Hosea 7:16 - MUKANDA USANDU WA ZAMBI 1975

¹⁶ Kakutala kuli Mbale; o kapwa ngwe uta wa mafwefwe. Alemu jo makafwa ni katana mumu ha shino lia malimi jo. Chocho maakekuna mu chifuchi cha Engitu.

Mukanda Wa Zambi 1970

¹⁶ Kaakungwehuka ni kuwayila zambi yoze keshi tachi. Kaali ngwe uta wa kwasa uze kaalemene lukusa ni tachi, mumu akwa lutwe jo kaakuhanjika ni kulengumuka, alioze kumaakafwa cha ponde, akwa Egiptu kumaakaaseha.”

Hosea 7:16 Iomraidhean Croise

Miaso (Masamu) 12:3

Yehova kumakasutula mivumbo yeswe ya kupepieka, ni limi lize lia kuhanjika yuma yinene;

Miaso (Masamu) 12:4

Waze akwamba ngwo, Mutukumba ni malimi jetu. Mivumbo yetu ya mbala ya yetu; iya mapwa mwene wa yetu?

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 17:10

Hanajiki mu maji jo. Kakuhanjika nikulengumuka.

Miaso (Masamu) 52:2

Limi lie liakutaka yuma ya uhuka ngwe tewula ya kuhela nikulingalinga ya kwonga.

Miaso (Masamu) 57:4

Mwono wami watwama hakachi ka ndumba. Ngunapombo hakachi ka waze akuhwilijela kahia; chipwe ana ja atu aze akwete mazo ngwe makunga ni mivu; limi lio liapwa ngwe katana wa kuhela.

Miaso (Masamu) 73:9

Kakusa makanwa jo a kulimika ni malilu. Malimi jo kakwendangana hashi heswe.

Miaso (Masamu) 78:37

Mumu mbunge jo kujalulamine nenyi. Kashishikile mu usendo wenyi.

Miaso (Masamu) 78:57

Ahilukile kunyima; alingile ni mafwefwe ngwe akako; apiasukile ngwe uta wa kwonga.

Izaya 3:8

Mumu A-Yerusaleme hanatalinga, A-Yunda hanalimbuka; mumu kuhanjika cho ni yitanga yo yapwa ya kulimika ni Yehova, ni kumwihia kwe kumeso ja uhenya wenyi.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 3:10

Alioze chipwe ni yino yuma yeswe hindu yayo wa mahuza Yunda kahilukile kuli yami ni mbunge yeswe alioze yalionga. Chocho kanambe Yehova.

Jeremia 42:18

Mumu Yehova-wa-Tujita, Zambi ya Izalele kanambe ngwenyi, Chizechene ngwe nazukwile utenu wami ni ufwatulo wami hali waze atwamine mu Yerusaleme, chocho nawa munguzukula ufwatulo wami hali yenu muze munuya ku Engitu. Munwalumuka sau, ni chuma cha mwongo, ni shingo, ni luchoko. Kunuchi kamona nawa chifuchi chino.

Ezekiel 23:32

Mwene Yehova kanambe ngwenyi, Kumwonwa musenge wa yayenu, unene, unatoho. Kumakakuseha ni kukuyunga mumu yuma yinji yilimo.

Ezekiel 36:20

Alioze ha kuheta ku mavungu, kweswako ayile ajilwile jina liami lisandu, se atu ambile ha kutwala kuli ayo ngwo, Wano e atu a Yehova, haakatwisa ku chifuchi chenyi.

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Hosea 11:5

Kumakahiluka nawa ku chifuchi cha Engitu, alioze Ka-Asuria makapwa mwanangana wo, mumu katayile kuhiluka kuli yami.

Hosea 11:7

Atu jami hasa mbunge jo akangwehuke, kashika hinaafunjikila kanga mba niumwe maachizayo.

Hosea 6:4

Ngulinge yika ni yena Eframe? Ngulinge yika ni yena Yunda? Zango lie Hapwa ngwe lelwa lia chimene; ngwe mume uze wakuya washiwashi.

Hosea 7:13

Lamba lio mumu hanahambuluka kuli yami! Akaonwone, mumu hanangukatukila! Ami ngunafupu kwakula, alioze kakuhanjika mahuza a kulimika ni yami.

Hosea 9:3

Kechi kutwama mu chifuchi cha Yehova; alioze Eframe mahiluka ku Engitu, mba malia kulia cha luchisa mu Asuria.

Hosea 9:4

Kechi kuzuza milambu ya vinyu kuli Yehova: kechi kuhasa kumuwahisa ni yitapo yo. Mbolo yo muyipwa ngwe mbolo ya waze hafwisa; mweswe mayilia malichisa, mumu mbolo yo muyipwa ya zala yo wika, kuyichi kuheta mu zuwo lia Yehova.

Hosea 9:6

Mumu kanayi ku Asuria; A-Engitu makaakunga; akwa Memefiji makaafunda. Mazo-a-lunoka makazuka yuma yo yilemu ya prata; mingonga muyikapwa mu mbalaka jo.

Malaki 3:13

Yehova kanambe ngwenyi, Maliji jenu hapwa a tachi a kulimika ni yami. Hindu nwakwamba ngwenu, Kuchi twakwamba kulimika ni yena?

Malaki 3:14

Hinwamba ngwenu, Kulingila Zambi, chamokomoko. Chika mutufumbula ha kufunga shimbi jenyi, hanji kwenda kumeso ja Yehova-wa-Tujita nikulinyenga?

Mateu 12:36

Alioze ngunambe kuli yenu ngwami, Liji lieswe liamokomoko lize atu mamba, kumakalilumbununa ha tangwa lia upatwilo.

Luka 8:13

Alioze waze ha liwe, waze muze hevwa, matambula liji ni uwahililo; ni wano keshi miji, mafuliela ha kashimbu, ni ha mwaka wa cheseko masulumioka.

Tiangu (Jake) 3:5

Chocho limi nawa chihanda chikepe, aiioze kuliakulisangala yuma yinene. Talenu, musenge upwa haha muuwema ku kahia kakepekepe!

2 Petulu 2:8

(mumu yoze mukwa ululi se watwamine hakachi ko, nikumona, nikwivwa, Wapinjishile mbunge yenyi ya ululi tangwa ha tangwa ni yitanga yo ya Utanguko).

Usolwelo 13:5

Iye amuhele kanwa lia kuhanjika yuma yinene ya kushililika; ni poko ya kulinga makumi awana a tukweji ni tukweji aali.