Hosea 8:14 - MUKANDA USANDU WA ZAMBI 1975

¹⁴ Izalele hanavulama Tangi yenyi, hatunga palasiu. Yunda hanokesa yihunda ya kukolesa, alioze mungutuma kahia ha yihunda yenyi, mukalalisa mbonge jenyi.

Mukanda Wa Zambi 1970

¹⁴ “Aisraele haatunga mazuwo anene abema, Ayuda no haatunga membo akukoleka. Alioze haavulama kwo Tangi yo. Mungukocha mazuwo jo ni membo jo.”

Hosea 8:14 Iomraidhean Croise

1 Yitanga Ya Mianangana 12:31

Yatunga mazuwo ha manangamo, yapwisa asasendote atu eswo chipwe kapwile ana a Levi.

1 Yitanga Ya Mianangana 16:31

Chapwile ngwe chuma chilelu kwenda mu milonga ya Jeroboame mwana Nebate, yawezaho, yambata Jezebele mwana Etabale mwanangana wa A-Sendone mba wayile kulingila Mbale nikumuwayila.

1 MIANANGANA 18:13

Ha mwaka kumi ni wamuchiwana wa mwanangana Hezekia, Senakeribe mwanangana wa Asuria yeza kulimika ni yihunda yeswe ya yipanga mu Yunda; yayitambula.

2 Sango Ja Mianangana 26:10

Yatunga tuposhi mu puya nawa, ni kufula tuyitende tunji twa meya mumu wapwile ni yimuna anji, mu yana ni mu yikulo. Wapwile nawa ni njimi ni akwa kululika miuva mu milundu ni mu minda ya mbuto, mumu wazangile chikolo kulima.

2 Sango Ja Mianangana 27:4

Chikwo nawa yatunga yihunda mu chifuchi cha Yunda ku milundu, ni mu usaki yatunga mbonge ni tuposhi.

Miaso (Masamu) 106:21

Avulamine Zambi Chilamwina cho yoze walingile yuma yinene mu Engitu,

Miaso (Masamu) 95:6

Tatuyenu tukawayile nikulihetamisa. Tukafukame kumeso ja Yehova Tangi yetu.

Izaya 17:10

Mumu hinwavulama mwe Zambi ya ulamwino wenu, kunwewulukile Luliwe lwa uchinyino wenu. Kashika chipwe munutumba mitondo yipema, ni kutumba yitondo ya zambi umwe wa tundaka,

Izaya 29:23

Mumu ha kumona ana jenyi, yitanga ya moko jami hamwe nenyi, kumakasela ku usandu jina liami; kumakasela ku usandu mwe Musandu wa Yakomba nikuvwila woma wunji mwe Zambi ya Izalele.

Izaya 42:13

Yehova kanatuhuka ngwe mutu wa ndundo, ngwe kajita kanavundula ufwatulo wenyi. Kanakololoka, kanakalumioka, kanalisolola mukwa ndundo wa kulimika ni akwa kole jenyi.

Izaya 42:25

Kashika wazukwile hali iye kusasaminya cha utenu wenyi, hamwe ni ndundo jenyi ja jita. Wamuchochekele kahia kwa kujingilika, alioze kuchamulumbunukine. Wamwochele alioze kachisele mbunge.

Izaya 43:21

atu aze nawumbile hali yami mwene hanga akambulule uhaliso wami.

Izaya 9:10

E, tijolo hijapuzuka, alioze mututunga ni mawe a kululika; hateta misuwa, alioze mutusalakanyisa ya sedru.

Izaya 9:9

Mba atu eswe kumakanyingika, Eframe ni waze atwama mu Samaria, waze akwamba ni kulengumuka ni kulizata cha mbunge ngwo,

Jeremia 17:27

Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Jeremia 2:32

Te mwana-pwo mavulama yuma yenyi ya uhenya? Hanji ndungi mavulama mazalo jenyi? Hindu atu jami hananguvulama kwalula matangwa anji kuhiana.

Jeremia 23:27

O kakuzanga kuvulamisa atu jami jina liami ni yilota yize akuliawila, chizechene ngwe tulamba two avulamine jina liami mumu hali Mbale.

Jeremia 3:21

Liji limwe kanalivu ha milundu kuyishi mitondo, ana ja Izalele a malunga kulila ni kulembelela mumu hanahengesa majila jo, ni kuvulama Yehova Zambi yo.

Jeremia 5:17

Kumakalia yize hinwacha ni kulia chenu; kumakalia ana jenu a malunga ni a mapwo. Kumakalia mapanga jenu ni ngombe jenu; kumakalia mitondo yenu ya uva ni ya makuyu. Kumakaonwona ni katana yihunda yenu ya kukolesa yize nunafuliela.

Ezekiel 23:35

Kashika Mwene Yehova kanambe ngwenyi, Se hiwanguvulama ni kungumbila kunyima ye, kashika panjika ku yuma yino muyikuwana ha mukunda wa usolo we ni ukoi we.

Hosea 13:6

Alioze muze halia hakuta, Mayuka, mba mbunge jo jalifujile; kashika anguvulamine.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Amose 1:10

Chocho mungutuma kahia ha chipanga cha Teru, mba mukalalisa mbonge jako.

Amose 1:12

Chocho mungutuma kahia ku Temane, mba mukalalisa mbonge ja Mbozera.

Amose 1:14

Chocho mungukawika kahia mu chipanga cha Raba, mukalalisa mbonge jenyi, ni kulikumbukila ha tangwa lia jita, ni kangonga ha tangwa lia chijimbi.

Amose 1:4

Kashika mungutuma kahia ku zuwo lia Hazaele mba mukalalisa mbonge ja Mbene-Hadade.

Amose 2:5

Chocho mungutuma kahia hali Yunda mukalalisa mbonge ja Yerusaleme.

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Shimbi 32:18

Kunwasele mbunge Liwe yoze wanusemene. Nwavulamine Zambi chisemi chenu.