Jeremia 1:3 - MUKANDA USANDU WA ZAMBI 1975

³ Liejile nawa ha matangwa a Jehoakime mwana Josia, mwanangana wa Yunda, ndo ku songo lia mwaka kumi ni kashi wa Zedekia mwana Josia, mwanangana wa Yunda, ndo ku ufunge wa Yerusaleme ha kakweji wamuchitano.

Mukanda Wa Zambi 1970

³ Yahanjika nawa nenyi muze Jehoakime mwana wa Josia abwile mwanangana. Mba yahanjika nawa nenyi yisuho yinji, ndoo ha mwaka kumi ni umuwika wa ku yula cha Zedekia mwana wa Josia. Ha kakweji wa muchitano wa mwaka uze akwa kole yaatwala akwa limbo lia Yerusaleme mu undungo.

Jeremia 1:3 Iomraidhean Croise

1 MIANANGANA 23:34

Falau-Neko yasalakanyisa Eliakimi mwana Josia mu wanangana wa tato Josia. Yalumuna jina lienyi ngwenyi, Jehoakime, alioze yachiza Jehoahaze; yamutwala ku Engitu, kwenako yafwila.

1 MIANANGANA 24:17

Mba mwanangana wa Babilonia yapwisa mwanakwo wa tato, Matania, mwanangana kumusalakana. Aye jina lienyi yalialumuna ngwenyi, Zedekia.

1 Sango Ja Mianangana 3:15

Ana ja Josia a malunga wano: mwana mutangu Johanane, ni wamuchiali Jehoakime, ni wamuchitatu Zedekia, ni wamuchiwana Shalume.

Jeremia 1:4

Liji lia Yehova liejile kuli yami ngwo,

Jeremia 34:1

Liji lino liejile kuli Jeremia lia kuli Yehova, muze Nabukanezore mwanangana wa Babilonia ni tujita twenyi eswe, ni mawanangana eswe a hashi aze iye te kanaayulu ni mavungu eswe kanase jita ni Yerusaleme ni yihunda yayo yeswe ngwenyi,

Jeremia 35:1

Liji lia Yehova liejile kuli Jeremia ha matangwa a Jehoakime mwana Josia mwanangana wa Yunda ngwenyi,

Jeremia 36:2

Anda mukanda wa chivungo ukasonekemo maliji eswe hinamba kuli yena a kulimika ni Izalele ni Yunda ni mavungu eswe chize ku tangwa litangu nahanjikile ha matangwa a Josia ndo musono.

Jeremia 39:2

Ha mwaka kumi ni kashi wa Zedekia ni kakweji wamuchiwana ni tangwa liamuchilivwa lia kakweji, chihunda yachilokola.

Zakaria 7:5

Amba kuli atu eswe a mu chifuchi hamwe ni asasendote ngwenu, Ha kulitwamina kulia ni kulinyenga ha kakweji wamuchitano ni wamuchishimbiali, miaka yino makumi shimbiali, te yami nunachilingila?

Zakaria 8:19

Yehova-wa-Tujita kanambe ngwenyi, Kulitwamina kulia ha kakweji wamuchiwana, ni ha kakweji wamuchitano, ni ha kakweji wamuchishimbiali, ni ha kakweji wamuchikumi, yeswe muyipwa kuli akwa munyachi wa Yunda matangwa a uwahililo ni chiseke, ni yiwanyino ya maseho. Kashika zangenu umwenemwene ni sambukila.