanwa jenu, hinanusweka mu Chizulie cha kwoko liami, nikuzazulula malilu, nikusa fundamentu ya hashi, nikwamba ku Zaione ngwami, Nuli atu jami.

Izaya 59:21

Yehova kanambe ngwenyi, Ha kutwala kuli yami, usendo wami kuli ayo muupwa uno ngwami, Spiritu yami yoze watwama hali yenu ni maliji jami aze hinasa mu kanwa lienu kechi kakatuka mu kanwa lienu, chipwe mu makanwa ja ana jenu, chipwe mu makanwa ja ajikulu jenu chize ku tangwa lia musono ndo ku miaka ya mutolo. Chocho kanambe Yehova.

Jeremia 15:19

Kashika Yehova kanambe ngwenyi, Nyi muhiluka mungukuhuzulula, mba mukamana kumeso jami. Nyi muwamba chize chinaleme, hi chize ko chamokomoko, kumuopwa ngwe kanwa liami. O matalikisa kuli yena, hi yena ko mutalikisa kuli ayo.

Jeremia 34:6

Mba profeta Jeremia wambile maliji wano eswe kuli Zedekia mwanangana wa Yunda, mu Yerusaleme,

Jeremia 36:2

Anda mukanda wa chivungo ukasonekemo maliji eswe hinamba kuli yena a kulimika ni Izalele ni Yunda ni mavungu eswe chize ku tangwa litangu nahanjikile ha matangwa a Josia ndo musono.

Jeremia 5:14

Kashika Yehova, Zambi-ya-Tujita kanambe ngwenyi, Mumu o hanambe liji lino ami ngunapwisa maliji jami kahia mu kanwa lie, ni wano atu mapwa kunyi, ni kahia kumukaanongesa.

Ezekiel 3:10

Yamba nawa kuli yami ngwenyi, Mwana mutu, maliji jami eswe waze munguhanjika kuli yena, tambula mu mbunge ye, panjika ni matwi je.

Daniel 10:10

Kwoko yilingusunga ni kunguchikimisa ha moko jami ni makungunwa jami.

Daniel 10:16

Kumanyi, umwe wa kulifwa ni ana ja atu yangusunga ku mivumbo; mba napakwile kanwa liami ni kuhanjika. Yingwamba kuli yoze kanamana kumeso jami ngwami, Mwene wami, yikola hiyangukwata, chishi nawa ni tachi ha mukunda wa usolwelo.

Kwalula 23:5

Yehova yasa liji limwe mu kanwa lia Mbalau ngwenyi, Hiluka kuli Mbalake, wambe chino.

Mateu 10:19

Alioze muze munukunjika, kanda nukalipikala ngwe chize munukahanjika: mumu kumakanwahacho ha ola yize chize munukahanjika.

Marku 7:33

Iye wamutwalile ku tenga lia mbunga ukawenyi, wasele minwe ku matwi jenyi, iye wafwilile mate, wasele munwe ku limi lienyi;

Luka 12:12

mumu Spiritu Musandu kumanulongesa ha ola yize yene chize Chanutamba kwamba.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Shimbi 18:16

nikulita ni yeswe nwazangile kuli Yehova Zambi yenu mu Horepe, ha tangwa lia chikungulwila ngwenu, Kanda twivwa nawa liji lia Yehova Zambi yetu, chipwe kanda tutala nawa ke kahia kano kanene, kuchina mutufwa.

Shimbi 18:17

Yehova yamba kuli yami ngwenyi, Chino anambe, kamba kanawa.

Shimbi 18:18

Mungukaasolwela profeta hakachi ka usoko wo, malifwa ni yena; mungusa maliji jami mu kanwa lienyi, iye kumakambulula kuli ayo yeswe mungumwambayo.