Hosea 9:15 - MUKANDA USANDU WA ZAMBI 1975

¹⁵ Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

Mukanda Wa Zambi 1970

¹⁵ Mwene Zambi kanambe ngwenyi: “Ungulungulu weswe wa Aisraele wabutukile ku limbo lia Gilgale. Kwenako yami nabutukilile kwavutwokela. Mba ha ungulungulu uze haalinga, kumungukaahuma mu chifuchi chami ngwe chize lunga akuhuma pwo mu zuwo. Hi chichi kaazanga nawa, akwa lutwe jo haalimika ni yami.

Hosea 9:15 Iomraidhean Croise

Miaso (Masamu) 78:60

Chocho wehukile tabernakulu ya Shilo; mbalaka yize asele hakachi ka atu.

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Jeremia 11:15

Mukwa zango liami kuchi mahasa kupwa mu zuwo liami muze halinga yitanga ya luchisa? Munuhasa kuchinda chize muchikanuwana ha kulinga yilakenyo ya shingo, hanji ha kulambula musunya wa yitapo? Te munuhasa kulikwiza?

Jeremia 12:8

Chihinga chami hichalumuka kuli yami ngwe ndumba mu usaki, hahanjika kulimika ni yami; kashika namuvwila kole.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 3:8

Aye yamona ngwe ha utanji weswe wa yono mukwa mafwefwe Izalele hinamuhuma ni mukanda wa kulakula. Hindu yayo wa mahuza Yunda kevwile woma alioze iye nawa yaya nikulinga ukoi.

Jeremia 5:5

Munguya kuli anene, munguhanjika no, mumu o kananyingika jila ya Yehova, shimbi ya Zambi yo. Alioze eswe hanamakuna kanga chimuwika, eswe te hanapulu mihipu.

Ezekiel 22:27

Alemu jenyi muchima lienyi kapwa ngwe tungunga kanapapulula yifwo, nikumwanga manyinga, nikwonwona mwono wa atu akalifumbule ni yuma ya wiji.

Ezekiel 23:18

Shimbu aye machilingalinga ukoi kumeso ja eswe nikulilengela ni uselesele wenyi, yami natewulukile kuli iye ni lwaji chizechene ngwe natewulukile kuli yayo.

Hosea 1:6

Yaka nawa ufumba, yasema mwana wa pwo, mba Yehova yamba kuli iye ngwenyi, Umuluke jina lienyi, Lo-Ruhama, mumu chichi kuvwila nawa keke munyachi wa Izalele ngukaakonekene.

Hosea 1:9

Yehova yamba ngwenyi, Umuluke jina lienyi, Lo-Ami, mumu yenu hi nuli atu jami ko, ni yami hi nguli Zambi yenu ko.

Hosea 12:11

Nyi uhenge muuli mu Ngiliate kumakalumuka amokomoko. Nyi malambula kuji a ngombe mu Ngilingali makapwisa yilumbilo yo ngwe milumba ya mawe ha mihanga mu minda.

Hosea 12:2

Yehova kanasumu Yunda, kumakalamba Yakomba kastigu ya kulita ni ndako jenyi. Kumakamufwetesa nikulita ni yitanga yenyi.

Hosea 3:4

Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Hosea 4:15

Chipwe yenu A-Izalele munulinga ukoi, hindu A-Yunda kanda anjila mu uhie. Kanda nunjila mu Ngilingali; kanda nukanduka ku Mbete-Avene; kanda nulishinga ngwenu, Ni mwono wa Yehova.

Hosea 4:9

Mba muchikapwa cheswacho mapwa atu ni asasendote nawa chocho mapwa. Alioze mungwaaha kastigu mumu ha ndako jo, mungwafwetesa ha yitanga yo.

Hosea 7:2

Hindu kazewile ngwe yami mungwiwuluka yitanga yo yeswe yipi. Haliapwila yilinga yo hiyaalimba; kuyili kumeso jami.

Hosea 9:17

Zambi yami maambila mumu kamupanjikile. Kumakapwa yendanganyi hakachi ka mavungu.

Hosea 9:3

Kechi kutwama mu chifuchi cha Yehova; alioze Eframe mahiluka ku Engitu, mba malia kulia cha luchisa mu Asuria.

Alevi 26:30

Mungwonwona manangamo jenu. Mungupuzula yilumbilo yenu ya insensu. Mungulumbika mijimba ya afu jenu ha mijimba ya tuponya twenu afu, mba mbunge yami muyinuvwila kole.

Amose 4:4

Tweyenu ku Mbetele nukavulumune. Tweyenu ku Ngilingali nukokese milonga. Nehenu yitapo ha chimene tangwa ha tangwa ni milambu yenu ya chihanda cha kumi ha matangwa atatu, ha matangwa atatu.

Amose 5:27

kashika mungukanutwala ku unjize sali lize lia Ndamaseku. Chocho kanambe Yehova yoze kali ni jina lia Zambi-ya-Tujita.

Amose 5:5

Alioze kanda nufupa ku Mbetele; kanda nunjila ku Ngilingali chipwe kuzauka ku Mbia-shipa. Mumu akwa Ngilingali makaya ku unjize ni akwa Mbetele makaapwisa mokomoko.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Mika 6:5

Enu atu jami, iwulukenu chize Mbalake mwanangana wa Moape watakile, ni chize Mbalau mwana Mbeore wamukumbulwile; ni chize chanuwanyine chize ku Shitime ndo ku Ngilingali hanga nukanyingike yilinga ya ulamwino wa Yehova.

Zefania 3:3

Akwa kuyula muchima lienyi kapwa ngwe ndumba a kuhiohia. Ngaji jenyi ngwe tungunga a ha chingoloshi waze kahichikile nichimwe ndo chimene.

Zakaria 11:8

Ha kakweji umuwika nonwene tufunga atatu, mumu janguhwa no; no te kananguvwila kupiha.

Yilinga 4:27

mumu chamwenemwene mu limbo lino, mukulimika ni Kavumbi ke Musandu Yesu, yoze wamuwayishile ni maji, ni Heronde ni Ponteu Pilatu, hamwe ni akwa mavungu ni atu a mu Izalele, akungulukile,

Yilinga 5:21

O muze achivwile, anjilile ha kucha mu tembele, nikulongesa. Alioze sasendote mukwa lutwe wahetele ni waze apwile hamwe nenyi, atambikile akwa kuyula ni makulwana eswe a ana a Izalele alikungulule, atumine ku zuwo lia ususu, akaanehe.

Yoshua 10:43

Mba Yoshua yahiluka, yeza ku chilombo cha Ngilingali, ni A-Izalele eswe hamwe nenyi.

1 Samuel 7:16

Yajinga mwaka ha mwaka ku Mbetele, ni ku Ngilingali, ni ku Mizepa nikuyulila A-Izalele mu membo ano eswe.