Hosea 7:3 - MUKANDA USANDU WA ZAMBI 1975

³ Kakuwahisa mwanangana ni ungulungulu wo, kakuwahisa alemu ni mafwefwe jo.

Mukanda Wa Zambi 1970

³ Mwene Zambi kanambe ngwenyi: “Atu kaakwonga mwanangana ni akwa lutwe jenyi mu punga jo.

Hosea 7:3 Iomraidhean Croise

1 Yitanga Ya Mianangana 22:13

Kanganda yoze wayile kusaka Mikaia yamba kuli iye ngwenyi, Tala maliji ja aprofeta eswe apwa apema kuli mwanangana—shimbi jimuwika. Kashika liji lie lipwe ngwe liji lio; hanjika kama chipema.

1 Yitanga Ya Mianangana 22:6

Chocho mwanangana wa Izalele yakungulula aprofeta hamuwika, ngwe kulakaji awana a malunga, yamba kuli ayo ngwenyi, Nguye mukwasa jita ni Ramote-Ngiliate nyi ka? O ngwo, Yénu, mumu Mwene machikunjika mu kwoko lia mwanangana.

Jeremia 37:19

Aprofeta jenu aze aprofetezele kuli yenu ngwo, Mwanangana wa Babilonia kechi kwiza kulimika ni yenu hanji kulimika ni chifuchi chino, kulihi ali haliapwila?

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Jeremia 9:2

Nyi kachi napwa ni kamwe kazuwo ka ngeji mu puya, hanga ngukahichike atu jami ngukaye kusuku no! Mumu eswe anapu akwa utanji, mbunga ya malunga a mafwefwe.

Hosea 10:13

Enu hinwalima uhenge; hinwacha upatwilo upi; hinwalia mihuko ya mahuza. Se hinwafuliela matemba jenu a jita ni wunji wa tujita twenu,

Hosea 11:12

Eframe hanangujingilika ni mahuza, munyachi wa Izalele hanangujingilika ni kwonga. Hindu Yunda kakwenda ni Zambi, kakulalaminya kuli mwe Musandu.

Hosea 4:2

Alioze chize chiliko, kutukana, ni mahuza, ni ungalwe, ni wiji, ni utanji. Kakuhiana shimbi jeswe; ungalwe unalitumbikila ha ungalwe.

Hosea 5:11

Eframe kanamupinjisa, kanamufwenye mu upatwilo mumu wasele mbunge yenyi kukaula yuma yamokomoko.

Hosea 7:5

Ha tangwa lia mwanangana wetu alemu ayijile ni chivukuminya cha vinyu. Wazozele kwoko lienyi hamwe ni akwa kulenya.

Mika 6:16

Mumu nwakufunga shimbi ja Omiri, ni yitanga yeswe ya munyachi wa Ahabe, ni yenu nwakwenda mu yiyulo yo, hanga ngukapwiseko kwa hululu, ni akwa kutwamako akasauke. Chocho kulenya cha mavungu muchikapwa hali yenu.

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.

A-ROMA 1:32

wano, nikunyingika upatwilo wa ululi wa Zambi, ngwe waze akulinga yuma ngwe yino kanatela kufwa, hindu hi kuyilinga wika ko, alioze kakuwaha hamwe ni waze akuyilinga.

1 Yoano 4:5

O akwa hashi: kashika kakuhanjika ya hano hashi, ni akwa hashi kakwevwa.