Hosea 9:8 - MUKANDA USANDU WA ZAMBI 1975

⁸ Profeta aye kalayi ka Eframe e atu ja Zambi yami, hindu kambwila lia mukwa kutela tujila mu majila jenyi eswe mulili, ni kole mu zuwo lia Zambi yenyi.

Mukanda Wa Zambi 1970

⁸ Zambi hanangutumu ngwe mukwa munanyi ngutoweze atu jenyi Aisraele. Alioze kweswe kuze nakuyaya, nwakweseka kungwoza mu muheto ngwe kajila. Mu chifuchi cha Zambi atu kaali akwa kole ja mukwa munanyi.

Hosea 9:8 Iomraidhean Croise

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

1 Yitanga Ya Mianangana 18:1

Kulutwe lia matangwa anji liji lia Yehova yiliza kuli Eliya mu mwaka wamuchitatu ngwenyi, Yako usoloke kuli Ahabe mba mungutuma vula hashi.

1 Yitanga Ya Mianangana 18:19

Kashika tuma haliapwila ukakungulwile kuli yami A-Izalele eswe ku mulundu wa Karmela ni aprofeta ja Mbale kulakaji awana ni makumi atano, ni aprofeta ja Ashera kulakaji awana waze akulia ku mesa ya Jezebele.

1 Yitanga Ya Mianangana 22:11

Zedekia mwana Chenana yalitungila mbinga ja utale. Yamba ngwenyi, Yehova kanambe ngwenyi, Munushinjika A-Seria ni mbinga ndo majimuka.

1 Yitanga Ya Mianangana 22:22

Yehova ngwenyi, Neka? Aye yamba ngwenyi, Munguya ngukapwe Spiritu ya mahuza mu makanwa ja aprofeta jenyi eswe. Aye ngwenyi, E, kumukamusongojola, kumukamukumba. Yako ulinge chocho.

1 Yitanga Ya Mianangana 22:28

Mikaia ngwenyi, Pundu, nyi muwiza ni sambukila achi muchilumbunuka ngwe Yehova kahanjikile kuli yami. Chikwo ngwenyi, Panjikenu minyachi yeswe.

1 Yitanga Ya Mianangana 22:6

Chocho mwanangana wa Izalele yakungulula aprofeta hamuwika, ngwe kulakaji awana a malunga, yamba kuli ayo ngwenyi, Nguye mukwasa jita ni Ramote-Ngiliate nyi ka? O ngwo, Yénu, mumu Mwene machikunjika mu kwoko lia mwanangana.

1 MIANANGANA 13:21

mba shimbu machifunda umwe lunga, yamona mbunga ya A-Moape. Kashika yambila mwe mufu mu fuka lia Elisha. Muze mufu haholoka ha yifwaha ya Elisha yahuzuluka, yamana ha molu jenyi.

1 MIANANGANA 2:14

Yakwata hina lia Eliya lize hiliaholoka kuli iye, yalamba e meya, yamba ngwenyi, Yehova Zambi ya Eliya Ulihiye? Muze te halamba meya o yahandunuka sali ni sali, mba Elisha yapalika.

1 MIANANGANA 2:21

Yatuhuka yaya ku fuji lia meya, yambililamo we mungwa nikwamba ngwenyi, Yehova kanambe ngwenyi, Hinawuka meya ano; kukuchi kupwa nawa kufwa hanji kuseka.

1 MIANANGANA 4:41

Aye yamba ngwenyi, Nehenu wunga nyi. Yaumbila mu ndeho. Aye yamba ngwenyi, Hanenu kuli e atu alie. Kumwapwile Utoji niumwe mu ndeho.

1 MIANANGANA 4:43

Alioze kavumbi kenyi yamba ngwenyi, Kuchi? Te munguhasa kusa kulia chino kumeso ja kulakaji lia malunga? Alioze yamba ngwenyi, Hanenu kuli atu, alie, mumu Yehova kanambe ngwenyi, Kumalia, kumahichika kulia.

1 MIANANGANA 5:14

Henaho yapalumuka, yalichupika kashimbiali mu Yordau nikulita ni liji lia mutu wa Zambi, mba musunya wenyi yiwalumuka ngwe musunya wa mwana mukepe, yapema.

1 MIANANGANA 5:27

Kashika mbumba ya Naamane yikalalaminye kuli yena ni kuli akwa munyachi we ndo ku miaka yeswe. Yatuhuka kumeso ja Elisha mukwa mbumba ngwe neve.

1 MIANANGANA 7:19

Mba mwe kapitau wakumbulwile kuli mutu wa Zambi ngwenyi, Chipwe Yehova masa manjanela mwilu, te chuma chino muchipwa? Aye yamba ngwenyi, Kumukachimona ni meso je, alioze kuchi kalia.

1 MIANANGANA 7:2

Henaho kapitau yoze mwanangana wajaminyine ha kwoko lienyi yakumbulula kuli mutu wa Zambi ngwenyi, Chipwe Yehova masa manjanela mwilu muchihasa kupwa chocho? Elisha ngwenyi, Kumukachimona ni meso je, alioze kuchi kalia.

Miaso (Masamu) 124:7

Mbunge jetu hijinasúka ngwe kajila masúka ku kambwila lia yipinda. Kambwila linafu mba yetu hitunasúka.

Longeshi 9:12

Mutu keshi kunyingika mwaka wenyi. Ngwe yishi aze akufwila mu wanda upi; ngwe tujila aze makwachika mu kambwila, chocho ana ja atu kakukwachika ha mwaka upi muze muawana susumuku.

Mwaso Ubema Wahiana 3:3

Tulayi anguwanyine ha kwenda mu chihunda. Ngwami, Hinwamona yoze ngunamuzange ni mbunge yami?

Izaya 62:6

Ena Yerusaleme, hinasa tulayi ha yipanga ye ya mawe, mba mwalwa weswe ni ufuku weswe kechi kahola nilimwe tangwa. Enu akwa kwiwulula Yehova, kanda nuhwima,

Jeremia 11:19

Alioze napwile ngwe mwana-panga chimbovu wa kutwala ku chishihilo. Chanyingikine ngwami, Yami anatakila yuma ngwo, Tukenyeke we mutondo ni mihuko yawo; tukamuteteko ku chifuchi cha amwono, hanga akavulame jina lienyi ndo ku miaka.

Jeremia 14:13

Yingwamba ngwami, Mwene Yehova, aprofeta kakwamba kuli ayo ngwo, Kunuchi kamona katana, chipwe kupwa ni kapunga, alioze mungunwaha sambukila ya pundu muno mu chifuchi.

Jeremia 23:13

Muli aprofeta ja Samaria namwene chuma chipi. Aprofetezele ku tachi ja Mbale ni kupiangula atu jami A-Izalele.

Jeremia 31:6

Mumu tangwa muliza muze tulayi masanyika mu chifuchi cha Eframe ku milundu ngwo, Katukenu tuye ku Zaione kuli Yehova Zambi yetu.

Jeremia 6:14

Hawuka chilonda cha atu jami hakehe wika, nikwamba ngwo, Sambukila, sambukila, muze sambukila yakuhi.

Jeremia 6:17

Nanuselele tulayi ngwami, Nupanjike ku liji lia chitavwi. Alioze o ambile ngwo, Kutuchi kupanjika.

Lungungu 2:14

Aprofeta je hakumwena usolwelo wa mahuza, wa kwonga. Kasolwele uhenge we akahilwise kuwaha che, alioze hakumwena yilayi ya mahuza ni ya kukupiangula.

Lungungu 4:13

Chino chapwile mumu ha milonga ya aprofeta jenyi, ni ha uhenge wa asasendote jenyi, waze amwangine hakachi ko manyinga ja akwa ululi.

Ezekiel 3:17

Mwana mutu, hinakupwisa kalayi kuli akwa munyachi wa Izalele. Muze muwivwa liji limwe ku kanwa liami, mukangutowezelo.

Ezekiel 33:7

Chocho ni yena mwana mutu. Hinakupwisa kalayi ha munyachi wa Izalele. Ha kwivwa liji lia mu kanwa liami muatoweza kuli yami.

Hosea 5:1

Enu asasendote, ivwenu chino! Enu munyachi wa Izalele, panjikenu! Enu munyachi wa mwanangana, halakanenu! Upatwilo unatwala kuli yenu, mumu hinwapwa kambwila ku Mizepa, hinwapwa wanda wa kuta ku Tabore.

Hosea 9:7

Matangwa a kastigu hanahete; matangwa a kufwetesa hanahete; mba Izalele makachinyingika. Profeta hanapu chihepuke; mutu wa Spiritu hanapu chizaluke, mumu ha uhenge wenu unene ni kole yenu yinene.

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Mika 7:4

Mwe mupema hakachi ko kapwa-ngwe mukalale, yoze Wahiana ululi hakachi ko kapwa ngwe chipanga cha mbimbo. Tangwa lia tulayi twe, lia kastigu ye hilieza; kutatajala cho hichaheta.

Yoano 15:24

Kachi chalingile hakachi ko yitanga yize niumwe mukwo walingile, kachi keshi mulonga: alioze haliapwila hanamono, hanavwila kole nawa ni yami ni Tata.

A-ROMA 3:7

Mumu kachi umwenemwene wa Zambi ku mahuza jami walumbamine ku uhenya wenyi, ika te achili nikungupatwila ngwe chivulumunyi?

Hebreu 13:17

Ononokenu kuli waze apwa tusongo twenu, nukazeye kuli ayo: mumu kakulawoka ha mbunge jenu, chizechene ngwe waze makalumbununa kuli Zambi, hanga akalinge chino ni uwahililo, hi ni kutwa mikuma ko, mumu chino kuchichi kanufumbula.