Hosea 9:7 - MUKANDA USANDU WA ZAMBI 1975

⁷ Matangwa a kastigu hanahete; matangwa a kufwetesa hanahete; mba Izalele makachinyingika. Profeta hanapu chihepuke; mutu wa Spiritu hanapu chizaluke, mumu ha uhenge wenu unene ni kole yenu yinene.

Mukanda Wa Zambi 1970

⁷ Tangwa lia kumwesa lamba hiliakundama, tangwa lize atu maakatambula nikulita ni yitanga yo. Muze yuma yino muyikabwa, Aisraele maakachinyingika! Mba munukamba ngwenu: “Mukwa munanyi yono kali chihepuke! Keshi ni Mwiku wa Zambi! Kanazaluka!” Nwakunguvutwokela mumu milonga yenu yili yinji.

Hosea 9:7 Iomraidhean Croise

1 MIANANGANA 9:11

Aho Jehu yatuhuka, yeza kuli tuvumbi twa mwata wenyi. Umwe yamuhula ngwenyi, Cheswe chinawaha nyi? Au chizaluke yika anakukawila? Aye yamba kuli ayo ngwenyi, Te kunwamunyingikine ni yihanjika yenyi?

Izaya 10:3

Yika munulinga ha tangwa lia kunufwetesacho, mu kangonga yoze makatuka kusuku? Kuli iya munuchinyina amukwase? Kulihi munuhichika upite wenu?

Izaya 26:11

Yehova, kwoko lie hiliazunduka, hindu kalimwene. Amone kama zango lie lia tachi hali atu je, akevwe sonyi. Kahia ka akwa kulimika ni yena kakaalalise.

Izaya 34:8

Mumu Yehova kali ni tangwa lia kukala milonga, mwaka wa kufwetesa ha chikuma cha Zaione.

Izaya 44:25

Mukwa kufuwisa yinyingi ya akwa mahuza, kakuhepwisa tahi, kakuhilwisa kunyima akwa mana, nikupwisa mana jo uhepuke;

Jeremia 10:15

Kafwikile nichimwe, chitanga chimwe cha kwonga. Ha mwaka wa kastigu kumakanonga.

Jeremia 11:23

niumwe malisalaho wakuhi. Mumu malunga ja Anatote mungwakokela chipi ha mwaka wa kastigu yo.

Jeremia 16:18

Mungwafwetesa kaali ha uhenge wo ni shili yo, mumu hanapihisa chifuchi chami ni mijimba ya mahamba jo a luchisa, no hanazalisa chihinga chami ni yizelwokeso yo.

Jeremia 23:13

Muli aprofeta ja Samaria namwene chuma chipi. Aprofetezele ku tachi ja Mbale ni kupiangula atu jami A-Izalele.

Jeremia 25:14

Mumu mavungu anji ni mianangana anene makaapwisa tupinji mba mungwafwetesa nikulita ni yitanga yo ni milimo ya moko jo.

Jeremia 29:26

Yehova hakupwisa sasendote kusalakana sasendote Jehoiada, ukapwe ni chiyulo cha zuwo lia Yehova helu lia chizaluke mweswawo yoze maprofeteza, ukamuse mu kuli ja ku moko ni ku kota.

Jeremia 46:21

Chipwe maswalale jenyi a kufweta hakachi ka iye kapwa ngwe ana a ngombe a maji; ewa, eswe hanalumuka ni kuchina hamuwika; kamanyine. Mumu tangwa lio lia kuji-ni-tomo hiliaawana, mwaka wa kastigu yo.

Jeremia 6:14

Hawuka chilonda cha atu jami hakehe wika, nikwamba ngwo, Sambukila, sambukila, muze sambukila yakuhi.

Jeremia 8:11

Hawuka chilonda cha mwana wa pwo atu jami hakehe wika, nikwamba ngwo, Sambukila, sambukila, muze sambukila yakuhi.

Lungungu 2:14

Aprofeta je hakumwena usolwelo wa mahuza, wa kwonga. Kasolwele uhenge we akahilwise kuwaha che, alioze hakumwena yilayi ya mahuza ni ya kukupiangula.

Ezekiel 13:10

Ha chikuma chino chene mumu hanongo atu jami ngwo, Sambukila, muze sambukila yakuhi; ni chikwo nawa, muze e atu matunga chipanga-cha-mawe wano aprofeta kakuchitomesa ni pemba.

Ezekiel 13:3

Mwene Yehova kanambe ngwenyi, Lamba kuli aprofeta yihepuke waze akukaula maspiritu jo ene; kamwene nichimwe!

Ezekiel 25:17

Mungukahala milonga hali ayo chikolo ni kastigu ya ufwatulo. Henaho makanyingika yami nguli Yehova muze mungukala milonga hali ayo.

Ezekiel 38:23

Chocho mungukasolola unene wami ni usandu wami, ni kulisolola yami mwene kumeso ja mavungu anji. Henaho makanyingika yami nguli Yehova.

Ezekiel 9:10

Ni yami, liso liami kulichi kaavwila vumbi, chichi kaavwila keke, alioze mungwahilwisa fweto yo ha mitwe yo.

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Hosea 5:9

Eframe muyalumuka ya hululu ha tangwa lia kastigu. Ngunatoweza chuma chize chinakolo hakachi ka minyachi ya Izalele.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Hosea 9:8

Profeta aye kalayi ka Eframe e atu ja Zambi yami, hindu kambwila lia mukwa kutela tujila mu majila jenyi eswe mulili, ni kole mu zuwo lia Zambi yenyi.

Amose 8:2

Mba yamba ngwenyi, Amose, yika unamono? Yingwamba ngwami, Mutonga wa mihuko ya lwiza. Yehova yamba kuli yami ngwenyi, Songo hiliaheta kuli atu jami A-Izalele; chichi kwapalika nawa nilimwe tangwa.

Mika 2:11

Nyi mutu mendangana nikwambulula fuji ni mahuza ngwenyi, Mungunulumbunwina yuma ya vinyu ni kunwa chisasu kachi mwenawo mapwa Chilumbununyi wa wano atu!

Mika 7:4

Mwe mupema hakachi ko kapwa-ngwe mukalale, yoze Wahiana ululi hakachi ko kapwa ngwe chipanga cha mbimbo. Tangwa lia tulayi twe, lia kastigu ye hilieza; kutatajala cho hichaheta.

Zefania 3:4

Aprofeta jenyi alelu, akwa mafwefwe; asasendote jenyi kakuchisa yuma yisandu ni kutangula shimbi.

Marku 3:21

Muze usoko wenyi achivwile, atuhukile mukumukwata: mumu ambile ngwo, Kanazaluka.

Luka 21:22

Mumu wano e matangwa a kukala milonga, hanga yuma yize yeswe yinasonewa yikamanunuke.

2 Korintu 5:13

Mumu chipwe tunazaluka, chili kuli Zambi; chipwe mutupwa ni mana, mumu hali yenu tuli ni mana.

Usolwelo 16:19

Ni limbo Hapulikile yihanda yitatu; ni membo ja mavungu apuzukile: ewulukile Babilonia kumeso ja Zambi, mukunwaha musenge wa vinyu ya ufwatulo wa utenu wenyi.