Hosea 8:1 - MUKANDA USANDU WA ZAMBI 1975

¹ Senu chitavwi ku mivumbo yenu, mumu pupa kanahulumuka ha zuwo lia Yehova. Mumu hanatangula usendo wami hanavulumuna shimbi jami.

Mukanda Wa Zambi 1970

¹ Mwene Zambi ngwenyi: “Humunenu chitavwi! Akwa kole kaanahulumuka ha chifuchi chami ngwe tela! Atu jami haashiha Usendo uze nakolesele no, haanakolema Shimbi jami.

Hosea 8:1 Iomraidhean Croise

1 MIANANGANA 18:27

Alioze Rabeshaka yamba kuli ayo ngwenyi, Te mwata wami hangutuma kuhanjika maliji ano kuli yenu ni mwata wenu? Te kangutumine kuli malunga wano atwama ha chipanga-cha-mawe, se o nawa hamuwika ni yenu hanafunjikacho kulia tuji jo ni kunwa masuso jo nyi?

Izaya 18:3

Yenu eswe akwa hashi, enu nwatunga muno-muze, muze mamika mbandeira ha milundu, talenu! Muze mahumuna chitavwi, panjikenu!

Izaya 24:5

Hashi hapwa ha luchisa kushi lia yiliato ya waze atwamaho, mumu hanatangula shimbi, hanavulumuna yiyulo, hanashihi usendo wa miaka yeswe.

Izaya 58:1

Kololoka! Kanda utepululako! Zundula liji lie ngwe chitavwi; ambulula kuli atu jami Utanguko wo, ambulula kuli akwa munyachi wa Yakomba milonga yo.

Jeremia 31:32

Yehova kanambe ngwenyi, Chichi kulinga usendo ngwe uze nalingile ni tulamba two muze naakwachile ku kwoko ngukaachize ku chifuchi cha Engitu. Usendo wami autangwile chipwe napwile mukwolunga.

Jeremia 34:18

Waze atangwile usendo wami; kazangile kufunga shimbi ja usendo uze akolesele kumeso jami, apatwile mwana-ngombe nikupalika hakachi ka yihanda yenyi,

Jeremia 4:13

Talenu, kaneza ngwe malelwa, ni matemba jenyi ngwe chijimbi, tuvwalu twenyi kali ni tambu kuhiana pupa— lamba lietu, hitwanonga!

Jeremia 4:5

Ambenu mu Yunda; tambikenu mu Yerusaleme ngwenu, Humunenu chitavwi ndusu mu chifuchi, tambikenu ngwenu, Kungulukenu tukaye tukanjile mu yihunda ya kukolesa.

Jeremia 48:40

Mumu Yehova kanambe ngwenyi, Umwe mahumuka fuji ngwe pupa ni kutanda mapulwa jenyi kulimika ni Moape.

Jeremia 49:22

Talenu umwe makatuka, mahumuka fuji ngwe pupa, nikutanda mapulwa jenyi kulimika ni Mbozera, mba mbunge ja tujita a ku Endome ha tangwa lize mapwa ngwe mbunge ya pwo ha kufumbajala.

Jeremia 51:27

Mikenu mbandeira hashi, humunenu chitavwi hakachi ka mavungu, lulikenu mavungu akase nenyi jita. Sanyikenu mawanangana akalimike nenyi. Ararate, ni Mini, ni Akanase; tongolenu kasongo ka maswalale alimike nenyi; nehenu tuvwalu ngwe makumbi a tachi.

Jeremia 6:1

Enu atu ja Mbenjamine Chinenu mu Yerusaleme, nukawane ulamwino! Humunenu chitavwi mu Tekoa, senu chilayi ha Mbete-hakereme. Mumu chipi chinamoneka ku Norte, ni kwonwona chinene.

Ezekiel 11:4

Kashika profeteza kulimika no. Profeteza, yena mwana mutu.

Ezekiel 16:59

Ewa, Mwene Yehova kanambe ngwenyi, Mungukalinga ni yena nikulita ni chize yena hiwalinga. Yena hiwalelesa shingo ha kutangula usendo,

Ezekiel 17:3

ngwe, Mwene Yehova kanambe ngwenyi, Pupa umwe munene wa mapulwa anene ni tonga jisuku, kali ni mangona anji a ulombo weka ni weka, yeza ku Lebano, yandako mutango wa ku songo lia musedru.

Ezekiel 7:14

Hasunga chitavwi, halulika yuma yeswe, alioze niumwe kayile ku jita mumu ufwatulo wami washata mbunga yo yeswe.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Hosea 5:8

Humuna njalamina mu Ngibia; humuna chitavwi mu Rama. Sunga utoweze atu ku Mbete-Avene; ena Mbenjamine, chikima!

Hosea 6:7

O hanatangula usendo chizechene ngwe Alama; hanalingi ni mafwefwe kuli yami.

Hosea 9:15

Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

Joele 2:1

Humunenu chitavwi mu Zaione. Tambikenu mutambi mu mulundu wami usandu. Akwa chifuchi eswe achikime, mumu tangwa lia Yehova kulineza, hihapwa hakamwihi.

Joele 2:15

Humunenu chitavwi mu Zaione. Liselenu tangwa lisandu lia kulitwamina kulia. Tambikenu chikungulwila chilemu.

Amose 3:6

Atu kechi kwivwa woma nyi hasunga chitavwi mu chihunda? Chuma chikalu muchiwana chihunda nyi Yehova kachitumine?

Amose 8:3

Mwene Yehova kanambe ngwenyi, Miaso ya mu tembele muyalumuka kulila mbimbi ha tangwa lize; mijimba ya afu muyikapwa yinji makayimbila kweswe nikuhola.

Amose 9:1

Namwene Mwene kanamana hakamwihi ni chilumbilo. Yamba ngwenyi, Lamba manguji ha masongo ndo yikuli muyichikima ukayifwenye ha mitwe ya atu eswe. Waze malisalaho mungukaashihisa ni katana. Kechi kahasa kuchina niumwe; kechi kahasa kwomboka niumwe.

Habakuke 1:8

Tuvwalu two kanatambuka kuhiana yangwi; kanatenuka kuhiana tungunga a ha chingoloshi; akwa tuvwalu kanahange ni kulengumuka. Ewa akwa tuvwalu kusuku anakatuka; kanahumuka ngwe pupa kakutambuka kwenyeka.

Zefania 1:16

tangwa lia liji lia chitavwi ni kukalumioka cha jita kulimika ni yihunda ya kukolesa; cha kulimika ni yipanga-ya-mawe yisuku.

Zakaria 11:1

Ena Lebano, azulula mapito je hanga kahia kakalalise misedru ye!

Zakaria 9:14

Mba Yehova masoloka helu lio, mivu yenyi muyipwa ngwe njaji. Mwene Yehova mahumuna chitavwi, matuhukila ni yijimbi ya ku Sule.

Mateu 24:28

Kweswako mujimba wa mufu uli, kuze kwene makakunguluka pupa.

1 Korintu 15:52

Susumuku, ha kukamuna cha liso, ha chitavwi cha kusula: mumu chitavwi muchikahanjika, mba makahindwisa e afu ni kupola chakuhi, ni yetu makatwalumuna.

Shimbi 28:49

Yehova makahetesa vungu limwe Unakatuka kusuku kulimika ni yenu, ku songo lia hashi, ngwe pupa wakuhumuka, vungu Umwe limi lialio enu kunuchi kulivwa,