Hosea 7:13 - MUKANDA USANDU WA ZAMBI 1975

¹³ Lamba lio mumu hanahambuluka kuli yami! Akaonwone, mumu hanangukatukila! Ami ngunafupu kwakula, alioze kakuhanjika mahuza a kulimika ni yami.

Mukanda Wa Zambi 1970

¹³ “Lamba lio! Haangwehuka, haangulituna. Kumaakafwa. Nazangile kwalamwina, alioze uwayilo wo uli wa ulembekese.

Hosea 7:13 Iomraidhean Croise

Nehemia 1:10

Ngwami, Wano tuvumbi twe ni atu je hiwakula ni ngolo je ni kwoko lie lia tachi.

Jobe 22:17

Ambile kuli Zambi ngwo, Katuka kuli yetu! Mukwa-Ndundo-Jeswe kuchi mahasa kwalinga?

Miaso (Masamu) 106:10

Waapulwile ku kwoko lia yoze waavwilile kole. Waakulile ku kwoko lia mukwa kole.

Izaya 30:1

Yehova kanambe ngwenyi, Lamba kuli e ana a uhulia, waze akulinga nikulita ni kuhala, alioze hi kuhala cha yami ko. Kakukolesa usendo alioze hi wa Spiritu yami ko hanga akaweze mulonga ha mulonga.

Izaya 30:2

Kakukatuka akaye ku Engitu kuswamina ku tachi ja Falau, ni kuchinyina ku Chizulie cha Engitu, alioze kanguhulile yami ngukaasongwele.

Izaya 31:1

Lamba kuli waze akupalumuka ku Engitu kufupa yikwashi. Waze akujikijila hali tuvwalu, kakufuliela matemba-a-jita mumu ha kupwa anji, kakufuliela akwa tuvwalu ha kupwa ni tachi jinji. Alioze katalile kuli mwe Musandu wa Izalele; kahulile Yehova.

Izaya 41:14

Ena katutu Yakomba, kanda wivwa woma, enu malunga a Izalele! Yehova kanambe ngwenyi, Mungunukwasa; Mukwa-Kunukula iye mwe Musandu wa Izalele.

Izaya 43:1

Alioze haliapwila Yehova yoze waatangile yena Yakomba, yoze wakuwumbile yena Izalele, kanambe ngwenyi, Kanda wivwa woma mumu hinakukula; hinakutongola ha jina lie, uli niwami.

Izaya 59:13

Twakuvulumuna, twakulikala Yehova, twakuhambuluka mu jila ya kukaula Zambi yetu, twakuhanjika kupinjisa ni kukolema, twakunyonga mu mbunge maliji a mahuza, twakwahanjika nawa.

Izaya 63:8

Mumu wambile ngwenyi, Pundu o atu jami, ana a malunga waze kechi kangwonga. Chocho walipwishile Chilamwina cho.

Jeremia 14:10

Ha kutwala kuli wano atu Yehova kanambe ngwenyi, Kanazange kwenda chocho, kasulile ku molu jo. Kashika Yehova kaatambwile, haliapwila mewuluka uhenge wo maafwetesa milonga yo.

Jeremia 42:20

ngwami, Hinwapiasuka nukatokese mwono wenu. Nwangutumine kuli Yehova Zambi yenu ngwenu, Nutulembele kuli Yehova Zambi yetu, mba cheswacho Yehova Zambi yetu mamba, hinutulweze mba mutuchilinga.

Jeremia 51:9

Twazangile kuwuka Babilonia alioze aye kazangile. Himwehukenu eswe, tatuye mutu mweswe ku chifuchi chenyi, mumu upatwilo wenyi hiwaheta ndo kwilu hiwazunduka ndo ku malilu.

Jeremia 7:15

Mungunumbila kumeso jami chizechene ngwe nambilile usoko wenu eswe ana eswe ja Eframe.

Lungungu 5:16

Chipangula hichaholoka ku mutwe wetu. Lamba lietu mumu hitwavulumuna!

Ezekiel 16:23

Mba helu lia ungulungulu we weswe (Mwene Yehova kanambe ngwenyi, Lamba kuli yena, lamba!)

Ezekiel 18:2

Kuchi chinalumbunuka kuta chishima chino kanji kanji ha kutwala ku chifuchi cha Izalele ngwo, Atato halia uva jisasu, mba mu makanwa ja ana mwapangaminya?

Ezekiel 18:25

Hindu nwakwamba ngwenu, Ndako ja Mwene hi ja ululi ko. Ivwenu haliapwila enu akwa munyachi wa Izalele. Kumanyi ndako jami hi ja ululi ko? Nyi ja yenu kujalulamine?

Ezekiel 34:6

Mapanga jami amwanganyine; endanganyine ha milundu yeswe, ni ha mundundena weswe usuku. Mapanga jami amwanganyine hashi heswe; kukushi yoze mahengula hanji kwafupa.

Hosea 11:12

Eframe hanangujingilika ni mahuza, munyachi wa Izalele hanangujingilika ni kwonga. Hindu Yunda kakwenda ni Zambi, kakulalaminya kuli mwe Musandu.

Hosea 11:2

Cheswe nalikolezele kwasanyika o yalikoleza kukatuka kuli yami. Yawezela kushihila yitapo Ambale nikwochela insensu mahamba.

Hosea 5:7

Halinga ni mafwefwe kuli Yehova, mumu hasema ana ja yilambala. Haliapwila makahwa ni kakweji mwaha hamwe ni minda yo.

Hosea 7:1

Muze munguhilwisa kuwaha cha atu jami, muze munguwuka Izalele, uhenge wa Eframe unasoloka ni yitanga ya ungulungulu ya Samaria; mumu kakulinga ni mahuza; eji kakulokola mazuwo, ni yingumba kakupupa mu majila.

Hosea 7:3

Kakuwahisa mwanangana ni ungulungulu wo, kakuwahisa alemu ni mafwefwe jo.

Hosea 9:12

Chipwe malela ana hindu mungwashiha, kechi kasala niumwe. Lamba lio! Muze mungwakatuka.

Hosea 9:17

Zambi yami maambila mumu kamupanjikile. Kumakapwa yendanganyi hakachi ka mavungu.

Yona 1:10

Malunga evwile woma kuhiana. Yamba kuli iye ngwo, Chuma chino walinga, chika? Mumu kananyingika ngwo, Kanachina kumeso ja Yehova, se iye mwene haalwezacho.

Yona 1:3

Alioze Yona yakatuka akachine kumeso ja Yehova, akaye ku Tashi. Yaya ku Yopa, yawana wato unayi ku Tashi. Chocho yafweta ndando ya kwendelamo, yanjilamo akaye hamuwika no ku Tashi akachine kumeso ja Yehova.

Mika 6:12

Pichi jenu kanazala ni upupilo; waze atungamo kakuhanjika mahuza malimi ja mu makanwa jo a kwonga.

Mika 6:4

Nanuchijile ku chifuchi cha Engitu, nikunukula ku zuwo lia upinji. Natumine Mose, ni Arone, ni Miriame kunutetekela.

Mateu 23:37

A Yerusaleme! A Yerusaleme! Yena, wakushiha aprofeta, wakwasa mawe waze aatumine kuli yena! Yisuho yipwa haha hingunazange kukungulula ana je ngwe chali makunga ana jenyi mushi lia mapulwa jenyi, ni yenu kunwatayileko!

Shimbi 15:15

Wiwuluke ngwami, Ena wapwile kapinji mu chifuchi cha Engitu, Yehova Zambi ye yakukula. Kashika ngunakwambe chuma chino musono.

1 Yoano 1:10

Kachi mutwamba ngwetu, Kutwavulumwine, kachi mutumupwisa mukwa mahuza, ni liji lienyi kulishimo muli yetu.

Usolwelo 8:13

Mba namwene, nevwile pupa kanahumuka mukachi ka lilu, kanambe ni liji linene ngwenyi, Lamba, Lamba, Lamba, kuli akwa hashi, mumu ha maliji akwo a ku yitavwi ya angelo atatu, waze himemba.