Jeremia 1:17 - MUKANDA USANDU WA ZAMBI 1975

¹⁷ Alioze ena, jichika muya we; katuka ukambe kuli ayo yeswe mungukutumina. Kanda wavwila woma, kuchina mungukuvwisa woma kumeso jo.

Mukanda Wa Zambi 1970

¹⁷ Jeremia, lipupwise; yako wambulule yuma yeswe yize mungukulweza. Kanda wevwila woma haliabwila. Nyi ka, mungukuvwisa woma kuhiana muze muubwa no.

Jeremia 1:17 Iomraidhean Croise

1 Yitanga Ya Mianangana 18:46

Kwoko lia Yehova yiliza hali Eliya chocho iye yalijichika mu zalilo yazomboka kulutwe lia Ahabe ndo ku chikolo cha Yezerele.

1 MIANANGANA 1:15

Mungelo wa Yehova yamba kuli Eliya ngwenyi, Palumuka nenyi. Kanda umuvwila woma. Aye yakatuka, yapalumuka hamwe nenyi kuli mwanangana.

1 MIANANGANA 4:29

Elisha yamba kuli Ngehaze ngwenyi, Lijichike muya we, kwata mulumbu wami mu kwoko uye. Nyi mutakana ni mutu kanda umumeneka. Nyi iye makumeneka, ena kanda umukumbulula. Sako mulumbu wami ha meso ja mwana.

1 MIANANGANA 9:1

Profeta Elisha yasanyika umwe mwana wa aprofeta, yamba kuli iye ngwenyi, Ulijichike muya, tambula kasaji kano ka maji mu kwoko uye ku Ramote-Ngiliate.

Jobe 38:3

Jichika muya we mu zalilo ngwe uli lunga. Mungukuhula mba yena mukumbulula.

Kutuhuka 3:12

Zambi yamba ngwenyi, Chamwenemwene kumungukapwa ni yena. Chino chinyingi muchipwa kuli yena cha kukulweza te yami ngunakutumu ngwami, Muze mukachiza e atu ku Engitu, munukavumbika Zambi ha mulundu uno.

Kutuhuka 7:2

Yako ukahanjike yize yeswe ngunakwambe. Yayenu Arone akahanjike kuli Falau hanga akeche A-Izalele akakatuke ku chifuchi chenyi.

Jeremia 1:18

Ni yami, tala, ngunakupwisa musono chihunda cha kukolesa, kanda nguji lia utale, kanda ni yipanga ya unengu kulimika ni chifuchi cheswe. Mulimika ni mianangana ja A-Yunda, ni alemu jako, ni asasendote jako ni e atu a mu chifuchi.

Jeremia 17:18

Akakolese sonyi waze akunguhungumiona, alioze yami kanda ngwivwa sonyi. Akalishimwoke ayo, alioze kanda ngulishimwoka yami. Koka hali ayo tangwa lipi, Ukaonwone kaali.

Jeremia 23:28

Profeta mweswe kali ni chilota akachaule chilota chenyi, alioze mweswe kali ni liji liami ahanjike liji liami ni umwenemwene. Yehova kanambe ngwenyi, Mwambu wamokomoko ni tiliku kuyinalifu te?

Jeremia 26:12

Henaho Jeremia yamba kuli alemu eswe ni atu eswe ngwenyi, Yehova wangutumine kuprofeteza kulimika ni zuwo lino ni chihunda chino maliji ano eswe hinwevwa.

Jeremia 26:2

Yehova kanambe ngwenyi, Manyina mu yize ya zuwo lia Yehova ukahanjike kuli akwa yihunda yeswe ya Yunda waze akwiza kuwayila mu zuwo lia Yehova maliji eswe mungukwaha kuhanjika no. Kanda uhichika chipwe liji limuwika.

Jeremia 36:8

Baruke mwana Neria yalinga yize yeswe profeta Jeremia hamutumina, ha kutwala ku kutanga ku mukanda, maliji a Yehova mu zuwo lia Yehova.

Lungungu 3:57

Wakundamine muze nakutambikile; wambile ngwe, Kanda wivwa woma!

Yona 3:2

Katuka uye ku Ninive, lie limbo linene, ukakololoke chize ngunakutumu.

Luka 12:35

Zalilo jenu jilijichike miya, ni ndeya jenu jiyile.

Yilinga 20:20

ngwe chalitwaminyine kunwambulwila chize cheswe chakunufumbula, nikunulongesa hakachi ka mbunga ya atu, ni ku zuwo ni zuwo nawa,

Yilinga 20:27

Mumu chalitwaminyine kwambujola kuli yenu mana eswe a Zambi.

1 Korintu 9:16

Mumu kachi mungwambujola sango lipema, kachi chishi nacho nichimwe cha kulisamba nacho; mumu hanase chiteli hali yami; mumu lamba kuli yami, kachi chishi kwambujola sango lipema.

1 Tesalonika 2:2

alioze se twevwile lamba kunyima, kuze atulingile chipi, chizechene ngwe nunanyingika, mu Fwilipu, twahamukine muli Zambi yetu kuhanjika kuli yenu sango lipema lia Zambi, hamwe ni kulitachika chinji.

1 Petulu 1:13

Kashika, jichikenu miya mu zalilo ja kunyonga chenu, keyelenu, nukataletale ndo ku songo ha vumbi lize makalineha kuli yenu ha usolwelo wa Yesu Kristu.