Jeremia 1:11 - MUKANDA USANDU WA ZAMBI 1975

¹¹ Liji lia Yehova yiliza kuli yami ngwo, Jeremia, yika unamono? Yingwamba ngwami, Ngunamono mutango wa amendoa.

Mukanda Wa Zambi 1970

¹¹ Mwene Zambi yanguhula ngwenyi: “Jeremia yika unamono?” Yingukumbulula ngwami: “Ngunamono mutango wa mukesha.”

Jeremia 1:11 Iomraidhean Croise

Ubutukilo 30:37

Mba Yakomba yanda mitondo ya wisu ya alamo ni ya aveleira ni ya kastanyeru, yayipulumwona yipeka yitoma hanga utome uze wa mitondo ukasoloke.

Izaya 55:11

chocho liji liami lize Kakutuhuka mu kanwa liami mulipwa; kulichi kuhiluka kuli yami mokomoko, alioze mulikalinga chuma chize ngunapale, mulikawaha mu milimo yize nalitumine.

Jeremia 24:3

Yehova yamba kuli yami ngwenyi, Jeremia, yika unamono? Yingwamba ngwami, Ngunamono makuyu. Makuyu apema kanapeme chikolo; makuyu api kanapiha chikolo chocho mutu kahashile kwalia.

Ezekiel 12:25

Alioze yami Yehova munguhanjika liji lize munguhanjika, mba kumuchikapwa. Kuchichi kalaluka nawa, alioze ha matangwa a yenwene, akwa munyachi wa yihulia, munguhanjika lie liji, mungulilinga nawa. Chocho kanambe Mwene Yehova.

Ezekiel 12:28

Kashika amba kuli ayo ngwe, Mwene Yehova kanambe ngwenyi, Nilimwe liji lia yami mulikalaluka nawa, alioze liji lize mungwamba, malilinga. Chocho kanambe Mwene Yehova.

Ezekiel 7:10

Talenu lie tangwa! Talenu, lineza! Kuji-ni-tomo lienu hilieza. Mbwechi hiyatemuna yitemo; kulengumuka hichasoka.

Amose 7:8

Yehova yamba kuli yami ngwenyi, Amose, yika unamono? Yingwamba ngwami, Ngunamono prumo. Mba Mwene yamba ngwenyi, Yami ngunase prumo hakachi ka atu jami A-Izalele; chichi kwapalika nawa nilimwe tangwa.

Amose 8:2

Mba yamba ngwenyi, Amose, yika unamono? Yingwamba ngwami, Mutonga wa mihuko ya lwiza. Yehova yamba kuli yami ngwenyi, Songo hiliaheta kuli atu jami A-Izalele; chichi kwapalika nawa nilimwe tangwa.

Zakaria 4:2

Yamba kuli yami ngwenyi, Yika unamono? Yingwamba ngwami, Ngunamono chikwachilo cha ndeya cheswe cha oru. Chili ni musenge helu liacho, ni ndeya shimbiali jiliho. Ndeho jize jiliho yimwe ha yimwe yili ni tumihembo shimbiali.

Zakaria 5:2

Aye yamba kuli yami ngwenyi, Yika unamono? Yingukumbulula ngwami, Ngunamono mukanda wa chivungo unahumuka; usuhe wawo makumi aali a mbandu, ni utohe wawo kumi lia mbandu.

Kwalula 17:8

Mukwachako, Mose wanjilile mu mbalaka ya Shindakenyo; kutala, mulumbu wa Arone wa ku munyachi wa Levi unasokoloka, unatemuna yitemo, unemi amendoa ja kuhia.