Jeremia 1:13 - MUKANDA USANDU WA ZAMBI 1975

¹³ Liji lia Yehova yiliza kuli yami chisuho chamuchiali ngwo, Yika unamono? Yingwamba ngwami, Ngunamono ndeho yinafuluka, yinombu nyima ku Norte.

Mukanda Wa Zambi 1970

¹³ Mba Mwene Zambi yanguhula nawa ngwenyi: “Yika unamono nawa?” Yingukumbulula ngwami: “Ngunamono ndeho (yimbia) yinafuluka ku sali lia norde, yinambe kutengukila sali lize.”

Jeremia 1:13 Iomraidhean Croise

Ubutukilo 41:32

Mba se hanasolola chuma chino kaali kuli Falau, chinalumbunuka che chuma hanachikolesa kuli Zambi. Chikwo nawa Zambi kumakachilinga ni shimbu liakuhi.

Izaya 55:11

chocho liji liami lize Kakutuhuka mu kanwa liami mulipwa; kulichi kuhiluka kuli yami mokomoko, alioze mulikalinga chuma chize ngunapale, mulikawaha mu milimo yize nalitumine.

Jeremia 24:3

Yehova yamba kuli yami ngwenyi, Jeremia, yika unamono? Yingwamba ngwami, Ngunamono makuyu. Makuyu apema kanapeme chikolo; makuyu api kanapiha chikolo chocho mutu kahashile kwalia.

Ezekiel 11:3

Kakwamba ngwo, Matangwa kanda achiheta a kutunga mazuwo. Chihunda chino chapwa ngwe lundeho, ni yetu tuli yifwo.

Ezekiel 11:7

Kashika Mwene Yehova kanambe ngwenyi, Afu jenu a kushiha, waze hinwalumbika hakachi kacho, o kapwa ye yifwo, ni chihunda chino lwe lundeho; alioze yenu manuchizamo.

Ezekiel 12:28

Kashika amba kuli ayo ngwe, Mwene Yehova kanambe ngwenyi, Nilimwe liji lia yami mulikalaluka nawa, alioze liji lize mungwamba, malilinga. Chocho kanambe Mwene Yehova.

Amose 8:2

Mba yamba ngwenyi, Amose, yika unamono? Yingwamba ngwami, Mutonga wa mihuko ya lwiza. Yehova yamba kuli yami ngwenyi, Songo hiliaheta kuli atu jami A-Izalele; chichi kwapalika nawa nilimwe tangwa.

Zakaria 4:2

Yamba kuli yami ngwenyi, Yika unamono? Yingwamba ngwami, Ngunamono chikwachilo cha ndeya cheswe cha oru. Chili ni musenge helu liacho, ni ndeya shimbiali jiliho. Ndeho jize jiliho yimwe ha yimwe yili ni tumihembo shimbiali.