Hosea 8:10 - MUKANDA USANDU WA ZAMBI 1975

¹⁰ Chipwe mafweta akwa kwakwasa hakachi ka mavungu fuji mungwakonga. Mba makalitwamina ha shimbu limwe ku chiteli cha mianangana ni alemu.

Mukanda Wa Zambi 1970

¹⁰ Alioze mungwakungulula hamuwika ni kwamwesa lamba. Kumaakamona lamba muze mwanangana wa Asuria makaahungumiona.

Hosea 8:10 Iomraidhean Croise

1 MIANANGANA 14:26

Mumu Yehova wamwene luyinda wa Izalele musasu chikolo. Kukwasalile niumwe chipwe wa kukasa chipwe wa kutusula; chipwe chikwashi wakuhi hali Izalele.

1 MIANANGANA 17:3

Shalamanezere mwanangana wa Asuria yeza kulimika nenyi, mba Hoshia yalumuka kavumbi kenyi nikumulambula.

1 MIANANGANA 17:4

Mba mwanangana wa Asuria yawana utwahe muli Hoshia mumu te hatuma tunganda kuli So mwanangana wa Engitu. Chikwo nawa katumine milambu kuli mwanangana wa Asuria ngwe halinga mwaka ha mwaka. Kashika mwanangana wa Asuria wamuyikilile ni kumukashila mu zuwo lia ususu.

1 Sango Ja Mianangana 5:26

Chocho Zambi ya Izalele yavundula mbunge ya Pule mwanangana wa Asuria ni mbunge ya Tigelate-Pilesere mwanangana wa Asuria. Watwalile A-Rupene, ni A-Ngate, ni chihanda cha ha muchima cha munyachi wa Manase nikwatwala ku Hala, ni Habore, ni Hara, ni ku lwiji Ngozane ndo musono.

Izaya 10:8

Mumu kanambe ngwenyi, Tupitau twami hi mianangana ko?

Izaya 30:2

Kakukatuka akaye ku Engitu kuswamina ku tachi ja Falau, ni kuchinyina ku Chizulie cha Engitu, alioze kanguhulile yami ngukaasongwele.

Izaya 36:13

Mba Rabeshaka yamana nikukololoka ni liji linene mu limi lia A-Yunda ngwenyi, Ivwenu liji lia mwanangana munene, mwanangana wa Asuria!

Jeremia 42:2

yamba kuli profeta Jeremia ngwo, Kuliumba chetu chikahete kumeso jenu nukatulembele kuli Yehova Zambi yenu, hali yetu eswe twasala, mumu twasala akehe wika hakachi ka anji ngwe meso jenu anatumono.

Ezekiel 16:33

Malunga kakuhana mbongo kuli yikoi eswe; ahoze yena wahanyine yawana kuli akwa zango lie eswe, ni kwafweta hanga akakatuke sali ni sali nikwiza kuli yena ha ukoi we.

Ezekiel 16:37

kashika mungukakungulula akwa zango lie eswe waze wahehele no; waze eswe waazangile ni waze waavwilile kupiha; mungukaachiza sali ni sali nikwakungulula kulimika ni yena. Mba mungukafukula uselesele we kuli ayo hanga akamone uselesele we weswe.

Ezekiel 22:20

Ngwe malunga kakukunga prata, ni unengu, ni utale, ni shumbu, ni estanyu, mu lutengo, ni kuhehelamo kahia yikasangunuke, chocho ni yami mungunukungulula mu utenu wami ni ufwatulo wami, mba mungununjisa nikunusangununa.

Ezekiel 23:5

Ohola yalinga ukoi shimbu achili niwami ni kufwila akwa zango lienyi A-Asuria,

Ezekiel 26:7

Mumu Mwene Yehova kanambe ngwenyi, Mungukachiza ku Norte Nabukanezore mwanangana wa Babilonia eze alimike ni Teru. Aye, mwanangana wa mianangana, meza ni tuvwalu ni matemba-a-jita, ni akwa tuvwalu, ni chihuji cha tujita.

Daniel 2:37

Enu mwanangana, mwe mwanangana wa mianangana, kuli yenu Zambi ya mwilu hananwehe wanangana, ni ndundo, ni ngolo, ni uhenya;

Hosea 10:10

Mungukeza kulimika ni wano akwa kupiya nikwalamba kastigu; mba mavungu makakunguluka kulimika no muze makaalamba kastigu ha milonga yo yiali.

Hosea 12:2

Yehova kanasumu Yunda, kumakalamba Yakomba kastigu ya kulita ni ndako jenyi. Kumakamufwetesa nikulita ni yitanga yenyi.

Hagai 2:6

Mumu Yehova-wa-Tujita kanambe ngwenyi, Chisuho chikwo nawa, kulutwe lia shimbu likepe, mungunyika malilu ni hashi; ni kalunga-lwiji ni mavu omu.