Hosea 9:12 - MUKANDA USANDU WA ZAMBI 1975

¹² Chipwe malela ana hindu mungwashiha, kechi kasala niumwe. Lamba lio! Muze mungwakatuka.

Mukanda Wa Zambi 1970

¹² Chibwe maakusema ana, mungukaachiza, chibwe umuwika kechi kasala. Muze hinehuka vungu lino, anyingike ngwo, lamba linji mulikawana.”

Hosea 9:12 Iomraidhean Croise

1 MIANANGANA 17:18

Kashika Yehova watenukine chikolo ni A-Izalele yaachiza kumeso jenyi. Kahichikile niamwe shina munyachi wa Yunda wika.

1 MIANANGANA 17:23

ndo Yehova wachijile Izalele kumeso jenyi, ngwe wambile kuli tuvumbi twenyi aprofeta eswe. Chocho yachiza A-Izalele ku chifuchi cho, yaatwala ku Asuria, ndo musono.

Jobe 27:14

Nyi ana jenyi moka mapwa a kufwa ni katana. Waze masema kechi kuyuka ni kulia.

Jeremia 15:7

Hinaafuza ni chikungo cha kufuza nacho mwe mu yikolo ya chifuchi. Hinaashiha atu jo, hinonwona atu jami, kakatukile ku ndako jo.

Jeremia 6:8

Ivwa kutoweza chino, ena Yerusaleme kuchina mungukuchiza mbunge; kuchina mungukupwisa chihunda cha hululu, chifuchi kuchishi atu.

Lungungu 2:20

Yehova, tala ukamone! Neya walinga chuma chino? Te chinalite mapwo kulia ana jo ana aze haafunga ni vumbi lipwa haha? Hanji chinalite sasendote ni profeta akaashihe muma musandu wa Mwene?

Lungungu 2:22

Walakenyene mwongo wami wa jita sali ni sali ngwe ku tangwa lia chiwanyino cha kufunjika, mba ha tangwa lia utenu wa Yehova niumwe wombokele, niumwe walisalile. Te waze nakangayikine, waze nalelele mukwa kole yami waonwene.

Hosea 7:13

Lamba lio mumu hanahambuluka kuli yami! Akaonwone, mumu hanangukatukila! Ami ngunafupu kwakula, alioze kakuhanjika mahuza a kulimika ni yami.

Hosea 9:13

Ngwe namwene, Ana ja Eframe haasela kwapunda; alioze Eframe makatuhwisa ana jenyi kuli mukwa kushiha.

Hosea 9:16

Eframe hamulamba; muji wo hi woma; kechi kema nawa mihuko. Chipwe masema, hindu mungushiha ana jo a zango.

Malaki 2:12

Kashika hali mutu yoze malinga chuma chino Yehova akasutule hakachi ka mbalaka ja Yakomba mukwa kushindakenya ni mukwa kukumbulula, hanji yoze maneha mulambu kuli Yehova-wa-Tujita.

Kwalula 14:34

Nikulita ni kwalula cha matangwa nwasembwile chifuchi, te makumi awana, ha tangwa mwaka, ha tangwa mwaka, munukambata uhenge wenu, makumi awana a miaka. Munukanyingika kulimuna chami.

Kwalula 26:65

Mumu te Yehova hanambe ha kutwala kuli ayo ngwenyi, Chamwenemwene o kumakafwila mu puya. Kukwasalile mutu niumwe wa kuli ayo, shina Kalemba, mwana wa Yefune, ni Yoshua, mwana wa Nune wika.

Shimbi 28:18

Ana a ku mijimba yenu makashingiwa, ni mbuto ya mavu jenu, ni kwoka cha yimuna jenu, ni ana ja mapanga jenu.

Shimbi 28:32

Kumakahana ana jenu a malunga ni ana jenu a mapwo kuli atu eka, meso jenu matala, makapwa ni usona wo tangwa lieswe, moko jenu makahona tachi.

Shimbi 31:17

Mba utenu wami muukaakasumukina ha tangwa lize, mungukaehuka, mungukaaswekela meso jami, makaamanuna. Yipi yinji ni lamba linji mulikaawana, chocho o mahamba ha tangwa lize ngwo, Kuma, yipi yino yeswe yinatuwana mumu te Zambi yetu keshi hakachi ketu nyi?

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.

Akwa Kuyula 4:16

Mbarake yahangila tujita ni matemba jo ndo ku Harosete-Hagoimi. Tujita eswe a Sisera afwile ni tutana. Kukwasalile chipwe umuwika.

1 Samuel 16:14

Spiritu ya Yehova te hakatuka kuli Saulu; Spiritu umwe mupi wa kuli Yehova yamupinjisa.