Hosea 7:8 - MUKANDA USANDU WA ZAMBI 1975

⁸ Eframe hanalifutula ni mavungu; Eframe kapwa ngwe mbolo yize kayalumwine ha jiko.

Mukanda Wa Zambi 1970

⁸ Mwene Zambi ngwenyi: “Aisraele kaali ngwe mwaha wa mbolo ha jiko uze kaalumwine, mumu haalinunga kulu ni mavungu waze anaajingilika.

Hosea 7:8 Iomraidhean Croise

1 Yitanga Ya Mianangana 18:21

Eliya yakundama kuli atu eswe ngwenyi, Ndo mwaka uka munukakashana hakachi ka mbunge jiali? Nyi Yehova iye Zambi mukaulenu. Alioze nyi Mbale mukaulenu. Atu kamukumbulwile chipwe liji limuwika.

Ezra 9:1

Muze halinga yino yuma, alemu ejile kuli yami ngwo, A-Izalele, ni asasendote ni A-Levi kalihandunwine ni akwa yifuchi; kanalingi nikulita ni yizelwokeso yo, chipwe ya A-Kanana, ni A-Hete, ni A-Perize, ni A-Yepushe, ni A-Amone, ni A-Moape, ni A-Engitu, ni A-Amore.

Ezra 9:12

Kashika kanda nuhana anenu a mapwo kuli ana jo a malunga, kanda nutambula ana jo a mapwo hali anenu a malunga. Kanda nufupa sambukila yo chipwe kuwaha cho nilimwe tangwa, hanga nukatakame, nukalie yipema ya chifuchi nukachihichike chihinga kuli ana jenu ndo ku miaka.

Miaso (Masamu) 106:35

Alioze alichingile ni mavungu nikulilongesa yitanga yo.

Hosea 5:13

Muze Eframe hamona musongo wenyi; muze Yunda hamona mbandu yenyi, mba Eframe wayile ku Asuria; yatuma kuli mwanangana wa kulitachika. Alioze aye kahashile kukuwuka chipwe kuwuka mbandu ye.

Hosea 5:7

Halinga ni mafwefwe kuli Yehova, mumu hasema ana ja yilambala. Haliapwila makahwa ni kakweji mwaha hamwe ni minda yo.

Hosea 7:9

Yilambala kanali tachi jenyi; kachinyingikine. Kambu jitoma haputuka kupwa najo; kachinyingikine.

Hosea 9:3

Kechi kutwama mu chifuchi cha Yehova; alioze Eframe mahiluka ku Engitu, mba malia kulia cha luchisa mu Asuria.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Malaki 2:11

Yunda halinga ni mafwefwe; halinga chuma cha kuvwisa lwaji mu Izalele ni mu Yerusaleme. Mumu Yunda hajilula tembele ya Yehova yize iye kanazange; hambata mwana wa zambi umwe wa tundaka.

Mateu 6:24

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.