Hosea 9:10 - MUKANDA USANDU WA ZAMBI 1975

¹⁰ Nawanyine Izalele ngwe uva ja mu puya. Namwene tulamba twenu ngwe mihuko yitangu ya mikuyu ha mwaka wayo litangu. Alioze ejile ku Mbale-Peore ni kulitumbikila kuli Mbale, ni kwalumuka a kuvwisa lwaji chizechene ngwe che chuma chize azangile.

Mukanda Wa Zambi 1970

¹⁰ Mwene Zambi kanambe ngwenyi: “Hatangu muze namwene Aisraele, kaabwile ngwe yichakata ya vinyu mu puya. Muze namwene tushakulu twenu chisuho chitangu, chabwile ngwe ngunamono mihuko yitangu ya mikuyu. Alioze, muze haaheta ku mulundu wa Peore, yaabutuka kwo kukombelela hamba Bale, yaalumuka akwa luchisa ngwe mahamba waze te akuzanga.

Hosea 9:10 Iomraidhean Croise

1 Yitanga Ya Mianangana 16:31

Chapwile ngwe chuma chilelu kwenda mu milonga ya Jeroboame mwana Nebate, yawezaho, yambata Jezebele mwana Etabale mwanangana wa A-Sendone mba wayile kulingila Mbale nikumuwayila.

1 MIANANGANA 17:11

Henaho ochelele insensu ha manangamo eswe ngwe mavungu alingile aze Yehova wachijile kumeso jo. Alingile yuma ya ungulungulu akehie Yehova atenuke.

Miaso (Masamu) 115:8

Waze akwalinga malifwa no, ni mweswawo maafuliela.

Miaso (Masamu) 81:12

Kashika naakunjikile ku pami ja mbunge jo, hanga akende nikulita ni yiyulo yo ene.

Mwaso Ubema Wahiana 3:6

Iya auze unakatuka ku puya ngwe nguji lia mwishi, wa kukwichila ni mira ni libano, ni yitumbo yeswe ya lupembo mupema ya akwa kutalika?

Izaya 28:4

ni chitemo chumu cha upeme wo wa uhenya, chize chili ha mutwe wa chikulo cha chinuno muchipwa ngwe kuyu lize lia kuhia shimbu mwaka kanda uchiheta; muze mutu malimona malilia ha kulikwata mu kwoko.

Jeremia 11:13

Mumu yenu A-Yunda, mazambi jenu hoka ngwe yihunda yenu, ni yilumbilo yize hinwamika ya kunukolesa sonyi, yilumbilo ya kwochelaho insensu kuli Mbale, yoka ngwe matapalo a mu Yerusaleme.

Jeremia 24:2

Mutonga umwe uli ni makuyu apema chikolo, ngwe waze mahanga kuhia, alioze mutonga ukwo uli ni makuyu api chikolo. Hapiha chocho mutu kechi kuhasa kwalia.

Jeremia 3:24

Chize ku ukweze wetu che chuma cha sonyi hichalia yuma yize yeswe tulamba twetu ahondanganyinyine ni mapanga jo, ni ngombe jo, ni ana jo a malunga ni a mapwo.

Jeremia 3:25

Tupombenu mu sonyi jetu, ulelu wetu utufuke mumu hitwavulumuna Yehova Zambi yetu, ni yetu ni tulamba twetu chize ku ukweze wetu ndo musono. Kutwononokene ku liji lia Yehova Zambi yetu.

Jeremia 31:2

Yehova kanambe ngwenyi, Atu aze kafwile ni katana awanyine vumbi mu puya. Muze A-Izalele afupile uhwimino,

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Ezekiel 20:8

Alioze yangukatukila, kasolo kungupanjika. Niumwe mutu kambilile yuma yize ya lwaji kayipalikilile meso jenyi, chipwe kwehuka mahamba ja Engitu. Yingu nyonga ngwami, Munguzukula ufwatulo wami hali ayo ni kuhwisa utenu wami hali ayo hakachi ka chifuchi cha Engitu.

Hosea 11:1

Muze Izalele wapwile mwana namuzangile. Ku Engitu nasanyikine mwanami wa lunga.

Hosea 13:5

Yami nanunyingikine mu puya, mu chifuchi cha pwila.

Hosea 2:15

Kwenako mungukamwaha minda ya uva, ni kupwisa chikulo cha Akore chikolo cha kutalatala. Kwenako makatá ngwe ha matangwa ja wana-mapwo wenyi, ngwe ha miaka muze machikatuka ku Engitu.

Hosea 4:14

Chichi kuhana kastigu kuli anenu a mapwo muze malinga ukoi, chipwe ndungi jenu muze malinga utanji; mumu malunga ene kakuhambuluka ni yikoi nikushiha yitapo ni yikoi a ku matembele. Atu keshi mana kumakaonwona.

Hosea 4:18

Kunwa cho chipi; kakulikunjika ku ukoi; kakuzanga sonyi hi uhenya ko.

Amose 4:5

Lambulenu milambu ya kusakwila ya yuma ya futunwiso; tambikenu milambu ya mbunge, nukayambulule, mumu chocho nwakuzanga kulinga, enu A-Izalele. Chocho kanambe Mwene Yehova.

Mika 7:1

Lamba liami mumu hinapwa ngwe muze mihuko ya lwiza hayihela; muze uva hayihela, kukushi chichakata cha kulia, chipwe kuyu litangu kuhia, lize mbunge yami yakuzanga.

Kwalula 15:39

Jikapwe sapo kuli yenu hanga ha kutalaho nukewuluke maliji eswe a shimbi ja Yehova, nukaalinge, kuchina munukaula mbunge ja yenwene ni meso ja yenwene, yenayo nwakukaula ni kulinga ukoi.

Kwalula 18:13

Mihuko yitangu ya mu chifuchi cho cheswe mayineha kuli Yehova, yikapwe ya mbala ya yena. Akwa jiko lie eswe anapeme akayilie.

A-ROMA 6:21

Mba mihuko yika nwapwile nayo ha mwaka uze ku yuma yize haliapwila nunayivwila sonyi? Mumu songo lia yuma yize kufwa.

Shimbi 32:10

Wamuwanyine mu chifuchi cha puya, mwe mu makanga ahululu mwakupozonoka ngongo. Yamujingulula, yamulela, yamufunga ngwe katumba ka liso lienyi.

Shimbi 32:17

Alambwile milambu ku ndemoniu—hi tuzambi ko; te ku tuzambi katunyingikine nilimwe tangwa, te ku tuzambi hitwasoloka helu, atatenu katuvwilile woma nilimwe tangwa.

Shimbi 4:3

Meso jenu hanamono chize Yehova alingile mumu hali Mbale-Peore mumu malunga eswe akawile Mbale-Peore, Yehova Zambi yenu hanaakuwisa hakachi kenu.

Akwa Kuyula 6:32

Kashika tangwa lize amulukile jina Njerubale, Unalumbunuka, Mbale akalihakwile nenyi; mumu hapuzula chilumbilo chenyi.