Jeremia 1:6 - MUKANDA USANDU WA ZAMBI 1975

⁶ Ami yingwamba ngwami, Mwene Yehova, Chanyingikine kuhanjika mumu nguchili mukweze.

Mukanda Wa Zambi 1970

⁶ Yingukumbulula ngwami: “Mwene Zambi, Chishi kuhasa kuhanjika, ni mwene nguchili kwami mukweze”.

Jeremia 1:6 Iomraidhean Croise

Kutuhuka 4:1

Mose yakumbulula ngwenyi, Alioze mwane, o kechi kungufuliela chipwe kupanjika ku liji liami, ka, mumu mamba ngwo, Yehova kasolokele kuli yena.

Kutuhuka 6:12

Mose yahanjika kumeso ja Yehova ngwenyi, Mwane, A-Izalele kahalakanyine kuli yami, ka, ngwe kuchi Falau mangwivwa, yami nguli mukwa chilimi?

Kutuhuka 6:30

Kumeso ja Yehova, Mose yamba ngwenyi, Mwane, yami nguli mukwa chilimi. Ngwe kuchi Falau mahalakana kuli yami?

Izaya 6:5

Ami yingwamba ngwami, Lamba liami! Ngunatoko, mumu nguli mukwa mivumbo ya luchisa, natwama hakachi ka akwa mivumbo ya luchisa; mumu meso jami hamona Mwanangana, Yehova-wa-Tujita.

Jeremia 14:13

Yingwamba ngwami, Mwene Yehova, aprofeta kakwamba kuli ayo ngwo, Kunuchi kamona katana, chipwe kupwa ni kapunga, alioze mungunwaha sambukila ya pundu muno mu chifuchi.

Jeremia 32:17

Mwene Yehova! Yena watangile malilu ni hashi ni ndundo je jinene ni kwoko lie lia kuzoza. Nichimwe chuma muchikukalila naye.

Jeremia 34:6

Mba profeta Jeremia wambile maliji wano eswe kuli Zedekia mwanangana wa Yunda, mu Yerusaleme,

Jeremia 4:10

Ami yingwamba ngwami, Mwene Yehova, hiwonga liakulu wano atu ni A-Yerusaleme ngwe, Muchipwa chipema ni yenu, alioze katana hanahete kwe ku mwono wo.

Ezekiel 4:14

Yingwamba ngwami, Mwene Yehova! Kanda nguchilichisa. Chize ku ukweze wami ndo haliapwila kanda nguchilia kama yifwo ya kulifwila, hanji ya kupapulula kuli ngongo. Chipwe yifwo ya luchisa kanda yinjila kama mu kanwa liami.

Zakaria 2:4

Yamba kuli iye ngwenyi, Zomboka uambe kuli yono mukweze ngwe, Yerusaleme muyipwa ni atu a kutwamamo ngwe yihunda yize kuyishi yipanga-ya-mawe, mumu ha kwokelamo cha atu ni yimuna.