Hosea 7:5 - MUKANDA USANDU WA ZAMBI 1975

⁵ Ha tangwa lia mwanangana wetu alemu ayijile ni chivukuminya cha vinyu. Wazozele kwoko lienyi hamwe ni akwa kulenya.

Mukanda Wa Zambi 1970

⁵ Ha tangwa lia chiwanyino cha mwanangana, atu kaakuzengewesa mwanangana ni akwa lutwe jenyi ni vinyu aapwise yihepuke.

Hosea 7:5 Iomraidhean Croise

Ubutukilo 40:20

Chapwile ha tangwa liamuchitatu, lienalio lia kwiwuluka kusemuka cha Falau, iye walingile chiteleka kuli ngamba jenyi eswe. Yahetula mutwe wa kapatashi ka akwa misenge ni wa kapatashi ka akwa kulinga mbolo hakachi ka ngamba jenyi.

1 Yitanga Ya Mianangana 13:4

Ha kwivwa liji lia mwe mutu wa Zambi lize ambile lia kulimika ni chilumbilo mu Mbetele mwanangana Jeroboame yazoza kwoko lienyi ku chilumbilo ngwenyi, Mukwatenu! Alioze kwoko lienyi lize azozele yilisosewa, kahashile kulihilwisa nawa.

Miaso (Masamu) 1:1

Kawaha mutu yoze keshi kwenda mu chiyulo cha yingulungulu, keshi kumana mu jila ya yivulumunyi, keshi kutwama mu chitwamo cha akwa kulenya.

Miaso (Masamu) 69:12

Waze atwama mu chikolo cha limbo kakunguhanjikila. Hinapwa mwaso wa akwa kuzengewa.

Yishima 13:20

Nyi muwenda ni akwa mana ni yena nawa muopwa ni mana; alioze mweswe malikata ni yihepuke kumakevwa kusasaminya.

Yishima 20:1

Vinyu yinapu yikwa kulenya, kunwa chisasu chinapu chikwa kuzwelesa; mweswawo mapiasukilamo keshi mana.

Izaya 28:1

Lamba ku chipangula cha kulengumuka cha A-Eframe akwa kuzengewa, ni ku chitemo chumu cha upeme wo wa uhenya, chize chili ha mutwe wa chikulo cha chinuno cha waze hazeya ku vinyu!

Izaya 28:14

Kashika, yenu akwa kulenya, nwayula vungu lino mu Yerusaleme, panjikenu liji lia Yehova!

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Hosea 7:3

Kakuwahisa mwanangana ni ungulungulu wo, kakuwahisa alemu ni mafwefwe jo.

Mateu 14:6

Alioze muze tangwa lia kusemuka cha Heronde liahetele, mwana Herondeya wa pwo, wahanganyine mukachi ko, neye wapemenene kuli Heronde.

Marku 6:21

Mba muze tangwa lipema liahetele, Heronde ha tangwa lia kusemuka chenyi walulikile chiteleka hali yilolo jenyi, ni hali mahando, ni akwa lutwe a mu Ngalileya.

Efesu 5:18

Kanda nuzengewa ni vinyu, mu yenayo muchili chimbangwinya, alioze zalenu ni Spiritu.