Hosea 7:2 - MUKANDA USANDU WA ZAMBI 1975

² Hindu kazewile ngwe yami mungwiwuluka yitanga yo yeswe yipi. Haliapwila yilinga yo hiyaalimba; kuyili kumeso jami.

Mukanda Wa Zambi 1970

² Keeshi kunyonga ngwo, yami mungwiwuluka yibi yino yeswe. Alioze milonga yo hiyoka, kaahashile kuyisweka ku meso jami.”

Hosea 7:2 Iomraidhean Croise

Jobe 34:21

Mumu meso jenyi kanamono ndako ja mutu; kakumona ngano jenyi jeswe.

Miaso (Masamu) 10:11

Kakwamba mu mbunge yenyi ngwenyi, Zambi hanavulama; kanaswame; keshi kumona.

Miaso (Masamu) 25:7

Kanda wiwuluka kama milonga ya ukweze wami, hanji uvulumunyi wami. Nikulita ni utu wa zango lie ungwiwuluke kama, mumu ha upeme we, Yehova.

Miaso (Masamu) 50:22

Zewulenu chuma chino, yenu nwakuvulama Zambi, kuchina mungunupapulula ni yoze manupulula wakuhi.

Miaso (Masamu) 9:16

Atu kakunyingika Yehova mu upatwilo uze kakupatula; mwe chingulungulu hakwachika mu yitanga ya moko jenyi mwene. (Pukuna. Litulike.)

Miaso (Masamu) 90:8

Hiunase uhenge wetu kumeso je; milonga yetu ya kuhengama yinasoloka mu pangu lia meso je.

Izaya 1:3

Ngombe kananyingika kakó, ni chimbulu kananyingika chililo cha yoze wamuyula; alioze A-Izalele kanyingikine, kuchalumbunukine kuli atu jami.

Izaya 26:16

Mu lamba lio akufupile yena Yehova, alembelelele ni tachi muze te yena unaafumbu.

Izaya 44:19

Niumwe kakuzewula; chinyingi chakuhi hanji malinjekela a kwamba ngwenyi, Chihanda nasele ha jiko, nochele mbolo ha makala jawo, nochele yifwo, nalile, kafwa te mungutenga chihanda chize chalisalaho chizelwokeso? Mungufulamana kumeso ja pinji ya mutondo?

Izaya 5:12

Kali ni tulialia ni yisaji ya kusa, ni tumikupiela, ni ndembo, ni vinyu, ku mizumbu yo; alioze keshi kusa mbunge ku yitanga ya Yehova, chipwe kumona milimo ya moko jenyi.

Jeremia 14:10

Ha kutwala kuli wano atu Yehova kanambe ngwenyi, Kanazange kwenda chocho, kasulile ku molu jo. Kashika Yehova kaatambwile, haliapwila mewuluka uhenge wo maafwetesa milonga yo.

Jeremia 16:17

Mumu meso jami kanatale ndako jo jeswe; kujanguswaminyine. Chipwe uhenge wo kahashile kunguswekelawo.

Jeremia 17:1

Shili ya A-Yunda hanayisoneka ni chisonekeso cha utale. Hanayolo ni songo lia diamante ha mbunge jo, ni ha mbinga ja yilumbilo yo,

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 32:19

Uli munene mu yiyulo, uli wa ndundo mu yitanga. Meso je kanalaula ku ndako jeswe ja atu, nikwononona mutu mweswe nikulita ni ndako jenyi, nikulita ni mihuko ya yitanga yenyi.

Jeremia 4:18

Ndako jenu ni yitanga yenu hiyanukokela chuma chino. Chino upatwilo wenu usasu chikolo; mba hiwanuheta ndo ku mbunge.

Jeremia 44:21

Ha kutwala ku insensu yize nwochele mu yihunda ya Yunda ni mu matapalo ja Yerusaleme, yenu ni tulamba twenu, ni mianangana jenu ni alemu jenu, ni akwa chifuchi, te Yehova wayivulamine? Kayewulukile nyi?

Ezekiel 21:29

(shimbu makanumwena usolwelo wa kwonga, shimbu makanutahila mahuza)—katana wa kusa ha makota ja yingulungulu a kulijilula, waze tangwa lio hiliaheta, mwaka wa kastigu yo yasula.

Hosea 12:2

Yehova kanasumu Yunda, kumakalamba Yakomba kastigu ya kulita ni ndako jenyi. Kumakamufwetesa nikulita ni yitanga yenyi.

Hosea 4:9

Mba muchikapwa cheswacho mapwa atu ni asasendote nawa chocho mapwa. Alioze mungwaaha kastigu mumu ha ndako jo, mungwafwetesa ha yitanga yo.

Hosea 6:2

Kulutwe lia matangwa aali matuhuzulula; ha tangwa liamuchitatu matuhindwisa, hanga tukende kumeso jenyi.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Hosea 9:15

Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Amose 8:7

Yehova halishinga ni ulemu wa Yakomba ngwenyi, Pundu chichi kavulama yitanga yo niyimwe.

Yona 1:2

Katuka uye ku Ninive, lie limbo linene, ukakololoke kuli ayo, mumu ungulungulu wo hiunahete kuli yami.

Kwalula 32:23

Alioze nyi kunuchi kalinga chocho, kumanyi, nwavulumuna Yehova, nunyingike chamwenemwene, ngwami, shili yenu muyikanukumika.

Luka 12:2

Alioze chuma cha kufukiwa chize kuchichi kafukuka chakuhi nichimwe; chipwe cha kuhengama chize kechi kachinyingika chakuhi nichimwe.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

Shimbi 32:29

Nyi kachi mana apwile no, kachi machisa chinyingi, kachi mamona kama songo lio.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.